I.OYS-HUTIN
Incidence de blé.
En cest an ensement, environ le vingtiesme jour du moys de mars , au temps de karesme , commença une si grant chierté de blé au royaume de France, et espéciaument à Paris et en pluseurs autres parties, que tantost après ensuivant , \xne très grande famine en ensuivi.
Incidence de famine.
En l'an de grâce après ensuivant mil trois cent seize , la chierté très gi-ant de blé fu au royaume de France ; et espéciaument à Paris au temps de Pasques ; en telle manière que le sextier de froment valut soixante sols parisis ou environ , bonne et forte monnoie au temps de lors decourant.
Et après ce ensuivant, pour ce que la très grant famine ensaivoit si croissant et angoisseux , pluseurs hommes et femmes povres créatures , traveillans et labourans de fain , par rues et par places à Paris mouroient.
De la comité.
En cest an ensement, au moys de mars par pluseurs jours à l'anuitier , la comète , un signe au ciel , fu veue au royaume de France signefiant le destruiment du royaume.
Cornent les cardinals furent assemblés.
Et en cest an aussi, Phelippe conte de Poitiers, frère Loys roy de France et de Navarre, qui en l'an devant passé estoit meude Paris et aie, du commandement son frère, à Avignon en Provence pour assembler les cardinals , se il peust pour faire pape , lors ot parlement avec les cardinals qui ilec estoient demouratis, et les fist assembler à la cité de Lyons sur le Rhosne pour élection du nouvel pape faire le jour de la feste saint Pierre et saint Pol en juing.
Du trespasseinent le roy Loys, roy de France et de Nai'arre.
En cest an vraiement, le jour du samedi après la feste de Penthecouste, le cinquiesme jour de juing, au boys de Vincennes , Loys roy de France clost son derrenier jour. Et l'endemain ensuivant , c'est assavoir le jour de la Trinité, sixiesmejour en juing, à Saint-Denis en France fu porté; et l'endemain honnorablement enterré. Et après ce, Phelippe conte de Poitiers qui à Lyon avoit longuement demeuré pour faire faire le pape , oï nouvelles de la mort son frère le roy Loys , lors pour ce à Paris se retrait et revint.
Et lors des barons de France receu paisiblement, prist tantost , par l'assentement et l'accort de eux , la garde et le gouvernement des royaumes de France et de Navarre , en ses lettres son titre en telle manière disant : « Phelippe fils » du roy de France , gouvernant les royaumes de France » et de Navarre , à tous justiciers » , etc.
