IV IG

contra à Verziaiis' ; iiioull honorablement le reçut et puis alerent jusques à Pavie. Là vindrent noveles certaines que Kalleniaines ses niés venoit seur lui a grant plenté de gent. Pour ces noveles, lessierent Pavie et s'en alerent à Tardone^. Là fu sacrée à empererriz madame Richeut par la main l'Apostoile; et tantost corne ce fu fait, ele prist les trésors et s'enfui hastivement arriéres à Moriene^, et li empereres demora là une pièce ovec l'Apostoile pour atendre les barons du roiaume, le conte Huon*, et Boson^ et Bernart le conte d'Auvergne", et Bernart le marchis de Gocie'; à touz ceus avoit-il mandé que il venissent après lui; mais pour noient les atendoit, car il avoient ja faite conspiration contre lui et s'estoient torné et alié aus autres barons du roiaume, fors aucuns et les evesques tant seulement. Et quant il sot ce, et il pensa que se il venoient il vendroient plus à son domage que à son preu, et il sot d'autre part que Kalleniaines ses niés venoit seur lui et s'aprochoit ja durement, il se départi de l'Apostoile et s'en ala hastivement après madame Richeut l'empererriz, et li apostoiles Jehans s'en retorna jysnelement vers Rome. Si enporta une croiz de fin or et de pierres précieuses de grant pois, où h crucifiemenz Nostre Segneur estoit pourtraiz, que li em-

1. Verziaus^ latin « apud Vercellis civitatem », auj. Verceil, Italie.