Auz, eu

destorbiers, por ce n'avoit mie talent d'emprendre nules guerres, juques a tant que il aust som pèlerinage parfait. Après ce, il orroit volentiers parler le prince et les autres barons de la terre de Surie et par lor conseil feroit à son pooir le prou de la besoigne Nostre Segnor. Quant li princes oi que il ne feroit riens vers li de ce que il pensoit, trop en prist granz corrouz, et dès lors en avant tôt le mal que il pot porchaça contre le roi, de lui corroucier se pena en totes manières; si nais que* la roine sa famé mist-il à ce que ele le vout laissier et partir de lui-. Maintes genz firent asavoir au roi que li princes li porchaçoit mal, si que il ot consel à ses hommes, celéement. Par lor acort s'en issi par nuit de la cité d'Anthioche, si que il ne le sorent pas tuit. N'ot mie tel procession au convoier com il avoit aue à l'entrer. Asez i ot de genz qui didrent par la terre que li rois n'avoit pas fait s'onor en partir ensi dou pais.