En conroi, en ordre
25? I.KS r.RANDKS CHRONIQUES
batîiillc. Mais 11 Sarrazins se retraistrent arif.Ts, quant il les virent assemblez et ordenez en conroi, et crestien tendirent lor tentes et demorerent iluee maismes jusques au matin. Au point du jor se levèrent, et se conseilla Karlemaines à sa gent que il feroient. Lors, lu crié par tout l'ost que chascuns covi'ist la teste de son cheval de toile ou de dras, si que il ne peussent vooir les barboires, et estoupassent forment les orilles, si que il ne peussent oïr les criz des Sarrazins, ne les sons de lor tympanes. 0 ! com grant engin et soutil troverent contre la malice des Sarrazins. Quant il orent ensi fait, li cheval alerent hardiement avant, qui petit de force i fesoient en lor espoantemenz, pour ce que il ne les veoient ne n'ooient. Lors commencierent li crestien la bataille hardiement, et forment se combatirent jusques à l'eure de miedi. Moult en occistrent; mais il ne les porent pas vaincre du tout, car il estoient tuit joint ensemble. Si avoit ou milieu d'aus i chars, que viir buef menoient, et desus une ensegne à quoi il se ralioient. Mais tantost corne Karlemaines l'aperçut, il se feri en la torbe des Sarrazins, garniz et avironez de la vertu Nostre Seigneur. Lors commença à occire et à craventer à destre et à senestre jusques atant que il vint à l'estandart qui sor le char estoit. Et tantost com il ot copée la perche qui la baniere soustenoit, se desconfirent li Sarrazins et commencierent à fuir en diverses parties. Li crestien pristrent lors à crier et à huer et se ferirent es Sarrazins et en occistrent viii™. Là fu occis li rois de Sébile, et li aumaçors de Gordres eschapa et s'enfui atout ii™ Sarrazins. En la cité se mist; l'endemain la rendi à Karlemaine, par tel covent que il recevroit baptesme et la tendroit de lui et des
ores en avant obeiroit^ du tout à ses commandemenz. Ces choses ensi faites, Karlemaines départi et dona les terres et les contrées à ses chevaliers et à ses genz; à ceus qui demorer i voudrent. Aus Bretons dona la terre de Navarre et de Bascle ; aus François la terre de Ghatelle-; aus Puillois la terre de Nadres et de Sarragouce; la terre d'Arragon aus Poitevins; aus Tyois et aus Alemanz la terre de Landaluf qui siet sor la marine ; la terre de Portigal aus Danoys et aus Flamens; la terre de Galice ne vorrent François habiter pour ce qu'ele lor sembloit trop aspre. Puis icele heure, ne fu nus hons, ne hauz ne bas, ne rois ne princes, en toute la terre d'Espagne, qui contre Karlemaine s'osast combatre ne contrester.
De la seigneurie que li empereres estahli ou siège de Compostele, que tuit li roi et li prélat iV Espagne fussent obéissant ou prélat du siège. Après, lesquiex sont les principaus églises de tout le mont, et puis cornent li arcevesques Turpins, qui presenz fu partout, raconte les mors et la qualité Karlemaine.
^ Quant Karlemaines ot ensi Espagne conquise et nus ne fu qui contre lui s'osast plus révéler, il lessa en la terre des plus granz princes de son ost et ala en la terre de Galice visiter et aourer le cors monseigneur saint Jaque. Les bons crestiens que il trova ou pais conferma en la foi, et ceus qui, par force et par des-
