LV1I

Cornent le roy de France se parti de son palais pour aler à Rencontre de V empereur son oncle.

En celuy mesme jour et heure, se parti le roy de France de son palais, monté sur un grant palefroy blanc, richement ensellé tout aux armes de France. Et estoit le roy vestu d'une cote hardie (2) d'escarlate vermeille et d'un mantel à fons de cuve fourré . Et avoit en sa teste un chappel à bec de la guise ancienne, brodé et couvert de perles très richement. Et en sa compaingnie estoient quatre ducs, c'est assavoir : de Berry, de Bourgoigne, de Bourbon et de Bar; et les contes d'Eu, de Bouloigne, de Goucy, de Sarebruche , de Tancar ville, de Sancerre, de Dampmartin, de Porcien, de Grantpré, de Siaume et de Braine ; et pluseurs autres grans seigneurs, banerés et autres chevaliers sans nombre et estimacion, et d'autres grans gentilshommes ; et si estoient des

(1) Villaret a eu grand tort de traiter de petitesses ridicules toutes ces précautions cérémonieuses du roi de France. Dans les idées admises à la cour impériale et souvent même à celle de Rome , tous les rois clirétiens relevoient de l'empereur. Or , l'indépendance de la couronne de France ne permettoit pas de tolérer de pareilles prétentions.

(2) Cote hardie. Dans la miniature que nous avons mentionnée tout à l'heure, cette cote hardie paroît être un vêtement serré sous le manteau.

(1378.) CHAULES V. 3G9

prélas tous ceux dessus escrips, qui alèrent au dehors de la porte Saint-Denis au devant de l'empereur, et estoient tous en chappes romaines par l'ordenaiice et commandement du roy ; et estoient grandement montés, et accompagnés de leurs chappelains et autres gens cbascuns de leur robes. Et les seigneurs et princes dessus dis estoient montés sur grans chevaux moiens, plus haus que coursiers et grandement acoinpaingniés de chevaliers et d'escuiers , chascun des livrées de leur seigneurs. Et aussi avoit le roy ses officiers de tous estas, en très grant quantité , vestus chascun office d'unes robes ; c'est assavoir : chambellans , de deux paires de robes les unes de veluyau et les autres de deux escarlates parties ; les inaistres d'ostel, de deux veluyaux inde et tennéj et les chevaliers d'onneur,de veluyau vermeil ; les escuiers du corps et d'escuierie, de camocas bleu ; les huissiers d'armes, de deux camocas partis de bleu et rouge; les officiers, panetiers, eschansons, varies tranchans, vestus de deux satanins pallés de blanc et terme; et pareillement estoient les officiers du daulphin de Vienne, ainsné fils du. roy ; et les queus et escuiers de cuisine vestus de houpellandes de soie et aumuces fourrées , à boutons de perles pardessus ; les variés de chambre cinquante-deux , tous vestus d'unes robes d'un roié gris blanc contre noir ; les someliers vestus d'un roié gris blanc contre un drap noir. Les sergens d'armes, de cinquante à soixante , vestus d'unes robes de drap bleu et noir. Les someliers, d'un roié brun contre un vermeil ; et ainsi de tous les autres officiers , chascune office séparément d'unes robes. Et mist le roy à partir de la cour du palais , pour la multitude des gens à cheval qui y estoient , plus de demiheure à issir hors. Et chevaucha parmi la ville en grant multitude de gens , droit le chemin de Saint-Denis , en passant par la porte et bastide de Saint-Denis. Et estoit Toi-

denance des gens du roy si bien faite, que peu y avoit de presse au regart de la multitude de gens qui là estoient. Et devant aloient tous les chevaliers et escuiers , les arbalestriers de cheval et sergens d'armes. Et devant le roy estoit le mareschal de Blainville et escuiers de son corps , qui avoient deux espées à escharpe et les chappeaux de paremens. Et, sans moien (1), estoit devant luy le fils du roy de Navarre et les contes de Harcourt et de Tancarville, et par derrière ses huissiers d'armes. Et après, les quatre ducs dessus dis ? et pluseurs autres contes et barons , et les prélas dessus nommés par ordenance venoient après , deux et deux.

Cornent le roy de France et l'empereur avec son fils, le roy des Romains y s'entrencontrèrent entre La Chappelle et le Moulin à vent , et de la révérence que il firent l'un à l'autre à l'assemblée.

Après ceux, aloient les arcevesques premiers, et les evesques après ; et après venoient les grans chevaux et palefrois du roy très richement ensellés , et les variés les menoient en destre, montés sur autres roncins, vestus tous d'unes robes, et si avoient paremens de France en escharpe, en la manière acoustumée. Et le palefrenier du roy estoit devant les escuiers de corps y monté sur un grant coursier, et avoit le parement du roy , lequel estoit de veluyau et de brode ure ; les fleurs de lis pourfilées de perles en escharpe autour le col, ainsi comme il est acoustumé de porter. Et avec les sergens d'armes du roy estoient devant les deux trompettes du roy, à trompes d'argent et penonceaux de

(1) Sans moien. Sans intermédiaire.

brodeure qui trompoient aucune fois, pour faire les gens avancier de chevauchier. Et ainsi chevaucha le roy de son palais jusques en mi-voie du Moulin à vent et de La Chappelle, que il s'entrencontrèrent luy et l'empereur; et fu grant pièce avant que il pussent venir l'un à l'autre, pour la presse des gens qui y estoient. En laquelle encontre ledit empereur osta sa barrette et son chapperon , et aussi le roy ; et ne se volt le roy trop approchier de l'empereur, pour ce que son cheval ne fraiast à ses jambes où il avoit la goûte ; mais prisrent les mains l'un de l'autre et s'entresaluèrent, en disant le roy à l'empereur que très bien fust-il venu et que il avoit eu grant désir de le veoir. Et passa outre le roy pour saluer le roy des Romains en la manière qu'il avoit fait l'empereur ; et puis retourna devers l'empereur et le fist mettre à dextre de luy, combien que l'empereur s'en excusast très-longuement et ne le vouloit faire ; et fist mettre à senestre emprès luy le roy des Romains. Et ainsi chevaucha le roy au milieu de l'empereur et de son fils tout le chemin, et tout au lonc de la ville de Paris jusques à son palais, par l'ordenance e$ en la manière qui s'ensuit :

De la noble ordenance qui cstoit quant le roy el l'empereur et son fils entrèrent à Paris.

Premièrement , fu par le roy ordené que les gens de la ville, pour ce qu'il estoient en trop grant quantité, demourassent aux champs sans entrer en la ville , jusques à tant que l'empereur, le roy et toutes leur gens fussent entrés et passés en la ville, et ainsi fu fait. Et aussi avoit le roy fait crier le jour devant, que nul ne fust tant hardi d'occuper le chemin de la grant rue en venant au palais de

gens né de charroi, né ne se boujassent des places où il s'estoient mis pour veoir l'empereur, le roy et le roy des Romains passer.

Et de fait furent mis sergens, pour garder au bout des rues qui viennent sur le chemin de la grant rue, qui gardoient et deffendoient le peuple de passer. Et lors descendirent à pié trente des sergens d'armes , et prisrent le travers de la rue, alant devant les escuiers du corps du roy leur maces en leur poings , et leur espées garnies d'argent en escharpe (1). Et pour ce que l'empereur avoit fait assavoir au roy, dès ce qu'il vint à Saint-Denis , que à son venir à Paris il ne vouloit avoir nul de ses gens auprès de luy, mais se mettoit en la garde et gouvernement du roy et de ses gens tels comme il les luy voudroit baillier , et prioit très fort le roy que il les luy voulsist tels baillier que bien le gardassent de presse ; et aussi qu'il pleust au roy ordener aucunes gens qui menassent ses gens devant au palais tous ensemble, laquelle chose le roy fist; et les fist mener les premiers et conduire par le seigneur de Coucy, le conte de Sarebruche et le conte de Braine, qui continuel ment avoient esté avec l'empereur puis qu'il estoit entré au royaume. Et pour la garde du corps de l'empereur ordena le roy six de ses chambellans et quatre de ses huissiers d'armes ; c'est assavoir : le seigneur de la Rivière , messire Charles de Poitiers, messire Guillaume des Bordes, messire Hutin de Vermelles, messire Jehan de Barguettes et le Barrois ; et autant en ordena le roy pour son corps : et au roy des Romains, quatre et deux huissiers crarmes, lesquels tous chambellans, chevaliers et huissiers d'armes descendirent aussi à pié, et se ordenèrent en la garde qui commise leur estoit en belle et bonne ordenance.

(1) Voyez la curieuse représentation de ces écuyers du corps du roi, dans la deuxième miniature du f<> 470 r°, manuscrit de Charles V.

De Fordenancc des nobles barons, chevaliers, prélas, escuiers et gens de Paris, qui chevauchoient après les trois princes dessus dis (1).

