LUI

Comment mes seigneur s les ducs de Berry et de Bourgoigne, frères du roy de France , acompaingniés de pluseurs nobles chevaliers, alèrent au devant de l'empereur pour luy acompaingnier à entrer en la cité de Senlis , et cornent lesdis chevaliers et escuiers estoient noblement vestus d'une couleur.

Tantost après un petit d'espace, à une lieue de ladite ville au plus, vindrent à l'encontre dudit empereur de par le roy de France, messeigneurs ses frères, les ducs de Berry et de Bourgoigne, le conte de Harecourt , Farchevesque de Sens et l'evesque de Laon, et estoient lesdis seigneurs accompaingniés de chevaliers et d'escuiers vestus tous d'une robe, c'est assavoir : les chevaliers partis de veluyau noir et gris ; les escuiers, de soie pareil de couleur, et estoient bien cinq cens chevaux en leur compaingnie. Et dit le duc de Berry à l'empereur, de par le roy, que le roy le saluoit et avoit grant désir de le veoir, et les envoioit au devant de luy pour luy honnorer et accompaingnier à leur povoir , dont il mercia le roy et eux très grandement. Et quant il fu descendu à son hostel , jusques où il le convoièrent , il s'en retournèrent à leur hostels afin que il ne le grevassent, car il estoit moult malade et travaillié ; et les gens de la ville firent tels présens comme dessus est dit des autres villes.

304 LES GKANDES CHRONIQUES.

Cornent l'empereur vint de Senlis à Louvrcs, et l'y envoya le roy un curre et une llttière noblement attelés, et de la vint à Saint-Denis en France. *

Le samedi ensuivant, qui fu second jour de janvier, se parti de Senlis ledit empereur après boire , et vint au giste à Louvre, et vint àl'encontre de luy le duc de Bar que le roy y envoya , qui de nouveau depuis le département les frères du roy estoit venu vers luy ; et furent avec luy aucuns contes, banerés, chevaliers et escuiers, et là combien que ce soit ville plate, luy furent fais aussi grans et aussi honnorables présens comme es villes dessus dites. Et rendemain, qui fu dimanche troisiesme jour de janvier , se parti de Louvres après boire. Et pour ce que le roy avoit entendu qu'il estoit moult agrevé de la goûte et ne pou voit chevauchier et le charrier luy faisoit grevance , il luy envoya toute nuit, la nuit de samedi, un des curres de son corps noblement appareillié et de chevaux blans atelé, et la littière de son ainsné fds le daulphin de Vienne noblement appareilliée et attelée de deux mules et de deux coursiers pour venir dedens plus aisiement. De quoy ledit empereur fu jnoult lie , et en mercia moult le roy en son absence en recevant ledit curre et laditte littière des messages du roy ; et puis vint en ladite littière jusque à la ville de Saint-Denis bien acompaingnié de cent hommes à cheval des gens de ladite ville. Et assez tost après luy vindrent au dehors de ladite ville les arcevesques de Rains et de Piouen et de Sens; les evesques de Laon , de Beauvais, de Paris, de Noyon, deBaieux, de Lisieux , de Meaux , d'Evreux, de Thérouenne et de Condon; et l'abbé de Saint-Waast d'Ar-

ras, tous du conseil le roy, et luy firent la révérenee , en disant que il fust le bien venu, et que le roy les avoit là envoies pour le honnorer et le acompaingnier. Et luy venu à Saint-Denis, il fist descendre sa littière et porter icelle à bras, car pour sa maladie de goûte dessus dite, il ne povoit aler à pie. Et pour ce , en icelle se fist porter en l'églyse Saint-Denis, devant le grant autel saint Loys où il fist son oroison dévotement. Et ainsi de là fu porté dedens ladite littière jusques en sa chambre, et là luy furent présentés, de par l'abbé , de grans poissons , de connins , de buefs , de moutons , de volaille et d'avoine , et habondance du vin , tant comme luy et ses gens en porent despendre. Et pareillement luy firent les gens de la ville de très grans présens ; et après ce que il se fu une grant pièce reposé, il se dementa de veoir les reliques de léans , et se fist porter au trésor en une chaière et là vit les reliques, les couronnes , joyaux, et s'y tint très longuement en y prenant très grant plaisir, si comme il sembloit à sa chière, par le rapport de ceux qui près de luy estoient. Et après ce qu'il fu reporté en sa chambre, lesdis frères du roy et aucuns des prélas qui estoient demourés prisrent congié de luy, et revindrent devers le roy à Paris, et il démolira tout le jour en ladite abbaye.

