Auques loing, assez loin

tude. Lors descendi de la montagne et ala après iaus par la valée de Roncevaus, par celé maisnie voie que Karlemaines et ses oz aloient, qui ja avoient passez les porz. Lors sona son cor d'olifant que il portoit adés par costume en bataille pour aucuns des crestiens rapeler, se nus en fust demorez. A la voiz du cor, vindrent à li entor c crestien qui par le bois s'estoient repost. Ovec soi les mena et retorna au Sarrazin que il avoit loié à l'aubre.

Quant il l'ot desloié, il leva Durendal s'espée toute nue sor son chief et le menaça que il li coperoit la teste se il n'aloit ovec lui et se il ne li monstroit le roi Marsile, car Rolant ne le cognoissoit encor mie; et se il voloit ce faire, il le lairoit aler tout vif. Li Sarrazin ala ovec lui et li monstra Marsile de loing, entre les compagnies des Sarrazins, a un cheval rouge et a un escu roont.

Atant le laissa Rolant aler, si com il li avoit promis. Lors se feri entre les Sarrazins, il et cil (|ui ovec lui estoient, hardiz et encoragiez de bataille, segurs et avironez de la vertu Nostre Seigneur. Un Sarrazin chosi, qui plus granz estoit que nus des autres; celé part se traist et le feri si de s'espée Durendal, que il le fendi tout dès le chief jusques en la sele et coupa a un seul cop li et le cheval, si cjue la moitié du Sarrazin et du cheval chai à destre et l'autre à senestre. Et quant li Sarrazins virent si ruiste^ cop et si merveilleus, il commencierent à fuir çà et là, et lessierent Marsile ou champ, a petite compagnie. Et Rolant et li sien, qui en s'aide avoit la vertu Nostre Seigneur, se