Item, après les gens de l'empereur qui estaient les premiers entrans en la ville, estaient les chevaliers et escuiers du royaume de France, qui estaient bien huit cens chevaliers sans les escuiers dont on ne sait le compte, et estaient noblement vestus et parés et très-bien montés, si que c'estoit noble et merveilleuse chose à veoir. Après estaient le chancelier de France et les conseillers du roy lays. Et après estaient d'un front, à pié, les portiers et variés de porte, leur verges en leur mains et vestus d'unes robes. Et après estait à cheval le prévost de Paris, et après le prévost pluseurs contes et barons. Et après estait le maréchal de Blainville. Et après ledit mareschal estaient les escuiers du corps etescuierie du roy comme dessus est escript. Et au plus près de l'empereur, du roy et du roy des Romains, estaient un renc de chevalliers à pié, chascun un baston en son poing ; et les chambellans et gardes sus escrips entour l'empereur, le roy et le roy des Romains, estaient tellement que nul n'en povoit approuchier né les empresser. Et derrière les che-

(1) Les quatre précieux chapitres suivans n'ont jamais été imprimés et ne se retrouvent que dans le manuscrit de Charles Y et dans ceux des Continuateurs de Nangis. Les éditions imprimées et les autres manuscrits portent : « Et du surplus je me tais, pour ce que trop longue chose seroit »àescrire; et mesmement à ce que en pluseurs lieux en sera trouvé » escript. Et bien viens au disner que le roy luy donna au palais dont » l'assiette fu telle. » Par ces mots en pluseurs lieux il semble que Ton ait voulu désigner V Histoire de Charles V faite plus de vingt ans après le meilleur texte de nos Chroniques par Christine de Pisan. Mais cet historien a beaucoup abrégé elle-même les précieux détails dans lesquels l'historiographe étoit entré.

vaux de l'empereur, duroy et duroy des Romains, estoient les huissiers d'armes tous rengiés à pie, qui aussi avoient des bastons en leurs poins. Et venoient après les frères du roy, le duc de Berry et de Bourgoigne, et entre eux deux, au milieu, estoit le duc de Breban, frère de l'empereur et oncle du roy ; et après , le duc de Sassoigne , esliseur de l'empire , le duc de Bourbon, le duc de Bar, et des autres ducs allemans un appelle le duc Henry, le duc de Bousselau et le duc de Trappo. Et derrière lesdis ducs estoient vint chevaliers et escuiers à pie, qui sont pour la garde du corps du roy, et vint-cinq arbalestriers tous armés couververtement, les espées en une main et bastons es autres, lesquels se tenoient fors et serrés ensemble pour garder de foule et de presse l'empereur, le roy et le roy des Romains , et les ducs dessus dis qui venoient derrière eux, de la foule et multitude des gens qui venoient après à cheval. Et après venoient tous les prélas dessus escris, et après, les chevaux de parement duroy et tout le remenant de la multitude de chevaux et gens. Et tout derrière venoient le prévost des marchans, le chevalier du guet et les sergens, avec les gens de la ville de Paris. Et ainsi et par telle ordenance chevauchoient l'empereur, le roy et le roy des Romains, par tele manière qu'il ne fussent pressés né arrestés Mais en brief temps et pou d'espace, vindrent très légièrement et briefinent jusques au palais, dont plusieurs gens furent moult merveilliés , qui autrefois n'avoient veue tele né si bonne ordenance de tele multitude, si pou de desroy né de presse. Et aussi furent faites à la porte du palais certaines barrières, et à l'entrée des merceries et de la grande sale aussi, et mis et ordeiïés sergens d'armes et autres sergens pouricelles garder estroitement, ettelement furent gardées que l'empereur, le roy et le roy des Romains et des autres grans seigneurs qui y entrèrent, n'estoient pas plus de qua-

(1378.) CHAULES V. 375

rante (1) chevaux; et avoit esté ordené que à la venue ou entrée dudit palais, nul ne s'arrestast devant ladite porte, mais passast oultre chacun à cheval et s'espandissent parmi les rues foraines, afin de y avoir moins de presse. Et ainsi vindrent au perron de marbre environ trois heures après midi. Et pour ce que l'empereur ne se povoit pas aisément soustenir pour sa dite maladie, mais le convenoit porter entre bras, le roy luy avoit fait appareillier par un sien secrétaire qui lors estoit concierge de son palais , nommé maistre Phelipe Ogier , en la cour soubs ledit perron , une chaiere couverte de drap d'or et le fist asseoir dedens.

Comment le roy de France vint à ï empereur emprès le perron ou il estoit assis et le salua et le baisa, et puis baisa le roy des Romains, et de F assiette du soupper de ce luy jour.

Si comme l'empereur se séoit et reposoit en la chaière dessus dite , le roy vint à luy et luy dist qu'il fust le très bien venu en son palais , et que onques prince n'y avoit veu plus volen tiers ; et lors le baisa, et l'empereur osta tout son chaperon et l'en mercia très humblement; et aussi salua le roy son fils le roy des Romains et le baisa. Et lors fist le roy lever l'empereur par ses chevaliers et porter en sa chaière contremont les degrés, et aloit le roy d'un costé des degrés et menoit le roy des Romains à sa main sénestre ; et ainsi ala le roy coste à coste de l'empereur , jusques à la chambre qu'il luy avoit faite appareillier ; c'est assavoir en la chambre faicte de bois d'Irlande qui est coste la chambre

(I) Quarante. Suivant Christine de Pisan : Cent.

vert, et regarde d'une part sur les jardins du palais et d'autre part à la Sainte-Chappelle ; et toutes les autres chambres derrière laissa pour l'empereur ; et pour son fils le roy des Romains laissa et fist ordener les chambres de dessous où se souloient retraire les roynes de France ; et prist et se loga le roy es haultes chambres à galathas (1), que fist faire le roy Jehan son père. Et après ce que l'empereur se fu un petit reposé, le roy l'ala veoir en sa chambre ; et sitost que le roy approucha de luy, il osta tout arrière jus son chaperon, et dist que il le venoit veoir et luy monstrer sa coiffe que encore n'avoit pas veue (2) ; et l'empereur osta son chapeau et tantost se recouvrirent le roy et luy, et s'assistrent en deux chaières l'une emprès l'autre. Et là, le roy luy dist les paroles qui ensuyvent : « Beaux oncles, sachiez que j'ay si » grant joie de vostre venue comme plus puis, et vous pri » que vous tenez que en ce que j'ay vous avez comme au » vostre, et plus avant ne vous scay offrir. » A quoy l'empereur osta arrière son chaperon et le roy aussi, et respondit ledit empereur ces paroles : « Monseigneur , je vous » merci des honneurs et biens que vous me faites, et je vous » offre et vueil que vous soyés certain que moy et mon fils » que je vous ai ci amené, et tous mes autres enfans et

(1) A galathas. Christine : Et Galathas. Je pense qu'il faut entendre par là les longues galeries dans lesquelles sont encore aujourd'hui conservées les archives du parlement. Ce passage curieux nous apprend ce que les historiens de Paris semblent avoir ignoré, que le roi Jean avoit fait exécuter de grands travaux dans le Palais. Le nom de Galathas n'avoit jusqu'à présent été relevé que dans un édit de la chambre des comptes. « Galalha. Ediclum anni 1358 : In camerâ compolorum superiùs ad Gala- » lhas, ubi erant Domini de Moniemorenciaco, etc. Locus hodiè incognitus » in Camerâ computorum. » (Nouv. Ducange.) Le texte de nos chroniques permet de mieux déterminer l'endroit appelé Galathas dans le Palais.

(2) « Et en le saluant osta tout jus son chaperon. Dont il pesa à l'em- » pereur qui recouvrir le voult. Et il dist que il luy monslroit sa coiffe » que encores n'avoit veue. Car est assavoir que es anciennes guises, les » rois portoient déliées coiffes soubs les ctmpperons. » (Christine de Pisan.)

» quanque j'ay, sommes vostres et le poez prendie comme » le vostre. » Auxquelles paroles pluseurs gens estoient qui orent grant plaisir et joie de cestes grans amitiés et bonnes volentés. Et ainsi se départi le roy. Et pour la maladie dudit empereur qui estoit très-griève , considéré que il avoit eu fièvre avecques et estoit moult travaillié dudit chemin, le roy le fist soupper en sa chambre ; et il mena soupper avecques luy le roy des Romains et les ducs, seigneurs et chevaliers qui estoient venus avec luy, et y ot très grant soupper et très grant presse de gens d'estat, et fu l'assiète tele que il ensuit : L'evesque de Paris, premier; le roy, et puis le roy des Romains; le duc de Berry , le duc de Breban , le duc de Bourgoigne, le duc de Bourbon et le duc de Bar ; et pour ce que deux autres ducs n'estoient pas chevaliers, mengièrent à l'autre table, et leur tint compaignie messire Pierre fds du roy de Navarre, le conte d'Eu et pluseurs autres seigneurs. Et est assavoir que la grande sale du palais, la chambre de parlement , la sale sur l'eau , la chambre vert , les autres chambres notables du palais , la Sainte-Chappelle , la chapelle d'emprès la chambre vert estoient partout trèsrichement parées et ordenées , tant au palais comme au chastel du Louvre , à Saint-Pol , au bois de Vinciennes , et à l'ostel de Beauté - sur-Marne , èsquels lieux le roy mena, tint et festoia partout l'empereur. Et ainsi se passa la journée dudit lundi, entrée de l'empereur à Paris. Et après vin et espices données après souper, se retraistrent le roy, et le roy des Romains et les autres seigneurs chascun en sa chambre.

