PHELIPPE III

les autres. Si occistrent grant foison de François , et prisrent à force Tainirant des galies, qui estoit nommé Engucrran de Baiole , noble chevalier et vaillant ; et Aubert de Longueval fu occis, chevalier esprové en armes qui se mist trop avant sus les Arragonnois ; car il se fioit es autres chevaliers qui assés près de luy estoient ; mais le seigneur de Ilarecourt qui estoit mareschal de l'ost le laissa occire pour ce qu'il le haioit.

Quant la gent le roy virent et apperceurent qu'il ne pourvoient pas ilec longuement demourer, si rachatèrent Enguerran une somme d'argent , et puis boutèrent le feu es garnisons , et embrasèrent toute la ville de Rose. Si comme il estoient au chemin et si comme il s'en aloient, si grant ravine de pluie les prist que à paines se povoient-il soustenir né à pié né à cheval ; n'en leur pa veillons ne povoientil demourer, tant estoient grevés. Le roy fu moult dolent et moult courroucié de ce qu'il avoit pou ou noient fait en Arragon ; car il luy estoit bien ad vis qu'il deust avoir pris tout Arragon et toute Espaigne, à ce cju'il avoit tant de bonne chevalerie et si avoit grant peuple mené avec luy : si fu moult pensis dont ce povoit venir, ou par aventure, par mauvais conseil ou par fortune.

Ainsi qu'il estoit en telle pensée, si chéy en une fièvre , si qu'il ne pot chevauchier ; et convint qu'il fust porté en une litière. La fièvre crut et mouteplia si que pour l'air qui tant estoit desatrempés et plain de pluie , il luy engregea, et puis devint plus fort malade. Tantalèrent et chevauchièrent qu'il vindrent au pas de l'Ecluse qui est avironnre toute de montaignes qui sont nommées les nions de Pirène. Haut au dessus des montaignes estoient les Arragonnois qui estoient en aguait coment il pourroient grever les François : quant aucun pou se esloingnoient de l'ost ou dix ou douze , tantost leur couroient sus et les occioicnt et

ravissoicnt tout quanqu'il povoicnt tollir ou trouver.

A grant douleur et à grant paine vindrent jusques à Perpignan ; ilec s'arrostèrent pour reposer. Le roy Phelippe fu moult forment malade et enferme , si ne voult point tant attendre qu'il perdist son sens et son avis , si fist son testament comme bon clirestien et ordenna : après il receut en grant devocion le sacrement de saincte églyse. Tantost comme il ot eu toutes ses droictures , il rendi la vie et s'acquita du treu de nature qui est une commune debte à toute créature. Les barons de France furent moult dolens et moult courouciés de sa mort , car de jour en jour courage et volentc luy mouteplioit de bien faire et grever ses ennemis. Nul ne pourroit penser la douleur que la roy ne sa femme ot au cuer , né les plains né les larmes que elle rendi ; tant mena grant dueil et si longuement que à paine pot avoir remède de sa vie.

Le roy fu conroié si comme il afliert à tel prince : les entrailles furent enterrées en la maistre églyse de Narbonne ; les ossemens en furent apportés à Saint-Denis en France et furent mis en sépulture d'encoste son père , le saint roy Loys. Mais ainsois qu'il fussent mis en sépulture, grant discencion et grant descort s'esmut entre les moines de Saint- Denis et les frères Preschcurs de Paris ; la cause fu pour ce que le roy Phelippe, le fils du bon roy, avoit donné et octroie, ainsi comme despourveuement , à un frère de l'ordre des Preschcurs le cuer son père pour ce que il fust mis au moustier des frères Preschcurs de Paris.

Les moines de Saint-Denis le vouloient avoir, et disoient que puisqu'il avoit esleu sa sépulture en l'églyse de Saint- Denis , son cuer ne devoit point reposer ailleurs né gésir. Mais le jeune roy ne voult point estre desdit à son commencement, si commanda qu'il fust baillié et délivré aux frères Preschcurs de Paris.

(1P«6.) PHELIl'l'E iil. 87

(1) Pour ceste chose furent nieucs à Paris plusours questions entre les maistres en tlit'olojjies : assavoir mon se leroy povoit donner et octroier le cuer de son père propre sans la dispensaciou de son évesque souverain. Et après ce, les ossemcns furent enterres à Saint- Denis en France delez son père, le saint roy Loys, joignant sa femme Ysaboau d'Arragon royne de France. Lesquels Pheiippe et Ysabeau sont maintenant eslevés de terre par deus pies ou environ , en belle tombe de marbre bis , en biaux ymages d'alebastre , richen)ent et merveilleusement ouvrés de très noble et gentil œuvre. Lesquels aucuns venans à l'églyse de Saint-Denis en France peuvent veoir ainsi gentement mis à la destre partie du moustier en une huche, delès saint Loys. Duquel cuerau roy Pheiippe ilfu après déterminé par pluseurs maistres en théologie que le roy né les moines ne le pourroient donner sans la dispensation du pape.

Et lors après, Pheiippe, successeur de son père , fu couronné à Rains , entre luy et la royne Jehanne sa femme , en roy de France , le jour de la Tiphaine. Icelluy roi Pheiippe qui mourut en Arragon ot deux femmes , dont la première fu la royne Ysabel , fille le roy d'Airagon, dont il ot trois enfans : Loys qui mourut en son enfance , Phelippe-le-Bel qui régna après luy , et Charles conte de Valois. Iceste royne Ysabel mourut au retourner de Tunes , et furent ses os enterrés en l'églyse monseigneur saint Denis en France , si comme je vous ay dit devant ; l'autre royne que ce roy Pheiippe ot après fu la royne Marie, fdle le duc de Breban.

Duquel roy demourèrent à la royne trois enfans : Loys le conte de la cité d'Evreux , Marguerite la royne d'Angleterre, et madame Blanche qui fu mariée au duc d'Austerichc

(1) Les détails suivans ne se rcirouvcnl plus dans les Ccsla Vliilipi>i terlii (jui s'arrclenl avec le prccédcnl alinéa.

qui fu fils au roy Aubert (1) d'Alemaigne. Quinze ans régna icelluy roy Phelippe et fu enterré en Téglyse monseigneur saint Denis en France , delès son père le roy saint Loys , en la manière que je vous ay dit dessus.

(1) Aubert. Albert.

Cj fenisl Vistoire du roy Phelippe , fils saint Loys.