Cornent l'empereur après ce qu'il ot veu les reliques Saint-' Denis y tant ou trésor comme ailleurs, et visité les sépultures que il requis t à veoir, se parti de Saint-Denis pour venir à Paris.

Le lundi ensuivant, quatriesme jour du mois de janvier , se leva l'empereur bien matin , pour ce que celuy jour il devoit venir à Paris ; si se fist porter en l'églyse de 111011-

seigneur saint Denis et devant les corps sains, et là fist ses dévocions, et se fist porter entour les chacesr et baisa les reliques, le chief, le clou et la couronne, et puis demanda à veoir les sépultures des roys, et par espécial du roy Charles et delà royne Jehanne sa femme, du roy Phelippe et de la royne Jehanne de Bourgoigne sa femme ; car il disoit que en leur hostel avoit esté norry en sa jeunesse et que moult de biens lui avoient fais. Et aussi voit-il veoir la sépulture du roy Jehan, et fist assembler l'abbé et le couvent et leur requist très affectueusement que il voulsistentDieu prier pour ses bons seigneurs et dames qui gisoient là. Après se parti de l'église, et vint en sa chambre où il avoit esté par devant , et là vint de par le roy, c'est assavoir messires Bureau de la Rivière, son premier chambellan, et Colart de Tanques, escuier de son corps, et vinrent en la court devant les fenestres de sa chambre, et luy présentèrent, de par le roy, un bel destrier enseilé des armes de France bien et richement, et pareillement un bel coursier ; et autant et autels en présentèrent à son fils le roy des Romains. De quoy il mercia le roy grandement, et dit qu'il monteroit et entreroit dessus à Paris , combien que il luy f ust bien grief pour cause de sa maladie : et pour ce les envoya devant à La Chappelle Saint-Denis, et jusques là se fist porter en la littière de la royne, qui pour ce luy avoit esté envoiée très-richement et noblement attelée et appareilliée. Et après ce qu'il ot beu , il se party de Saint-Denis en la littière , comme dit est ; et entre Saint-Denis et La Chappelle , vindrent à l'encontre de luy le prévost de Paris et le chevalier du guet, avecques très grant quantité de leur gens à cheval, vestus d'unes robes, et aussi y estoit le prévost des marchands, et les eschevins de la ville de Paris, et des bourgois bien montés et vestus de robes ini-parties de blanc et de violet : et estoient bien en nombre, en ladite place, de dix-huit cens à deux

mile hommes , de quoy lesdis prévost et chevaliers , les eschevins et grant quantité de autres bourgois estoient montés sur beaux destriers et coursiers très noblement , et se misrent rengiés aux champs , selon le chemin, en très belle ordenance.

Cornent les prévos de Paris et des marchans et Chevalier du guet se despartirent d'avec le commun qui estoient rengiés sur les champs, et alèrent au devant de l* empereur pour luy faire révérence.

Lors se départirent d'avec les autres le prévost de Paris, le prévost des marchans et le Chevalier du guet, et se approchièrent de l'empereur, et porta le prévost de Paris les paroles en disant : « Très excellent prince , nous les offi- » ciersdu roy à Paris, le prévost des marchans et les bour- » gois de la bonne ville, vous venons faire la révérence et » nous offrir à faire vostre bon plaisir, car ainsi le veult le » roy nostre seigneur, et le nous a commandé. » Et l'empereur en mercia le roy et eux moult gracieusement. Et lors lesdis prévos et échevins avec les bourgois vindrent ensemble jusques à Paris, et estoient bien en la compaingnie tant des officiers du roy comme des gens de la ville de Paris, quatre mille chevaux et plus. Et ainsi acompaingnié vint ledit empereur à la Chappelle Saint-Denis, et là se fist descendre de la littière de la royne en un hostel, et fu mis à cheval sur le destrier que le roy luy avoit envoie à Saint- Denis, lequel estoit morel (1) ; et semblablement monta le roy des Romains sur celui que le roy luy avoit envoie, le-

(I) Morel. Noir. On voit cette cavalcade dans le manuscrit de Charles V, fr 470, ro.

quelestoit pareillement morel. Et appenséement le roy de France les leur donna de celuy poil qui est plus loing et opposite du Liane, pour ce que es coustumes de l'empire, les empereurs ont acoustumé d'entrer es bonnes villes de leur empire et qui sont de leur seigneurie , sur cheval blanc, et ne vouloit pas le roy que en son royaume il le feist ainsi, affin qu'il n'y peust estre noté aucun signe de dominacion (1).