Des présens que ceux de la bonne ville de Paris firent à t empereur et à son fils le roy des Romains.

Le mardi ensuivant, qui fu le quint jour de janvier, le prévost des marchans et les esche vins de Paris, à heure que l'empereur disnoit en sa chambre, entrèrent devers luy et luy présentèrent de parla ville, une nef (1) pesant neuf vins et dix mars d'argent, dorée et très-richement ouvrée, et deux grans flascons dorés et esmailliés du prix de septante mars d'argent. Et à son fds présentèrent une fontaine d'argent dorée et richement ouvrée du pois de quatre -vint trèze mars, avec deux grans pos d'argent dorés très richement ouvrés de trente mars pesans. Et ce dit jour, le roy ne vit point l'empereur pour ce qu'il avoit esté malade et mal dormi la nuit, et ot jà mengié et se vouloit couchier dormir à relevée, avant que le roy eust ouï son service et messe à note, comme de coustume est. Mais ledit empereur envoia devers le roy luy prier moult affectueusement que il luy pleust qu'il peust à luy parler ce jour privéement, pour luy dire aucunes besoignes dont il avoit à parler à luy ; et voult et requist que le chancelier de France y feust présent avecques le roy. Et menga le roy ce jour en sale à grant foison de gens ; et y furent le duc de Sassoigne , qui le soir devant n'avoit pas souppé avecques le roy, l'evesque de Brusseberg, le chancelier de l'empereur, et tous ou la plus grant partie des princes, seigneurs et gens de l'ostel de l'empereur ; et le roy des Romains n'y manga pas, pour ce que le roy le laissa

(1) La Nef étoit le morceau principal de la vaisselle chez les grands seigneurs et surtout chez nos rois. La nef d'or étoit encore un meuble d'étiquette à la cour de Louis XVIII. J'ignore si elle orne toujours la table du roi.

tenir compaignie à l'empereur son père. Et après ce que le roy ot disné et se fu retrait en sa chambre, il ala à bien pou de gens et secrètement devers l'empereur, ainsi que il l'avoit prié et y mena son cliancellier ; et l'empereur et le roy assis en deux cliaières, l'un d'encoste l'autre, firent widier tout, excepté le cliancellier de France que il retindrent et appelèrent. Et longuement parla l'empereur au roy, et tant furent bien ensemble comme l'espace de trois heures , et sur la fin de leur partir fu appelle le cliancellier de l'empereur. Des paroles né des besoignes dont il parlèrent ne scet-on riens. Et aux vespres dudit mardi, qui fut veille de la Tiphaine, ala le roy icelles oïr en la Sainte-Chappelle, et à sa main sénestre menoit le roy des Romains; et y estoient deux oratoires, tendus l'un à destre près des chaières, et l'autre à sénestre près du revestiaire; et en celuy à destre étoit le roy, et en celui à sénestre le roy des Romains ; et fîst le service l'arcevesque de Rains, et fu la Sainte-Chappelle si noblement aournée et l'autel si richement et grandement garni de joyaux d'églyse et de reliques, et tellement enluminée que c'estoit belle et merveilleuse chose à veoir. Et a voit si grant multitude de gens d'estat aus vespres, que à paines povoient-il estre en la Sainte-Chappelle. Et au soupper dudit mardi, qui fu la veille des Roy s, fu le grant palais moult noblement paré et ordené, et tant de plas pendus par icelle, et tant de torches et estandars attachiés parmy la sale en moult de places, avecques grant multitude de variés vestus d'un drap, tenans grant foison de torches, que on véoit aussi clair par nuit en ladite sale comme on feroit par jour ; et y soupa le roy, le roy des Romains, les prélas et princes qui ensuivent, en la forme et manière que l'assiete fu. C'est assavoir : que premier fu assis au grant days de la table de marbre l'evesque de Paris , l'evesque de Brusseberc , conseillier de l'empereur, l'arcevesque de Rains, le roy, le roy des

Romains ; les ducs de Berry, de Breban, de Bourgoigne, de Saissoigne, de Bourbon ; le duc Henry et le duc de Bar , et les autres ducs et princes sistrent à l'autre days qui estoit entre la table de marbre et Puis de parlement. Et fu le souper lonc et servi de grant foison de mes qui trop longue chose seroit à recorder. Et à ladite sale furent audit soupper, par le raport des héraux , tant du royaume de France comme d'estranges, de huit cens à mil chevaliers, et grant multitude d'autres gens d' estât en très grant presse, combien que le service feust fait très honnestement et sans desroy, et tost et bien délivrés et servis tous ceux qui mengièrent audit palais, aussi bien les basses et lointaines tables, comme les hautes et plus prochaines. Et après souper s'en ala le roy et le roy des Romains en la chambre de parlement, en leur compaignie les prélas, princes, seigneurs et chevaliers dessus escrips, tant comme il en y pot entrer. Et furent là les menesterels de bas instrumens, et y jouèrent en la manière acoustumée ; et estoit ladite chambre noblement parée toute à fleurs de lis et grandement alumée, et avoit deux chaières aus deux costés du lit à parer, hautement mises, et sur chascune d'icelles un ciel de brodeure à fleurs de lis. Et au prendre vin et espices le duc de Berry servi d'espices le roy, et le duc de Bourgoigne servi du vin, et après se retrahi le roy par derrières en sa chambre , et envoia le roy des Romains par la sale, en la compaignie de ses frères, les ducs dessus nommés et plusieurs autres seigneurs et chevaliers. Et ainsi fu parfaite la journée dudit mardi, qui fu cinquiesme jour de janvier.

(1378.) CHAULES V. 381

Comment le roy monstra à l'empereur les reliques de la Sainte- Chap pelle de son palais.

Le mercredi ensuivant, sixiesme jour de janvier et jour de la Thiphaine , l'empereur fist prier au roy qu'il luy pleust celui jour montrer les saintes reliques , et que celuy jour avoit dévocion de les veoir et soy faire apporter , et estre à la messe et disner au palais avecques le roy. Si se levèrent le roy et l'empereur bien matin, et fist le roy garder les portes du palais plus estroitement que devant par chevaliers et escuiers de son hostel, pour ce que le jour devant les sergens d'armes et sergens de Chastellet y avoient trop laissié passer de gens ; et si bien furent gardées que nul n'y entra que chevaliers et escuiers ou autres gens d'estat. Par quoy l'empereur et le roy alèrent paisiblement et sans trop grant presse en ladite chappelle : et pour ce que l'empereur voult en toutes manières monter en hault devant ladite chasse et veoir les saintes reliques, et la montée soit greveuse et estroite, il n'y pot estre porté dans sa chaière, mais se fist tirer par les bras et jambes contre mont la vix (1), et pareillement ravaler à très grant paine et travail et grevance de son corps, pour la grant dévocion qu'il avoit à veoir de prèslesdites saintes reliques. Et quant il fu amont et le roy ot ouverte la sainte chasse, ledit empereur osta son chapeau et joint les mains, et comme en larmes fist là son oroison longuement en très grant dévocion, et puisse fist soustenir et apporter baisier les saintes reliques; et l'y monstra et devisa le roy toutes les pièces qui sont en ladite chasse. Et après ce que les princes qui avecques luy estoient

(1) La vix. L'escalier.

orent baisié, le roy tourna ladite chasse devers la chappelle, et laissa à garder icelle les evesques de Beau vais et de Paris, revestus en pontifical de mictres et de crosses. Et quant l'empereur fu raporté aval, il ne voult pas estre mis en l'oratoire que le roy luy avoit fait appareillier, mais volt estre en la chaière où le trésorier de ladite chappelle a coustume à seoir, pour mieux et plus longuement veoir lesdites saintes reliques, et estre mieux à l'opposite du tronc de ladite chasse. Et là luy appareilla-l'en son siège d'un drap d'or bien et honestement, et le roy se mist en son oratoire qui estoit près de l'uis du vestiaire. Mais pour ce que l'empereur n 'avoit nulles courtines, fist le roy rebrassierles siennes, et au commencement de la messe envoia le roy, par l'arcevesque de Rains, l'eaue benoite à l'empereur premiers que à luy et aussi le texte de l'Evangile , combien que l'empereur le refusast fort. Mais de fait le voult ainsi faire le roy pour luy honnorer, pour ce qu'il estoit venu luy veoir en son royaume et estoit en son hostel. Et quant ce vint à l'offrande, le roy avoit fait appareillier trois paires des offrandes, d'or, d'encens et de mirre, pour offrir pour luy et pour l'empereur ainsi qu'il est acoustumé. Et fist demander le roy à l'empereur s'il offreroit point, lequel s'en excusa en disant qu'il ne povoit aler né soy agenoillier né aucune chose tenir pour la goûte, et qu'il pleust au roy offrir et faire selon son acoustumance ; si fu l'offrande du roy tèle qui s'ensuit : Trois chevaliers, ses chambellans, tenoient hautement trois bêles coupes dorées et esmaillées ; en l'une estoit l'or , en l'autre l'encens , et en la tierce le myrre , et alèrent tous trois par ordre, comme l'offrande doit estre bailliée, devant le roy et le roy après, qui s'agenoillièrent, et il s'agenoilla devant l'arcevesque, et la première offrande qui fu de l'or , luy bailla celuy qui la tenoit et il l'offri et baisa la main. La seconde, qui est de l'encens, bailla le se-

