Por aus receler, pour se retirer

Comment les noz gaaignierent les jardins et le fleuve a grant pairie et chacierent les Turs dedenz leur cité^.

-Grant despit emprit sor soi li rois Baudoins et si barom. Tuit bien virent que ne porroient en celé manière passer juques à la cité sanz trop grant domache. Lors se tornerent es cotez de la voie ; si commencierent à derompre et à abatre les murs de terre. Les Turs que il troverent dedenz la closture de ces murs sorpridrent si que il ne les laissierent mie passer outre les autres murs, ançois en occidrent assez et mainz en retindrent pris. Ensi le firent li nostre en ne sai quanz lex.

Quant li Tur qui estoient espandu par les jardins virent que li nostre aloient ensi abatant les murs et occiant la gent, trop furent espoenté, si s'anfuirent vers la vile; les jardins laissierent et s'anfuirent a granz rotes ^ dedenz la cité. Lors alerent li nostre tout à bandon* parmi les sentiers, que nus ne se metoit encontre aus. Mais li Tur s'atoient bien apensé que li nostre auroient mestier de venir au flum por abuvrer aus maimes et lor chevaus. Por ce, si tost com il s'apercurent que la citez seroit asise de celé part, il garnirent moult bien les rives dou flum d'archiers et d'aubalestiers et chevaliers i mirent-il assez por garder que li nostre n'aprochassent à l'iau. Quant la bataile le roi