Tout à bandon. en toute liberté

Baudoim ot auques passez toz les jardins, grant talent ot de venir au Hum qui couroit près des murs de la cité. Mais quant il aprochierent, bien lor fu contredite l'eve, et furent par force li nostre reusé arriéres. Après, se ralierent et empridrent l'eve à guenier. Aus Turs asemblerent, etfu li pognais* après et fiers; mais, là nostre gent refurent flati arriéres*. Li rois de France qui chevauchoit après a tote sa bataile et aten-r doit por secorre aus prumerains quant mestiers fut et il fusent lassé. Li empereres qui venoit darreniers^ demanda por quoi il s'etoieut aresté. L'on li dit que la prumiere bataile estoit asemblée aus Turs que il avoient trovez hors de la vile. Quant li Tyois qui pou sevent de toz atiremenz* d'armes et sont une genz qui riens ne puent souffrir, oïrent ce, tantost se déroutèrent et coururent tout à deroi. Li empereres maimes i fu. Parmi la bataile le roi de France s'en passèrent tout sanz conroi juques il vindrent au pognaiz sor l'eve. Lors decendirent tuit des chevaus et midrent les escuz devant et tindrent les longues espées. Asprement coururent sus aus Turs, si que il ne le porent soufrir. Ne demora gueres que il guerpirent l'eve et se midrent dedenz la vile.

Li empereres fit à celé venue un cop de quoi l'on doit toz jors mais parler en bien, car uns Turs le tenoit moult près, qui estoit armez de haubert. Li em-