cont chevalier qui la tenoit au premier, et il la bailla au roy, et ilPoffri en baisant la main de l'arcevesque. La tierce, qui est de myrre, bailla le troisième chevalier qui la tenoit audeuxiesme, et le deuxiesme au premier, et le premier la bailla au roy, et en baisant la main dudit arcevesque tierce fois l'ofïri. Ainsi parfist son offrande dévotement et honorablement. Pour ce qu'il es toit tart n'ot point de sermon à ladite messe ; et à la paix donner , deux paix furent appareilliées que le diacre et soudiacre portèrent l'une à l'empereur, Vautre au roy, et aussitost l'un comme l'autre les baisièrent. La messe finée, le roy monta à la sainte chasse et fist baisier des princes et gens de l'empereur qui encore n'y avoient point esté. Et pour ce que la chose fu longue, se retray l'empereur en un retrait d'encoste ladite Sainte-Chappelle, où gisent les clers maregliers et gardes d'icelle, lequel retrait le roy avoit fait bien et honorablement appareillier pour reposer l'empereur. Et quant la chasse fu close, le roy s'en ala par la chappelle en sa chambre. Et lors envoia le roy vers l'empereur audit retrait de la Sainte-Chappelle en sa chambre, son ainsné fils le daulphin de Viennois, que il avoit envoyé quérir en son hostel de Saint-Pol et fait venir au palais pour veoir l'empereur, et l'acompaignèrent les frères du roy les ducs de Berry et de Bourgoigne, le duc de Bourbon frère de la roy ne, le duc de Bar ; et pluseurs autres seigneurs et chevaliers de grant estât y avoit aussi grant foison. Et quant l'empereur sceut que ledit dauphin venoit pardevers luy, il se fist lever de sa chaière et osta son chaperon et l'acola et baisa, et le daulphin s'inclina devant luy sans agenoullier. Et tantost après descendi le roy de sa chambre, et vint querre l'empereur pour aler mengier en la grant sale du palais : et portoit-1'en l'empereur en une chaière, et le roy estoit coste luy et tenoit le roy des Romains son fils à sa sénestre main, et devant portoit-1'en le

daulphin sus cols de chevaliers acompaigné de seigneurs et chevaliers bien grandement. Et ainsi alèrent sans grant presse par les merceries et par la grant sale du palais jusques au hault days de la table de marbre, et fu l'ordenance et l'assiete tèle comme il s'ensuit, et comme il est figuré en l'ystoire (1) ci-après pourtraite et imaginée.

Le disner qui fu en la grant sale du palais , et de l'ordenance .

Premièrement sist l'arcevesque de Rains, après séoit l'empereur , après séoit le roy ainsi comme au milieu du front de la sale; après le roy de France séoit le roy des Romains, et avoit autant de distance du roy des Romains à luy comme du roy à l'empereur ; et avoient l'empereur, le roy et le roy des Romains , chascun séparément , un ciel de drap d'or bordé de veluiau aux armes de France , et par dessus ces trois en avoit un très grant qui continuoit le lonc de la table et tout derrière eux pendoit, et tous les piliers et fenestrages derrière la table, housses de drap d'or très richement et le days aussi. Après le roy des Romains séoient trois evesques bien loin de luy jusques à la fin de la table , l'evesque de Brusseberc, l'evesque de Paris et l'evesque de Beauvais. En l'autre days qui estoit entre la table de marbre et parlement, séoient premièrement le duc de Sassoigne,le daulphin de Viennois ainsné fils du roy, et après séoient les ducs de Berry, de Breban, de Bourgoigne, le fils du roy de Navarre, le duc de Bar, le duc Henry; et en la fin de la table le chancellier de l'empereur qui n'estoit pas evesque ; et ne séoient

(ï) L'Ystoire. La figure. En effet, le manuscrit de Charles V offre ici, (page 473, v°), une belle miniature représenlant d'une manière fort curieuse le dîner dont on va lire avec intérêt la description.

pas les ducs de Bourbon , le conte d'Eu , le seigneur de Coucy et le conte de Harecourt , mais estoient entour ledit daulpliin tous en pies pour luy tenir compaignie et garder de presse. Les autres ducs et princes mangoient aux autres days par belle et bonne ordenance. Sur le days où mangoit ledit daulpliin a voit un ciel pallé de veluiau et de drap d'or, et puis un autre par dessus qui couvroit tout le lonc de la table, et aussi estoit couvert le days de mesmes. Et est assavoir que la sale du grant palais estoit continuée et parée de tapis de liault liche (1) à ymages tout autour si bien ordenés et si à point mis que les roys qui sont de pierre tout autour n'estoient point occupiés né empeschiés de veoir. Et y avoit en ladite sale cinq days, à compter celuy de la table de marbre ; et trois dressouers à vin très richement parés et garnis de vaisselle d'or et de grans flacons d'argent esmailliés. Le secont qui estoit emprès le siège des requestes , estoit tout couvert de pos , flacons et autre vaisselle dorée tant qu'il y en povoit. Et le tiers qui estoit bien avant au milieu de la sale soubs une des arches, estoit, tant qu'il en povoit dessus, garni de vaisselle d'argent blanche, à servir coinmunelment la sale. Et estoient le grant days et le secont et lesdis dressouers avironnés, garnis et deflendus de bonnes barrières, coulisses et palis tout autour, et bien aguisiés pardessus, et n'y povoit- on entrer que par certains pas qui estoient gardés et deflendus par chevaliers à ce ordenés. Et manga bien en ladite sale , par le rapport que en firent les héraux , huit cens chevaliers sans les autres gens. Et combien que le roy eust ordené quatre assiettes (2) de quarante paires de mes, toutesvoies, pour la grevance de l'empereur qui trop longuement eust sis à table, en fist le roy oster une assiette, et n'en servi-1'en que de trois qui

( \ ) De hault liche. Ou de haute lisse. (2) Assiettes, Services.

furent de trente paires de nies , sans les deux entremès (1) qui furent tels qui s'ensuit :

L'ystoire et l'ordenance fu coin en t Godefroy de Buillon conquist la sainte cité de Jhérusalem. Et fist le roy faire à propos ceste histoire, que (2) il luy sembloit que devant plus grans en la christienneté ne povoit-on ramentevoir né donner exemple de plus notable fait , né à gens qui mieux peussent, deussent et feussent tenus telle chose faire et entreprendre au service de Dieu. Et pour mieux figurer la besoigne et plus plainement la cognoistre fu fait ce qui s'ensuit : Au bout de la salle du palais, qui estoit entreclos telement que on n'en povoit rien veoir par dehors, avoit une nef bien façonnée, à forme d'une nave de mer garnie de voilles et de mast, chastel devant et derrière, et de tous autres habillemens et ordenances qui appartiennent à nef pour aler sur mer; et estoit si (3) joliement painte et abilliée, et très richement et plaisamment. Etdedens estoit garnie de gens, par semb lance armés bien joliement, et estoient leur cotes d'armes , leur escus et bannières des armes de Jhérusalem que Godefroy de Buillon portoit (4) ; et jusques à douze estoient, comme dit est, armés des armes des notables chevetaines qui furent à ladite conqueste de Jhérusalem avec ledit Godefroy. Et estoit au devant, sur le bout de ladite nef, Pierre l'Ermite, en l'ordenance et ma-

(1) Entremès. Voilà bien le premier sens de ce mot. Divertissement donné pendant Pintervalle des services. Nous allons voir une mise en scène du xrve siècle, telle qu'on la chercheroit vainement ailleurs; car le seul manuscrit de Charles V contient ce qui suit. Les autres, au lieu de la description des entremets, se contentent de dire : « Et n'en servit-on que » trois qui font trente-huit mes sans les deux entremès et les dons et pré- » sens qui furent fais audit empereur, au roy des Romains et à ses gens. » (V. l'éd. d'A. Yerard, bien plus fautive encore en cet endroit, t. m, f° 37.)

(2) Que. Parce que.

(3) Si. Ainsi.

