Quant il fu aj'orné, quand il commença à faire jour

et à chevaus. Li autre voloieut que on alat avant, car il avoient espérance que plus tost peusent trover viandes en passer avant que en retorner. Tandis com il esloient en ce contenz et en la doute, si que il ne savoient que faire, aucunes genz de lor ost qui s'etoient elognié en costé d'aus et puis revenu arriéres, lor firent asavoir que asez près d'iluec s'etoient asemblé trop grant planté de Turs qui estoient tuit armé. Bien est voirs que li Grezois qui fui s'en estoient, les menèrent à escient au pis que il porent, car il les embatirent en uns granz deserz, où il n'ot ainques ne aré^ ne semé, et il les deusent avoir menez par Licaone que il avoient laissié à destre. Lors trcvasent la voie plus petite et terres guehennables, plantaives de bones viandes ; mais il les avoient mis es deserz de Capadoce por aus elognier don Goine. L'an disoit communément, et ge croi que il fut voirs, que cil Grezois avoient ce fait par la volenté et par le commandement l'emperaor Manuel, qui pas ne vousit que ces genz de l'empire d'Alemagne venisent à bon chief de lor emprises; car li Grezois ont toz jors envie sor aus, ne ne voudroient pas que lor pooirs creut ne amendât, car trop ont grant dédain de ce que li empereres se claime emperaor des Romains ausi com li lour empereres, por ce que il dient que li empereres de Costantinoble doit avoir toz sous^ la segnorie sor tôt le monde.

Comment les Turs, qui estoient assez, près de l'ost Vempereour muciez, li coururent sus et trouvèrent son ost