Vita HludoiK'ici imperatoris, chap. lx

rendoit grâces à Nostre Segneur et amonestoit ses fiuz que il s'entramassent entièrement et gardassent li uns l'autre, et à Lothaire pria et commanda que il eust grant cure de son frère et li sovenist que il estoit ses pères adoptis; et à Ghalle commanda que il li portast honeur comme à son père espirituel et comme à son ainzné frere^ Quant li pères, qui touz jors ama pais, out ensi mis concorde et amor entre les frères et entre leur barons, à son povoir, il dona congié Lothaire de retorner en Ythalie; mais avant li dona granz dons et sa beneiçon, et si li amonesta que il gardast sa loiauté et ce que il avoit promis.

Tout cel yver demora à Es la Ghapele et célébra la Nativité et la Résurrection avant que il s'en partist.

-Moult porta grief ceste partison Loys, li rois de Baiviere; ost assembla et saisi toute la terre delà le Rim. Li empereres qui ces noveles oï se soufri jusques après la Pasque. Tantost après la feste esmutson ost et trespassa le Rim et la cité de Maience et ala jusques à Tribures^; là demora i poi pour cuillir etpouratendre son ost. Lors s'en parti et vint jusques à la cité de Dodome*. Là vint à lui ses fiuz humblement, quelque gré

1. Les expressions « taraquam patri spiritali et fratri seniori » delà Vita Hludotvici semblent bien indiquer que Lothaire était, en même temps que le frère aîné, le parrain de Charles le Chauve.