(4) Portoit. Elles sont figurées dans Yysloirc .-D'argent à In croix d'or accompagnée de trente-deux croiseltes d'or.

nière et au plus près qu'il se povoit faire , selon ce que l'ystoire raconte. Et fu ladite nef mise hors (1) à gens qui couvertement estoient dedens ; et fu menée très légièrement par le costé senestre dudit palais, et si légièrement tournée que il sembloit que ce fust une nef flotant sur l'eau , et ainsi fu amenée jusques au grant days audit costé de l'autre part, qui fu le destre costé de ladite sale. Et après ce (2), fu mis hors de la place d'encoste où ladite nef estoit partie, un en tremès fait à la façon et semhlance de la cité de Jhérusalem, et y estoit le temple bien contrefait selon l'espace, et là avoit une tour haulte assise delès le temple , ainsi comme les Sarrasins ont de coustume où il crient leur loy. Là avoit un vestu en habit de Sarrasin très proprement, et qui, en langue arabique, crioit la loy en la manière que font les Sarrasins ; et estoit ladite tour si haute que celuy qui estoit dessus joignoit bien près des trefs de ladite sale. Et le bas, tout entour de ladite cité où il avoit forme de créneaux et de murs et de tours , estoit garni de Sarrasins armés à leur manière et banières et penons , et ordenés à combattre pour deffendre la cité. Ainsi fu amené à force de gens qui estoient dedens si couvers que on ne les povoit veoir, jusques devant ledit grant days à la destre partie. Et lors se mistrent les deux en tremès l'un contre l'autre et descendirent ceux de la nef, et par belle et bonne ordenance vindrent donner assaut à ladite cité et longuement l'assaillirent, et y ot bon esbatement de ceux qui montoient à assaut à eschelles. Finablenient montèrent dessus ceux de la nef et conquistrent ladite cité et getoient hors ceux qui estoient en habit de Sarrasins , en mettant sus les bannières de Godefroy et des autres. Et mieux et

(1) Mise hors. Mise en mouvement.

(2) Après ce. C'est-à-dire après la première décoration , le premier acte ou tableau.

plus proprement fu fait et veu que en escript ne se puet mettre. Et quant l'esbatement fu parfait , lesdis entremès furent remenés tous entiers en leur place première.

Après ce, fu le disner fine, et osta-Fen les nappes et donnal'en l'eau à l'empereur et au roy, et lavèrent ensemble aussi tost l'un comme l'autre, et le roy des Romains lava un peu après. Et pour ce que la foule estoit très grande et la multitude, combien que devant le days où estoit l'empereur et le roy n'en y ot gaires, pour les bonnes gardes qui estoient aux barrières, ordena le roy, à la prière de l'empereur, que à leur sièges à ladite table où il avoient disné fussent apportées les espices et le vin , pour ce que , à l'entrée de parlement, l'empereur eust esté trop foulé et grevé pour sa maladie. Si fu ainsi fait, et fu apporté le daulphin sus la table en estant (1), à deux pies entre et devant l'empereur et le roy, et le tenoit le duc de Bourbon. Et servi d'espices l'empereur, par le commandement du roy, son frère le duc de Berry ; et le duc de Bourgoigne servi pareillement le roy, et prièrent moult l'empereur et le roy l'un l'autre de prendre espices; et finablement pristrent ensemble aussitost l'un comme l'autre, et semblablement furent au boire , et le duc de Breban servit de vin l'empereur son frère, et le duc de Bourbon donna à boire au roy. Et un pou après , prist le roy des Ptomains les espices et le vin, et luy donna le conte d'Eu des espices et un de ses chevaliers le vin. Après ce que vin et espices furent données, l'empereur fu mis hors de la table et remis en une chaière. Et pour ce que si grant presse n'eust , se partirent d'ensemble le roy et luy, et fu porté l'empereur par le milieu de la grande sale , par la porte des merceries par les grandes alées, droit en sa chambre. Et après luy envoia le roy ses dis frères et pluseurs

(0 En estant. Debout.

autres seigneurs pour luy convoier , et le roy s'en ala et mena avec luy à sa main le roy des Romains , et se mist en la chambre de parlement, où il parla et tint grant pièce compaignie audit roy, ducs et princes de Fempire, l'evesque et le chancelier qui estoient venus avecques l'empereur et pluseurs autres seigneurs et chevaliers qui estoient en la chambre, tant qu'il y en povoit tenir. Et après se retraist le roy et le roy des Romains par derrière la chambre de parlement , et par les grans alées s'en alèrent chascun en sa chambre, et estoit tart quant ces choses furent faites. Et avant que les derreniers eussent mengié, qui furent bien autant que les premiers , il fu près de nuyt. Si ne menga pas le roy au souper ceste nuyt en sale, mais assez privéement en la chambre devant sa chambre , et l'empereur et son fils soupèrent aussi en leur chambres. Toutesvoies ot le roy à souper la plus grant partie des seigneurs de son royaume qui lors estoient à Paris. Après souper se partist le roy et prist ses frères avecques luy et pou d'autres gens, et ala secrètement véoir l'empereur en sa chambre et se sistrent en deux chaières, l'un coste l'autre, et se esbatoient et parloient de bon mos une pièce. Et puis se parti le roy et s'en ala en sa chambre, et là vint à luy et le convoia le roy des Romains, et prist vin et espices avecques le roy, et puis s'en retourna et les frères du roy le convoièrent. Ainsi se retraist chascun pour aler couchier. Si fu ainsi parfaite la journée du mercredi, jour de la Thiphaine.

Cornent V empereur et le roy se partirent du palais et se mistrent dedens un très bel batel et riche , pour estre menés par eaue jus que s au chas tel du Louvre (1).

Le jeudi ensuivant, qui fu le septiesme jour de janvier, ordena le roy à aler au Louvre et y mener avecques luy l'empereur. Si but l'empereur à matin avant qu'il partisist. Et le roy ne disna jusques à ce qu'il fu au Louvre. Et fist aporter l'empereur à la pointe du palais, et là estoit appareillié un grant batel, fait et ordené à manière de une maison où sont sale et deux chambres tout à cheminées et pluseurs autres retrais et nécessaires, et estoit ledit batel paré et richement aourné ; et es chambres avoit lis et ciels tendus et toutes autres ordenances comme en une maison appartient; dont l'empereur et ses gens, quant il furent dedens et Forent veu, s'en donnèrent grant merveille et y prenoient très grant plaisance. Ainsi arrivèrent au Louvre, et

(1) Au lieu des treize chapitres qui vont suivre, les éditions précédentes et tous les manuscrits, à l'exception de celui de Charles V, portent l'alinéa suivant :

« Cornent furent festoyés lesdis empereur et son fils au bois de Vincen- » nés et à Beaulté-sus-Marne; et cornent au départir le roy luy fist mons- » trer ses belles couronnes par Gillet Mallet son varlet de chambre. Et »* cornent le roy donna des relicques et amaux à l'empereur, et aussi » l'empereur en donna au roy ; et baisèrent l'un l'autre au départir : mais » je m'en tais pour la prolixité. Et aussi fist l'empereur à son fils le roy » des Rommains promettre par la foy et serment de son corps que tous » les jours qu'il vivroit feroit obéissance au roy de France, et qu'il vivroit » et mourroit avec luy contre tous et envers tous, et aux enfans du roy » pareillement. Et fist l'empereur pluseurs dons à monseigneur le daul- » phin, ainsné fils du roy de France, dont il luy bailla ses lettres scellées » des seaulx d'or, par lesquelles il le faisoit son lieutenant au royaume » d'Arbre et vicaire-général la vie durant dudit daulphin inrénoncablement. » Et luy donna le chasteau de Pompet et Chameaulx en Daulphiné ; et » le roy le fist convoyer jusques à Mouson à ses despens. »

(1378 J CHAULES V. 391

fu apporté ledit empereur en sa chaière , et le roy estoit coste luy jusques à ce qu'il fu dedens ledit chastel , et luy monstra et fist monstrer au dehors et dedens le nouvel édifice qu'il y avoit fait , dont l'empereur par semblant prenoit très grant plaisir. Et le loga le roy en ses chambres très richement parées et ordenées, et le roy se loga à l'autre bout es chambres qui sont pour son ainsné fils le daulphin de Viennois ; et dessoubs fist logier le roy des Romains es chambres de la royne, qui semblablement estoient bien ordenées et parées. Et généralment par tout ledit chastel , tant en sales , en chambres , en chapelles , estoit tretout si paré et ordené que rien n'y faloit , combien que des paremens du palais aucune chose n'y eust. Et pour ce que autre fois ne soit dit, pour plus brief parler, fu fait pareillement en tous les hostels du roy où fu l'empereur ; c'est assavoir à Saint-Pol , au bois de Vincennes et à son hostel de Beauté. Geluy jour, disnale roy en la sale du Louvre et tous les chevaliers et escuiers qui y vouldrent venir, et furent servis très grandement et largement.

Cornent l'université de Paris vint devers F empereur pour luy faire révérence , et des gens du conseil que le roy fist assembler pour parler à eux.

