Envers, sur le dos
ses cheveus sachoit à pognies, et quant il pot parler, si cria à haute voiz :
« 0 Rolanz, biaus douz niés, destres braz de mon cors, honors de France, espée de justice, hanste roide sanz ploier, hauberz forz et entiers, hiaumes de salut, par proece comparez à Judas Machabée, semblables à Sanson le fort, à Saiil et à Jonathas comparez par fortune de mort, en batailles chevaliers très sages et très aigres, li forz des forz, lignie de rois, destruisierres de gent sarrazine, defendierres des crestiens, murs de clergie, bastons d'orphelins et de veves, viande et récréation des povres, relevierres d'églises, langue sanz mençonge, sages en touz jugemenz, dux et conduisierres des oz. Pourquoi t'amenai-je en cest pais et en ces estranges contrées? Pourquoi te voi-je mort? Pourquoi ne muir-je ovec toi? Pourquoi me lesses-tu tristres et fraile en cest mortel vie? Helas! que ferai-je? Que pourai-je devenir? Biaus douz niés, l'àme de toi soit ovec les angels, sanz tin s'esjoisse en la compagnie des martyrs. Touz les jors de ma vie mais me covient plorer sor toi^, ausi come David fist jadis sor Absalon et sor Saûl Jonatham. » Par tiex paroles et par semblables, plainst et regreta Karlemaines Rolant tant com il vesqui puis^.
1. « A grant dulur tiendrai pois mun reialme : Jamais n'iert jurz que ne plur ne m'en pleigne »
[Chanson de Roland, éd. Léon Gautier, vers 2914-2915).
2. Le royal ms. 16 G VJ, fol. 179 v°, ajoute ici en note : « Tu t'en vas au pais perdurable et nous laissez cy aval touz tristes et courouciez de ta départie. La salle du ciel très replendissant te reçoit, et pleurs nous prennent et gemisseinens. En l'aaige de XXXVIII ans, ce monde cy aval délaissez et t'en vas ou ciel
Li V parole cornent Karlemaine fist loger son ost et se reposèrent celé nuit maismes là oh li cors Rolant gisoil et cornent chascuns trova son ami mort ou navré; cornent Oliviers fu trovez; cornent Karlemaines enchauça les Sarrazins et les occist; cornent Ganelons fu detraiz a chevaus pour la traïson et puis cornent chascuns enportoit son ami, les uns morz et les autres navrez.
Quant Karlemaines ot ensi regreté Rolant, il commanda à tendre très et pavellons en ce lieu maismes où Rolanz gisoit morz. Là se repousa li oz celé nuit. Le cors Rolant fist ovrir Karlemaines et embarsamer de basme, de mierre et d'aloës. Les obsèques et le service des morz fist chanter aus menistres de sainte Eglise, a granz luminaires. Toute celé nuit mena li rois et touz li oz duel et plor. Grant luminaire et granz feus firent parmi le bois jusques au jor.
de Dieu justisié. Des viandes du ciel seras desoremais repeuz; le ciel te reçoit a grant joie et le pueple te délaisse a grans pleurs. » Ce qui est la traduction des vers suivants, placés sur les lèvres de Charlemagne, dans Bibl. nat., ras. lat. 5925, fol. 145 v°. Cf. de Reiffenberg, Chronique rimée de Philippe Mouskes, t. I, p. 513, et Turpini historia Karoli magni, éd. Castets, p. 51 :
« Tu patriara repetis, nos triste sub orbe relinquis,
Te tenet aula nitens, nos lacrimosa dies.
Sex qui lustra gerens, octo bonus insuper annos,
Ereptus terrae justus ad astra redis,
Ad paradisiacas epulas te cive reducto
ITnde gémit mundus gaudet honore polus. »
^Au matin, s'armèrent tuit et vindrent en la valée de Roncevaus, au lieu de la bataille, où li baron et l'autre chevalerie gisoient mort; car la bataille n'avoit pas esté là oi^i il troverent Rolant. Là trova chascuns son ami, dont li plusor estoient mort; li auquent non, mais il estoient navré à mort. Le vaillant Olivier troverent mort, tout envers estendu ausi come en croiz, lié de un forz harz à iiii pieus fichiez en terre et escorchié de coutiaus aguz, du col jusques aus ongles des piez et des mains. En plusors lieus estoit tresperciez de saietes et de javeioz, et d'espées, et froissiez de cos de basions.
Lors commença li plors et li criz merveilleus et horribles par toute la valée, si que les montegnes en resonerent. Chascuns regretoit son fil, ou son frère, ou son cousin, ou son ami. Lors jura li rois, par le Roi tout puissant, que il ne cesseroit de corre après ses anemis jusques atant que il les troveroit. Ses genz prist et se mist en l'enchauz; là fist Nostre Sires, pour lui, aperz miracles, car li solauz se tint en ce point l'espace de m jors. Tant les chaça que il les trova delez la cité de Sarragouce, les uns gisanz et les autres menjant sor le flueve d'Elbra^. un™ en occist, et plusor se noierent ou flum, si comme aucun livre dient ci endroit. Après retornerent en Roncevaus, les morz et les navrez firent porter là où li cors de Rolant gisoit.
Lors fist li empereres enquerre se ce estoit voirs ou non que Ganelons eust Rolant et les autres barons traiz, si come l'on disoit communément parmi l'ost.
