Atiré, arrangé, réglé
210 Li;S C.JUNDKS ("IIRONIQUKS.
espace de soi repentir, en tele manière toutevoies que il n'eust pooir, ne li sien, de faire les maus que il pensoient. Et quant il fu traiz hors de prison et amenez avant, tuit cil qui là lurent présent commencierent à crier que il eust les ieuz crevez, pour ce (jue luit cil qui à mal faire tendoient poui" couverture de lui fussent du tout hors de leur espérance, et que sainte Eglise et li roiaumes demorast en bone pais ne jamais ne fust troblée pour lui.
En ce tens vint à Franquenefort Loys, li rois de Germanie ; là maismes célébra la Nativité Nostre Segneur avant que il s'en partist. Après, i tint parlement entor les kalendes de février et manda à ses ii fiuz, Kallemanne et Looys, que il i fussent, et à touz ses homes feutables qui avoient esté du roiaume Lothaire. Et tandis com il demoroit là, avint une merveilleuse aventure que li deables prist semblance de bon ange et vint à Kallemaine l'un des fiuz le roi Loys, et li dist que Diex s'estoit corrociez à son père et le voloit occierre pour la raison de Loys son frère et li de voit tolir le roiaume et à lui doner. Kallemaine, qui moult fu espoantez de tele avision, se leva touz effreez et s'enfui en un mostier qui assez près estoit de la maison où il gisoit. ^(Si ne fu pas de merveille se il fu espoantez, car il a tel différence entre l'avision de l'ange Dieu et du deable, quant il faint semblance et clarté du bon ange, que cil qui a veue l'avision de l'ange Dieu demore en joie et en bone espérance, et cil qui a veue l'avision du mauves ange demore en paor et en tristece). Li deables le sui et entra eu mostier après lui et
1. La phrase entre parenthèses est de l'auteur des Grandes Chroniques.
li dist : « Pourquoi as-tu paor? ne pourquoi me fuis-tu? Tu puez bien savoir se je ne venisse de par Dieu pour toi anuncier ce qui avendra par tens, que je n'osasse pas entrer après toi en ce mostier qui est la maison de Dieu. » Tant li dist de tiex paroles et de semblables que il prist communiun par la main du deable que Diex li enveoit par lui, si com il disoit'. Et tantost com il l'ot receue, li deables li entra ou cors. Tantost vint à son père qui seoit ou milieu de son parlement, ovec ses autres fiuz et ses barons et ses prelaz. Lors le prist li deables à tormenter et dist devant touz que il voloit guerpir le siècle, et que jamais a sa famé n'abiteroit. Lors traist s'espée et la lessa chaoir à terre, et quant il vot desceindre le baudré, li deables le commença trop fort à tormenter ; et lors salirent avant li evesque et li baron, et le tindrent à force. De ce, fu li pères moult troblez et tuit cil qui là estoient. En l'église le menèrent et tantost se revesti li arcevesques Manberz^ por la messe chanter, et quant ce vint ou point de l'évangile, il commença à crier à haute voiz : Ve, ve, ve, et touz jors cria ensi continuement jusques a tant que la messe fu chantée. Li pères qui moult estoit dolenz, le lessa aus evesques et à ses autres amis et commanda que il fust menez par les sains lieus des martyrs et des confessors, que par leur mérites et par leur de-
1. Le latin n est pas traduit clairement : « His et aliis blanditiis ei persuasit ut communionem a Deo sibi raissain de manu illius acciperet, sicut et fecit; et post buccellam ipse Sathanas intravit in eum. »
2. On a commis une erreur dans le manuscrit de Sainte-Geneviève en transcrivant ce nom, il faudrait Luitbert ; le latin donne : « Luilbertus archiepiscopus », c'est Luitbert, archevêque de Mayence du 3 novembre 863 au 17 février 889.
212 MÎS GRANDES CHRONIQUES.
séries, se il plesoit à Dieu, peust estre ramenez en son sens. Si se pensa que il l'envoieroil à ref:;lise Saint Père de Home, mais il enlrelessa celé voie pour aucunes autres besoignes.
Comment Kalles li Chaus assist les Normanz en la cité d'Angiers; de la pais que li rois Loys fist à Wandes pour Kallemanne son fil aidier, et comment Kalle li Chaus fist venir à merci les Normanz que il avoit asseyiez en Angiers, et de maintes autres choses.
En ce tens repaira li empereres Loys en la cité de Capue; si estoit ja inorz Lamberz li Chauves et estoit venuz à grant ost i patrices de l'empcreor des Griex en la cité d'Yndrone^ pour aidier à ceus de Bonivent qui li promistrent que il li rendroient une somme d'avoir, par non de treuage, que il soloient devant ce rendre aus empereors qui estoient roi de France. Lors manda li empereres Loys à l'apostoile Jehan que il venist à lui en la cité de Capes-, si que par lui fust à lui reconciliez ses compères Adelgises^. Si tendoit à ce li empereres que ses sairemenz fust sauvez par la présence l'Apostoile, car il avoit juré que il prendroit à force celui Adelgise avant que il se partist du siège; ne ainques prendre ne le pot.
Kalles li rois de France asembla son ost en ce contemple, et commanda que il s'en alast tout droit vers