Après disner, assembla le roy son conseil en sa chambre. Et en celle heure vint devers l'empereur l'université de Paris par l'ordenance et commandement du roy, et estoient de chascune faculté douze, excepté les Arciens (1) qui estoient vint-quatre, et estoient honnorablement en leur chap-

(l) Arciens. Les professeurs dans les i'acullés ès-arl&.

pes et habis. Et ainsi vindrent faire la révérence à l'empereur en leur manière acoustumée et fist la collacion notablement et légalment, maistre Jehan de La Chaleur, maistre en théologie et chancellier de Nostre-Dame de Paris ; et en icelle collacion recommanda moult la personne de l'empereur, ses nobles fais et vertus et sa dignité, et aussi recommanda moult et ramena notablement Testât et honneur du roy et du royaume de France, en îoant et approuvant à l'empereur sa venue devers le roy; et finablement recommanda l'université bien et sagement comme à tel cas appartient. A quoy l'empereur respondi de sa bouche en latin, en les merciant des honnorables paroles que dites luy avoient, disant que trois choses l'avoient amené au royaume , la dévocion qu'il avoit à veoir les saintes reliques et aucuns autres pèlerinages où il avoit sa dévocion , et par espécial la grant afFeccion qu'il avoit à veoir le roy et parler à luy. Et en ce temps estoit le roy à son conseil en sa chambre , où estoient ses frères et grant foison de prélas de son conseil et autres chevaliers en assez grant nombre ; et leur demanda et mist en termes se il leur sembloit que bon feust que à l'empereur son oncle, qui tant d'amour et fiance luy avoit monstre comme de venir en son royaume et par devers luy, il féist monstrer ou monstreroit le fait et la justice du bon droit que il a contre ses ennemis d'Angleterre, et le grant tort qu'il ont tenu à ses prédécesseurs et à luy par lonc temps, le devoir en quoy il s'estoit mis d'entrer en tout bon traictié de paix. Et les offres (1) qu'il en a faites a deux fins : l'une, pour ce qu'il scet que ses ennemis manifestent en Allemaigne et ailleurs le contraire de la vérité, en eux justifiant ; par quoy l'empereur et princes et son conseil qui avecques luy estoient, pi et veu ce que le roy leur en diroit et feroit veoir

(1) Les offres, La proposition qu'il fait à son conseil d'exposer tout cela à l'empereur.

(1378.) CHAULES V. ^.r>

par lettres et les traictiés de paix faites et les aliances sur ce, il peussent cognoistre et vraiment respondre et soustenir sur ce la vérité contre ceux qui se sont efforciés, efforcent ou efforceront de parler ou de manifester ou publier le contraire. L'autre raison qui à ce esmouvoit le roy, estoit pour avoir le conseil et avis de "l'empereur, après ce qu'il aroit 6i et veu le devoir en quoy le roy s'estoit mis et les offres qu'il a voit faites pour paix avoir, si luy sembloit qu'il déust souffire, ou que plus avant le roy en déust faire. Auxquelles demandes et termes, tous d'un accort et sans contradiccion conseillèrent au roy que ainsi le féist. Si ordena son dit conseil et pi useurs autres Fendemain estre assemblés, et aussi fist savoir à l'empereur que à celle heure luy et son fils, les princes, prélas et autres gens de son conseil qui en sa compaignie estoient venus , feussent audit lieu du Louvre à ladite heure pour oir ce que le roy luy voudroit dire et monstrer ; et fu le vendredi huitiesme jour de janvier. Et celuy jour au matin vint veoir le roy l'empereur privéement, et luy apporta et donna un bel coffret de jaspre garni d'or et de pierreries, d'une espine de la sainte couronne et d'un des os de saint Martin, et depuis luy donna de saint Denis, car moult fort en désiroit à avoir, et en avoit requis le roy. Et cedit jour après disner, le roy et l'empereur vindrent ensemble à la chambre à parer du Louvre, et y estoient le roy des Romains et ceux qui ensuivent de la part de l'empereur ; l'evesque de Brusseberc son chancellier et deux autres clers notables ; les ducs de Bréban et de Sassoigne, et les trois autres ducs dessus nommés, le hault maistre de son hostel et son grant chambellan, le seigneur de Coldis et pluseurs autres seigneurs , contes , barons et chevaliers, jusques au nombre de cinquante personnes et plus. Et de la part du roy en y avoit bien autant et plus, et y estoient les principaux et plus notables dont les noms

s'ensuivent , c'est assavoir : les ducs de Berry, de Bourgoigne, de Bourbon, de Bar; le seigneur de Coucy ; les contes de Harecourt, de Tanquarville, de Sarebruche, de Braine ; monseigneur Jacques de Bourbon ; le mareschal de France de Blain ville; le seigneur de Ray ne val; messire Phelibert de l'Espinace , monseigneur Thomas de Vaudenay , monseigneur Arnault de Corbie, chevaliers, et pluseurs autres. Et des gens du conseil du roy y estoit son chancellier, l'arcevesque de Bains, les evesques de Laon, de Paris, de Biauvais, de Baieux ; l'abbé de Saint-Wast , et d'autres clers et lais du conseil du roy , tant de parlement que autres. Et estoient l'empereur et le roy et le roy des Romains en trois chaières couvertes de drap d'or, et les autres assis à doubles fourmes, en manière de siège de conseil. Et prist le roy à parler et monstrer les fais et besoignes dessus escriptes par longue espace de deux heures et plus ; et prist sa matière des premiers temps du royaume de France, et après, de la conqueste de Gascoigne que fist saint Charlemaine quant il le conquist et convertist à la foy crestienne que ledit païs fu soubmis à la subjeccion du royaume de France ; et sans interrupeion ou eontradiccion a tousjours depuis esté et ceux qui en ont tenus les demaines : espécialment les ducs de Guyenne , tant roys d'Angleterre comme autres , en ont tousjours fait hommaige lige et recognoissance aux roys de France, eomme à leur droit seigneur à qui est le fief. Et se ce n'a esté depuis le temps Edouart d'Angleterre derrenier mort , n'y f u mise oneques aucune eontradiccion ; et mal à point le fist , puisqu'il eust fait hommaige au roy Phelippe, aïeul du roy, lequel hommaige il fist à Amiens et le recognut son seigneur et roy de France : et depuis ledit hommaige fait, luy revenu en Angleterre par l'espace d'assez lonc temps, rateffia, par ses lettres scellées de son grant scel, et approuva ledit hommaige avoir esté lige, plus

fort et plus avant que par paroles n'a voit esté fait audit roy Phelippe, comme plus à plain appert par les lettres sur ce faites desquelles furent monstres des originaux scellés audit empereur, avec toutes autres chartres plus anciennes de ses prédécesseurs les roy s d'Angleterre, faites à saint Loys, et de son temps la recognoissance des hommaiges de Gascoigne, Bordeaux, Bayonne et^ les isles qui sont endroit Normendie ; et èsdites lettres est expressément contenu cornent les roys d'Angleterre ont expressément renoncié à toutes les terres de Normendie, d'Anjou, du Maine, de Tourraine et de Poitiers, se aucun en y avoient , comme plus plainement est contenu èsdites lettres, lesquelles furent monstrées audit empereur. Et aussi monstra le traictié de la paix , et cornent son père et luy l'avoient moult chier achetée, et cornent par les Anglois elle fu mal gardée, en le déclairant particulièrement : tant par la faute de rendre les forteresces occupées que il dévoient rendre au leur, comme par les hostages qu'il raençonnèrent contre le contenu au traictié; comme par les compaignies que continuelment il tindrent au royaume de France ; comme par usurper et user des droits de souveraineté qui appartiennent au roy desquels il ne dévoient point user ; comme de conforter le roy de Navarre lors ennemi du royaume , ses adhérens et confortai! s , de leur gens , subgiés et aliés tant Anglois comme Gascoins, et leur donner passages, vivres et confort contre la teneur des aliances faites, jurées et passées et par sairemens fais si fors comme il se peuvent faire entre crestiens. Lesquelles aliances furent aussi monstrées et leues audit empereur en françois et latin , afin que chascun les peust mieux entendre. Et enoultre, le prince de Galles fist tant d'outrages et d'extorcions au pais et gens de Gascoigne, qui encore estoient demourés soubs la souveraineté et ressort du roy , né oneques renonciation n'en fu né n'a

esté faite , comme le roy le fist monstrer par la lettre du traictié où est la clause qui se commence : C'est assavoir, etc. Et monstra aussi le roy cornent le conte rl'Armignac, le seigneur de Lebret et pluseurs autres barons et bonnes villes avoient appelé du prince à luy, et vindrent en leur personnes requérir ajournement et rescript en cause d'appel , et cornent le roy y mist longuement et fist grant difficulté avant que faire le voulsist ; et par le conseil sur ce pris de pluseurs notables , avecques ceux de son conseil ; eues aussi les opinions de pluseurs estudes de droit de Bouloigne la crasse, de Montpellier, de Thoulouse et d'Orliens, et des plus notables clers de la court de Rome, que refuser ne le povoit ; et cornent par voie ordenée de justice le roy le fist, et non pas par puissance d'armes. Et fu ordené un docteur juge du roy à Thoulouse appelé maistre Bernart Pâlot et un chevalier appelé monseigneur Jehan de Chaponnal, qui portèrent audit prince les lettres du roy, les inhibicions et ajournemens , et par le sauf-conduit du séneschal dudit prince vindrent près dudit prince, lequel les fist prendre et murtrir mauvaisement contre Dieu et justice, et en offense du roy et du royaume de France. Et aussi monstra le roy audit empereur cornent, nonobstant lesdites offenses ainsi faites, il envoia audit roy Edouart, contes, chevaliers et clers pour le sommer et requérir de par luy de radrescier et faire radrescier les choses ainsi par son fils et ses subgiés mauvaisement faites ; et désiroit le roy que par voie amiable remède se y méist et non pas par guerre; à quoy response raisonnable né d'aucune bonne espérance ne fu au roy de France donnée. Et de fait avoit desjà encommencié la guerre ledit prince en Gascoigne contre les appellans ; et aussi avoient fait en Pontieu les p}ens dudit roy d'Angleterre et chevauchié en la terre du roy. Pourquoy , par nécessité et par le conseil de son

royaume pour ce assemblé en son parlement, entreprist à deffendre sa bonne justice contre ses ennemis.

