LIVRE CINQUIÈME
Ci commencent li chapitre du v^ livre de l'estoire de Karlemaine et 11 seconz de l'estoire d'Espagne qui est fins de touz ses laiz.
Li premiers parole du message Ganelon et de la traison que il fist au roi Marsile, des presenz que li Sarrazins firent au roi et aus combateors par malice, et puis de la bataille, cornent li crestien furent occis.
Li seconz parole cornent li Sarrazins s'enfuirent et cornent Rolant les sui touz seus pour savoir quel part il tornoient, et puis coment il sona son olifant pour ses compagnons rasembler, qui, pour la paor des Sarrazins, se tapissoient par les bos; coment il occist le roi Marsile et puis coment il fendi le perron quant il cuida depecier s'espée, et puis coment il sona derechief l'olifant que Karlemaines oï de viii miles loinz.
Li III parole coment Rolant fist sa confession à Dieu et coment il reichi de fin cuer les articles de la foi, et puis coment il pria à Dieu pour ses compagnons qui en celé bataille et es autres avoient receu martyre ; de Baudoin son frère et de Tyrri qui sorvindrent à son trespassement ; de la grant soief que il ot, et coment il rendi à Dieu son esperit.
Li iiii parole de l'a vision l'arcevesque Turpin, coment il fu certains de la mort Rolant et de la mort le roi Marsile, et puis coment Baudoins sorvint qui aporta les vraies noveles et raconta la manière de la mort et de la confession Rolant, et puis coment Karlemaines et tout li oz retorna en Roncevaus; du duel Karlemaine et des regrez de Rollant.
Li V parole cornent Karlemaine Hst loger son ost et se reposèrent celé nuit niaismes là où li cors Rolant j^isoit, et cornent chascuns trova son ami mort ou navré; cornent Oliviers ïu trovez; coment Karlemaines enchauça les Sarrazins et les occist; coment Ganelons tu detraiz à chevaus pour la traïson, et puis coment chascuns enportoit son ami, les uns morz et les autres navrez.
Li VI parole coment li cors Rolant fu portez en la cité de Blaives et enterrez en l'église Saint Romain, et coment Karlemaines renta l'église, et puis parole de divers lieus où Oliviers et li autre baron furent porté; des aumosnes que Karlemaines fist pour les morz et coment Turpins demora à Viene.
Li VIT parole coment Karlemaines retorna en France et fist conciles des prelaz et parlement des barons; coment il rendi grâces au benooit martyr saint Denys et li dona et lessa en garde toute France en la présence des barons, et puis coment il s'en ala à Es la Ghapele, et puis de l'avision Turpin, de la mort Karlemaine.
Li VIII parole de plusors signes qui avindrent avant la mort Karlemaine, et puis de son testament, et coment il tu ensepouturez, et puis après de la signification du nom Karlemaine, Rolant, Olivier et Turpin.
Li IX parole d'une aventure qui avint à Rolant tandis com il vivoit encores, avant que il entrast en Espagne, quant il délivra son oncle Karlemaine des mains des Sarrazins, et coment il prist la cité de Granople par miracle.
Li X et li darreniers parole de ce qui avint en Espagne lonc tens après la mort Karlemaine; car liaumaçors de Gordres se vanta que il conquerroit toute
Espagne; ses oz asembla et fîst moult de domages en la terre; mais puis s'en ala-il ausi corne touz espoantez par les miracles que il vit.
Ci commence la bataille de Roncevaus et la mort de Rolant.
Li premiers parole du message Ganelon et de la traison que il fîst au roi Marsile, des presenz que li Sarrazin firent au roi et ans combateors par malice, et puis de la bataille, coment li crestien furent occis.
^Puis que Karlemaines, li très puissanz empereres et très renomez, ot conquise toute Galice et toute Espagne, et sozmise à la foi crestiene et à l'onor de Dieu et de monseigneur saint Jaque, il retorna en France et fîst ses oz herbergier delez la cité de Pampelune. En ce tens demoroient en la cité de Sarragouce dui roi Sarrazin, Marsiles et ses frères Baliganz^; si les avoit envoiez contre Karlemaine pour Espagne défendre, des parties de Surie, li soldanz de Babyloine atot granz oz. A l'empereor estoient sougiet et volentiers li obeïssoient par semblant ; mais ce estoit fausement, car il ne l'osoient refuser.
