Li Crierres, le Créateur

Dieu et trine te preeche, car il est i et trines. Toutes les III persones sont ensemble perdurables et unies ; tiex com li Pères est, tiex est li Fiuz et tiex li Sainz Esperiz. En persones est proprietez, en essence unitez, en majesté est aourée equalitez. Un seul Dieu et trine aourent li ange ou ciel. Abraham en vit m et si en aoura un seul. »

« Ice me monstre », distli geanz, « coment m choses sont I. »

« Je le te monstrerai », dist Rolant, « par l'example d'aucunes créatures. » Il a m choses en la harpe, l'arc, les cordes et les mains, et si est une seule harpe. Ausi a-il m choses en Dieu, le Père, le Fil et le Saint Esperit, et si est uns sens Diex. Et ausi comme tu voiz en l'amande m choses, l'escorce, la coquille et le nouelS et si est une seule amande. Ausi sont m persones en Dieu, et si est uns seus Diex. Ou soleil a m choses, blanchor, resplendissor et chalor, et si est une meisme chose. En la roue de la charete est li moieus, li rai et les jantes, et si est une seule roe. En toi meismes a m choses, li cors, li membre et l'àme, et si es uns seus hons. Tout ausi est en Dieu, et unitez et trinitez. »

« Or, entent-je », dist Fernaguz, « coment Diex est trines et uns ; mais je n'entent pas coment il engendra le Fil, si com tu diz. »

« Croiz-tu », dist Rolant, « que Diex feist Adam le premier home? » « Je le croi » dist li geanz.

« Ausinques », dist Rolant, « come Adans, qui de nului ne fu engendrez, engendra fiuz, ausi Diex li pères, qui de nului ne fu engendrez, engendra le Fil de