Après ce que le roy ot monstre l'occasion de la guerre et bien enfourmé parles responses et lettres scellées l'empereur et son conseil, il luy dist et monstra les devoirs qu'il avoit fais, pour avoir bon traictié à ses adversaires ; et aussi finablement luy monstra les offres que sur ce il avoit faites, et conclust ses paroles es deux fins dessus escriptes de manifester les drois du roy contre les paroles mençongières des Anglois et non y ajouster foi, et aussi de donner le conseil sur escript. Et aussi luy toucha assez brief les grâces et bonnes fortunes que Nostre-Seigneur luy avoit données en sa guerre, pour ce que il pensa que ledit empereur en seroit bien lie ; et toutes ces choses et pluseurs autres touchans ces matières, qui trop longues seroient à escripre, dist le roy si sagement et ordenéement , que tous furent merveilliés de si belle mémoire et bonne manière de parler. De quoy l'empereur et tous ceux qui le sceurent entendre monstrèrent semblant de en avoir très grant plaisir ; et en brief ves paroles l'empereur dist en alemant à ses gens qui présens estoient et qui n'entendoient pas françois, ce que le roy luy avoit dit, et leur exposa les lettres que sur ce avoit oï lire ; et fist response au roy telle comme il s'ensuit : c'est assavoir qu'il dist que très-bien avoit entendu ce que le roy avoit dit très sagement , et veu et bien cogneu tant par ses lettres comme autrement, sa bonne querelle et justice, et que partout le manifesteroit et feroit savoir ; et que se les Anglois se esforçoient en Alemaigne de publier le contraire comme autrefois avoient fait, il deffendroit et soustendroit le droit du roy , si comme il avoit veu et bien cogneu ; et mesraement qu'il savoit bien que le roy d'Angleterre avoit fait l'omage lige au roy de France à Amiens , car il avoit esté présent quant il le fist. Et quant au conseil donner , dist TOM. vi. 34

que considéré le bon droit du roy et le grant tort de ses ennemis, l'avantage qu'il avoit en la guerre sur eulx et les aliés du roy que il nomma les roys de Castelle, de Portugal et d'Escoce , il ne luy eust donné conseil né encore ne donnoit de tant offrir à ses ennemis. Et luy sembloit que trop en avoit fait, se pour l'amour de Dieu seulement ne l'avoit fait ; mesmement qu'il savoit bien la coustume des Anglois estre tele, que quant il se véoient ou voient à leur dessoubs, il requièrent et veulent avoir volentiers paix ; mais se il voient après leur avantage, il ne la tiennent point, comme maintes fois a-l'en veu que ainsi l'ont fait au royaume de France. Et dont se parti le roy de luy, et s'en tourna à sa chambre.

LXVïI.

Cornent V empereur fi si rassembler le conseil du roy et ses gens pour oïr Vendemain les offres que il vouloit faire au roy en leur présence.

Le samedi ensuivant, qui fu le neuviesme jour dudit mois , se advisa l'empereur que à la response qu'il avoit faite au roy ne s'estoit pas assez offert au conseil qu'il lui avoit donné. Si fist savoir au roy que après disner féist assembler ceux de son conseil qui par avant y avoient esté, et pareillement feroit savoir à ceux de son conseil que il y feussent, et ainsi fu fait. Et en la manière du jour précédent furent, et encore y ot plus de gens que au vendredi devant n'avoit eu, et commença l'empereur à dire si haut que tous le povoient bien oïr qu'il se vouloit excuser de ce que plus largement n'avoit offert au roy à la response qu'il lui avoit faite ; si vouloit que tous scéussent et que à tous fust révélé et magnifesté par tout que luy et son fils le roy des Romains que pour celle cause il avoit amené avecques

luy, tous ses autres eufaus , ses aliés, subgiés et bicnvueillans il vouloit et ofFroit au roy estre tous siens , contre toutes personnes, à soutenir et garder son bien et honneur Je son royaume et de ses enfans et de ses frères ; et luy bailla un rolle où estoient desclarés et nommés ses aliés desquels il se faisoit fort ; de quoy le roy le mercia moult gracieusement. Et ainsi se départirent.

Cornent l'empereur ala trouver la roy ne en Vos tel de Saint-

Pol.

Le dimenche ensuivant, qui fu le dixiesme jour du moys de janvier, se partirent l'empereur et le roy ensemble, après ce que l'empereur ot disné , et fu apporté l'empereur jusques sur Feaue au quay endroit le Louvre, où estoit le batel dont dessus est faite mencion; et en iceluy vindrent contremont la rivière l'empereur , le roy el le roy des Romains par dessoubs le grant pont droit à Saint-Pol ; auquel bostel de Saint-Pol estoit la royne et les enfans du roy. Et quant il furent audit hostel jusques au milieu de la court , le daulphin , ainsné fds du roy et monseigneur Loys , comte de Valois , enfans du roy , se agenouillèrent contre le roy et après alèrent saluer l'empereur en sa chaière où on le portoit et les baisa et osta son chapeau. Et puis furent portés devant nos dis seigneurs , et le roy et le roy des Romains alèrent devant à la grant chambre, et montèrent par la vis : et l'empereur fu aporté après en sa chaière, et quant il fu en haut, il voult aler veoir la royne ; et ensemble y alèrent l'empereur, le roy et le roy des Romains ; et y avoit grant foule et grant presse de seigneurs, chevaliers et gens d'estat, et tellement que à paines povoit-on passer aux huis. Toutes-

voies , vindrent ens jusques à la vieille chambre de la royne , laquelle est près et encoste de la sale où est l'ystoire de Theseus. Et là estoit la royne au devant du roy et de l'empereur , laquelle avoit un très-riche cercle sur sa teste, et estoit notablement acompaigniée de grans dames , telles comme il s'ensuit : premièrement y estoit la contesse d'Artois ; la duchesse d'Orléans, fille du roy de France ; la duchesse de Bourbon, mère de la royne ; la nièce du roy, fille de son frère le duc de Berri ; la fille du seigneur de Coucy, la dame de Préaux, et pluseurs autres contesses et dames, femmes de grans seigneurs et de banerés et d'autres dames et dainoiselles en très-grant quantité qui trop longue seroit à escripre. Et quant l'empereur vit la royne, il se fist mettre jus de sa chaière , et osta son chaperon ; et la royne le salua et baisa , et puis fu aporté plus avant en ladite chambre devant le lit, et la royne estoit encoste luy et le roy devant qui tenoit le roy des Romains que la royne salua et baisa aussi ; et l'empereur et le roy des Romains baisièrent toutes les dames qui estoient léans du lignage de France. Et lors demanda moult de fois l'empereur la duchesse de Bourbon, mère de la royne, laquelle estoit à un des bous de ladite chambre, hors de la presse ; et fu amenée à l'empereur. Et quant il furent près l'un de l'autre, l'empereur commença si fort à plourer et ladite duchesse aussi que c'estoit piteuse chose à regarder; et les causes si estoient pour la mémoire qu'il avoit eu de ce que la seur de ladite duchesse avoit esté sa première femme, et aussi que ladite duchesse avoit esté compaigne et nourrie avec la duchesse de Normendie , seur de l'empereur et mère du roy : et onques en celle place ne porent parler ensemble ; mais pria l'empereur que après disner il la peust veoir et parler à elle plus secrètement, et ainsi fu fait. De là, partirent l'empereur, le roy et le roy des Romains et prist congié de la

royne, et fu aporté ledit empereur en la chambre du daulphin de Viennois, ainsné fils du roy, laquelle chambre estoit richement appareilliée pour lui , et aussi estoit tout l'hostel comme dessus est dit ; et le roy ala disner en la sale dudit hostel nommée la sale de Sens, et y mena le roy des Romains et toutes les gens de l'empereur, avec grant foison de chevaliers tant qu'ilen y povoit. Et endementres que Ton disna , l'empereur s'estoit fait mettre dormir , et après le disner du roy, et vin et espices données, le roy se retraist en sa chambre, et fist retraire le roy des Romains en la chambre de monseigneur Loys, son fils, conte de Valois ; lequel roy des Romains voult aler veoir les lyons, et en sa compaignie y furent les frères du roy : et quant l'empereur fu esveillié, la devant dite duchesse de Bourbon fu menée devers l'empereur , et parlèrent longuement ensemble. Et assez tost après le roy y envoia la royne par les Galetas , et ses enfans le daulphin de Viennois et le comte de Valois, de quoy l'empereur fu moult lie , et fula royne longuement assise encoste luy , et parlèrent moult longuement ensemble. Et luy donna la royne un beau reliquaire d'or , grant et notable, garni du fust de la vraie croix et trèsrichement garni de pierrerie ; et le daulphin luy donna deux très-beaux brachés (1), à bêles laisses et coliers de soie ferrés à fleurs de lis d'or ; desquelles choses l'empereur fist moult grant semblant de joie, et y prist très grant plaisir, et en mercia la royne et ledit daulphin. Et pour ce qu'il estoit sus le vespre et que l'empereur et le roy dévoient aler au bois de Vincennes , le roy vint en la chambre de l'empereur pour le faire partir, pour ce qu'il estoit ordené que il dévoient aler ensemble ; et lors prist congié la royne de l'empereur et lesdis enfans du roy, et se retrairent en la

