PHELIPPE REGENT

Ycelui roy de France et de Navarre Loys régna , après

son coronnement , couronné du royaume de France, neuf

moys et demi ou environ et laissa sa femme la royne

Climence grosse.

En ce meisme an , environ la feste de la Magdalaine , Loys conte de Clermont et Jehan son frère conte de Soissons avec pluseurs autres , pristrent la croix de la main du patriarche de Jhérusalem pour aler Oultre-mer , en la présence de pluseurs prélas pour ce à Paris assemblés. Et lors fu crié par le conte de Poitiers que tous ceux qui nouvellement avoient prise la croix , et les autres qui par avant l'avoient prise, si comme il avoit fait son père vivant, si ordenassent et appareillassent qu'il fussent près à la feste de la Penthecoste après l'an pour passer au saint voiage.

Et en ce meisme an, Jehan conte de Soissous, qui avoit pris la croix n'avoit guères , mourut.

Du coronnement le pape Jehan.

Et en cest an ensement , les cardinals , à la cité de Lyon sus le Rhosne ensemble assemblés, à un jour d'un samedi le septiesme jour d'aoust , eslurent et firent nouvel pape , c'est assavoir : l'évesque jadis d'Avignon une cité en Provence , cardinal de l'églyse de Rome , Icquiel deux centiesme pape fu appelle Jehan le vingt-deuxiesme.

Et en celle cité de Lyon , le jour de la nativité de la benoicte vierge Marie, le huitiesme jour de septembre, fu coronné et consacré de dyadème papal , présent Phelippe conte de Poitiers , gouverneur des royaumes de France et de Navarre, Charles son frère conte de la Mar-

che, et ses deux oncles Charles et Loys , et inoult d'autres barons du royaume de France et d'ailleurs , et prélas , évesques , cardinals et autre clergié et peuple, pour icelui pape en la cité de Lyon et en icelui jour assemblés.

Et adecertes en cest an ensenient, le premier jour de septembre, avi palais de Paris, par le conseil au conte de Savoie et de Charles conte de Yalois , et de Loys conte d'Evreux , et de l'évescjue de Saint-Malo et de pluseurs autres évesques , archevesques , prélas , barons , princes , contes , ducs et chevaliers entre Phelippe conte de Poitiers , régent du royaume de France et de Navarre , et Robert de Bétliune conte de Flandres, fu une condicion et manière de paix par lettres authentiques faite et confirmée , et des eschevins de Flandres pour tout le menu et le gros peuple commun affermée.

Et en cest an aussi, au moys de septembre, Robert d'Artois fils Phelippe d'Artois, c[ui fu fils du conte d'Artois Robert cpii mourut à Courtray en Flandres, entra à grant ost et noble chevalerie de chevaliers ensemble ahés , en la cité d'Arras , à luy usurpant et prenant, ainsi comme par violence, la conté d'Artois, au préjudice de la contesse d'Artois fille le dessus dit conte Robcrt(l). Mais tout veu, et considéré que les parties proposoient, la propriété du conté d'Artois fu déclinée à la contesse, et pour bien de paix, la conté de Biaumont avec toutes ses appartenances fu donnée audit Robert, et renonça au droit du conté d'Artois, se point en i avoit, et le cpiitta et en furent faites lettres, et jura que il ne vendroit jamais encontre.

En col an, pour l'accord traitié entre le roy et les Flamens,

(1) Le seul mnnuscrit 518, supplément François , conlicnt l'important passage qui suit. — Nos historiens n'ont pas assez remarqué que l'avcncment incontesté de Thilippc-le-Long à la couronne de France dut réveiller naturellement les espérances du comte d'Artois.