Vita Hludou'ici iinperatoris, chap. lviii

ciel qui les genz espoantent^. Et li empereres respondi par grant sens et par grant fermeté de cuer et de foi : « Nous ne devons, dist-il, nule riens douter, fors celui qui cria l'estoile et nous maismes, si ne povons pas assez loer ne merveillier sa debonaireté qui nous daigne amonester par tiex signes que nous, qui sommes pecheor et sanz repentance, nous retraions de noz péchiez. Et pour ce que cist signe touche moi et touz les autres, chascuns se devroit efforcier de sa vie amender, que noz péchiez ne nous tolent à avoir sa grâce et sa miséricorde. »

Quant il out ce dit, il demanda le vin, si but^ et puis tuit li autre. Presque toute celé nuit veilla en proieres et en oroisons. Au matin, apela les menistres du palais et commanda que l'on donast aumosnes aus povres largement, aus moines, aus chanoines et aus autres genz de religion. Messes fist chanter à tant de prestres comme l'on peut trover. Si ne se doutoit pas tant de lui comme de i'estat de sainte Eglise que il avoit à garder.

Enprès ces choses, s'en ala chacier en la forest d'Ardaine, et ensi comme l'on disoit, toutes les choses que il vont ordener et faire en ce tens li vindrent à bone fin. ^Le mois d'aoust aprochant^, fu à Es la Chapelle.