LOYS-HUTIN

])iès d'ilecques courant que l'en appelle le Lys, où il xi'avoit nul pont par où il peussent passer. Et vraiement comme le roy de France et de Navarre Loys fust ilec avec son très bel ost, ordenant pour faire appareiller voie à passer le fleuve du Lys , pour soy combatre aux Flamens qu'il convoitoit par très grant ferveur de courage , les Flamens , de l'autre partie, oultre le dit fleuve du Lys estoient assemblés à grant ost ; le temps trop pluvieux nostre roy et les siens destourbans à parfaire ce qu'il avoient entrepris , tellement les contrainst que en icelui ost boue si grant estoit chascun jour pour la pluie enforçant et croissant que, si comme il fu dit pour voir , les hommes et chevaux en la boue et au fiens, en aucuns lieux , a par un pou jusques aux genoux estoient. Pour la quelle chose les viandes ne povoient venir à l'ost , car à traire et à amener vm toniau de vin en nostre ost, trente chevaux convenoient, et à paines le povoient-il oster et remuer de la boue. Adoncques ces dommages et maies aventures nos François douloureusement contraignans, la nécessité inévitable et mescréable les amena à ce que il se départissent et remuassent de ce lieu. Et lors le roy de Navarre Loys, par le conseil de ses barons, le feu premièrement mis en leur tentes de toutes pars , inglorieux et sans riens faii'e, dolent et courroucié, fu contraint à soy revenir en France. Et pour ce les François mistrent en leur tentes le feu, que il ne les povoient oster né remuer de ce lieu né faire emporter avec eux , pour l'abondance de la boue; et ensement ne vouloient que de eux Flamens eussent nul proffit.

Et ainsi les François, leur tentes laissiées et embrasées, et moult de richesces en icelles estant deguerpies , dolens et courrouciés , mouilliés et crotés en ce lieu departans en France s'en revindrent. Et adecertes, Loys roy de Navarre en fu si couroucié et dolent qu'il jura , si comme l'en dist ,

que s'il vivoit en l'an ensuivant , les Flamens irolt efforciement poursuivre et envaïr sans demeure ; et que jamais n'auroit vers eux nul accordance se du tout ne s'abandonnoient à sa volenté faire. Et laissa le roy en ces parties pluseurs sergens et soudoiers avec appareils batailleurs qui les pas et les entrées gardoient par mer et par terre , si que les Flamens à paine de aucune partie porent avoir A'itaille.

Et en ce meisme an , au moys d'octobre fu fait concile à Senlis présent l'arche vasque de Rains et les évesques qui sont dessoubs luy, et pluseurs autres prélas (1) : et là furent proposés les deux cas dessus dis contre Pierre évesque de Chaalons : adoncques requist le dit évesque devant toutes choses , que en sa personne né en ses biens , desquiels il estoit despouillé, on ne attemptast , et que il lui feussent restitués; la quielle chose luy fu ottroiée.

Incidence de sel.

En cest an à Paris fu si grant chierté de sel que nul aage ne remembre né ne tient-l'en en escript si grant chierté de sel à Paris avoir esté veue. Car le boissel en fu vendu dix sols et plus Parisis, en forte monnoie en cest an decourant

(1) Au lieu de cela, les éditions gothiques n'ont pas craint de mettre: En celluij mesme an , fu déposé et privé l'arcevesque de Reims et pluseurs autres prélas.