Ruiste, violent

2n8 LKS GRANDES CHRONIQUES.

Ibri entre les Sarrazins plus fiers que uns lyons et conjenva à detrenchier et à craventer, a destre et à sencstre, tant que il s'aprocha du roi Marsile. Et cil, quant il le vit vers lui venii", se prist au fuir; mais Rolant, qui de près le sui, le chaça tant que il l'ocist entre les autres Sarrazins, par l'aide Nostre Seigneur.

En celé darriene bataille furent tuit si c compagnon occis. Il maismes fu navrez de iiii lances et griement feruz de perches et de pierres. Mais toutes voies eschapa-il de celé bataille par l'aide de Nostre Seigneur.

Tantost come Baliganz sot la mort son frère Marsile, il s'enfui de ces contrées, entre li et ses Sarrazins. En ce point estoient parmi les bois Baudoins et Tyerris, et aucun autre crestien qui se repognoient^ pour la paor des Sarrazins; et Karlemaines et ses oz passoient les porz, qui encor riens ne savoient de l'occision qui en Ronce vaus a voit esté.

Lors commença Rolant à repairier touz seus parmi le champ de la bataille, las et travailliez des granz cops que il avoit et donez et receuz, et engoisseus et dolenz de la mort de tant noble baron que il veoit devant lui occis et detrenchiez. Grant dolor démenant, s'en vint en tel nnaniere parmi le bois jusques au pié de la montegne de Gisare et descendi de son cheval desouz un aubre, delez un grant perron de marbre qui iluec estoit drechiez, en un moult biau pré, au desus de la valée de Ronce vaus. Si tenoit encores en son poing Durendal s'espée. Durendal, si vaut autant à dire come donc dure cop ou fier durement Sarrazin. Espée estoit esprovée sor toutes autres, clere et resplendis-