(i) Brachés, Lévriers.

chambre d'emprès. Et lors vint le roy des Romains devers laroyne, et prist congié d'elle, et elleluy donna un très bel et riche fermail d'or , garni de pierrerie. Et tantost se partirent et alèrent devant monter à cheval le roy et le roy des Romains , et l'en monta l'empereur en la litière de la roy ne, et ainsi s'en alèrent tout droit au bois. Et quant il arrivèrent au bois , pour ce qu'il estoit tart, vindrent grant foison de torches au devant d'eux ; et fist le roy porter et logier l'empereur en sa belle tour , en la chambre où il meismes gist ; et se logeale roy en la chambre qui se nomme la chambre aux dains qui est es braies; et fist logier son fils le roy des Romains en la chambre de son ainsné fils le daulphin de Viennois, et soupa le roy en la sale luy et ses gens ; car pou y a voit d'estranges , pour ce que chascun s'estoit retrait à Paris.

Cornent l'empereur autour de la chambre où il estoit pour veoir le cir cuite du chastel du bois de V incarnes se fist porter , et des Heures que le roy luy donna.

Le lundi ensuivant , qui fu le onziesme jour de janvier , se fist porter ledit empereur tout autour de la chambre dessus dite, pour veoir par les fenestres le circuite du chastel , pour ce qu'il n'y povoit aler. Et le roy envoia son fils le roy des Romains au parc, acompaignié de ses frères dessus dis, pour chacier aux dains et comme pour y prendre leur esbatement. Celle matinée ne vit point le roy l'empereur , pour ce que à matin avait oï sa messe et disné, et vouloit dormir avant que le roy eust oies ses messes; si comme il a de coustume et de ordenancc. Mais après disner l'ala veoir, car ledit empereur avoit jà dormi ; si furent grant pièce ensemble en bonnes paroles et esbatemens, et pria Tempe-

reur au roy qu'il luy voulsist donner une de ses Heures (1 ), et il y prieroit Dieu pour luy; et le roy luy en envoia deux, une grant et une petite , et luy manda que il préist lesquelles qu'il vouldroit ou toutes deux s'il luy plaisoit : lequel les receut toutes deux et en mercia le roy.

Cornent V empereur fis t promettre au roy des Romains , sonjils, par la foy du corps bailliée en la main du roy de France , que il ameroil et serviroit devant tous les princes du monde ledit roy de Finance et ses enfans , et puis ala au plus haut de la tour, pourveoir les étages d'icelle.

Endementres que le roy estoit avec l'empereur en sa chambre, le roy des Homains vint : et sitost que l'empereur le vit, il l'apela et le prist par la main, et luy fist promettre par sa foy en la main du roy que il l'ameroit et serviroit tant comme il vivroit, devant tous les princes du inonde , et les enfans du roy aussi : de quoy le roy le mercia et sot bon gré. Et puis retourna le roy en sa chambre; et celuy jour fist monstrer au roy des Romains et aux autres princes et chevaliers, la tour, les estages, garnisons et abillemens d'icelle, et furent jusques au haut; lesquels la tenoient à la plus belle et merveilleuse chose que onquesmés eussent veue. Etot ledit roy des Romains des arbalestes du roy. Et celle journée, n'y ot plus chose qui fasse à escrire,

(I) Heures. Livres d'heures,

Cornent l'empereur se parti du bois de Kincennes pour aler a Saint-Mor , et des présens que l'abbé du lieu luy fi st.

Le mardi ensuivant , douziesme jour de janvier , se parti l'empereur bien matin du bois , et estoit en la litière du daulphin. Et alaen son pèlerinage à Saint-Mor-cles-Fossés, et ne voult que les frères du roy y alassent avecques luy, et aussi n'y ala pas le roy pour ce qu'il avoit à besoignier. De la manière cornent il fu receu à Saint-Mor vous dirons :

Le roy manda et commanda à l'abbé que il le receussent à procession, à l'entrée de leur moustier, comme pèlerin : et ainsi le firent. Et est assavoir que ledit empereur y oï messe à note que l'abbé chanta, et ofïri cent frans. Et les présens que l'abbé luy fist qui estoient de poissons , de buefs , de moutons , de vin , de pain et autres choses , laissa au couvent de léans. Et après la messe ala disner l'empereur en une chambre de ladite église , laquelle le roy luy avoit bien fait tendre et parer , et aussi une sale encoste. Et tous jours depuis son entrée de Paris fu et a esté aux despens du roy et servi en toutes choses des gens et officiers du roy de toutes offices. Après ce qu'il ot disné et dormi, il fu mis en sa litière et aporté à Beauté-sur-Marne où le roy Favoit attendu ; mais pour ce que le roy vit qu'il demouroit trop et estoit tart, il s'en retourna au bois. Et audit hostel de Beauté fu l'empereur très bien logié, et tout l'hostel très richement paré et servi , comme dit est , très habondamment et à ses heures et plaisirs , tellement que audit hostel il amenda de sa maladie notablement et se mist à aler et visita tout l'hostel haut et bas , à pou de aide , et disoit à ceux qui avec luy estoient, que onques mes en sa vie

n'avoit veue plus belle place né plus délitable lieu que il avoit léans. Et chascun jour après disner^ s'en aloit le roy veoir une fois et estaient grant pièce ensemble, et aucune fois se mettoient ensemble en une chambre tous seuls , où il parloient de leur besoigne secrètement. Et tousjours s'en aloit le roy soupper et gésir au bois et y disner aussi , et ainsi se continua jusques au département de l'empereur, qui fu le samedi , seiziesme jour dudit mois de janvier. Et le jeudi devant , quatorziesme jour dudit mois , fist faire le roy les dons à l'empereur et à ses gens , ainsi qu'il ensuit : et pour ce que l'empereur s'estoit démente par pluseurs fois de veoir la couronne que le roy a faite faire, qu'il avoit oï dire qui estoit très belle et riche , le roy la luy envoia , pour veoir, à Beauté, et luy porta Giles Malet et Hennequin, son orfèvre; lequel la vist très-volentiers , et la tint et regarda moult longuement par tout en y prenant grant plaisir. Et quant il l'ot regardée à sa volenté , il dist que on la reméist en sauf et que, somme toute , il n'avoit onques veu tant de si noble né si riche pierrerie ensemble. Et le mercredi devant , qui estoit le treiziesme jour de janvier, avoit fait savoir le roy à l'empereur, que le jeudi dessus dit, féist venir ses gens à Beauté. Et senti bien secrètement l'empereur par le seigneur de La Rivière et ledit Giles Malet que c'estoit pour leur faire dons , combien que l'empereur s'excusast fort, en disant qu'il ne vouloit pas que le roy luy clonnast rien né à ses gens. Toutesvoies , pour acomplir la volenté du roy , les manda querre audit jour. Si envoia le roy celuy jeudi après disner ses frères, les ducs de Berri et de Bourgoigne et le duc de Bourbon, le seigneur de la Rivière et autres, ses chambellans et variés de chambre , qui portèrent les joyaux qui furent de par le roy donnés et présentés à l'empereur et à son fils et à leurs gens ; et firent les présens de par le roy à l'empereur, en sa chambre, lesdis

ducs, et aussi le firent à sondit fils , en la présence de l'empereur, et furent les dons de l'empereur, tels comme il s'ensuit après.

Des riches dons que le roy de France donna à l'empereur et à son fils et fi si présenter.

En présentant les choses ci devisées , dist ledit duc de Berri à l'empereur que le roy le saluoit et luy envoioit de ses joyaux, tels que on savoitfaireà Paris (1). C'est assavoir : une coupe d'or de grant pris, garnie de pierrerie au pié et au couvercle , et estoit toute très finement esmailliée de l'espère du ciel où estoit figuré le zodiaque , les signes , les planètes et estoilles fixes et leur images. Et aussi luy présenta deux grans flacons d'or très noblement ouvrés, où estoient figurés en images enlevés (2), comment saint Jacques monstroit à saint Charlemaine le chemin en Espaigne par révélacion ; et la façon d'un chascun desdis flacons estoit en manière de coquille. Si luy dist ledit duc de Berri que pour ce qu'il estoit pèlerin luy envoioit le roy des coquilles ; et encore luy présenta un très bel grant hanap d'or , assis sur un trépié garni de pierrerie , et aussi un gobelet et aiguière d'or garni aussi de pierrerie, esmaillié très noblement.

Item , luy présenta deux pos d'or , ouvrés à testes de lyons. Et à son fils furent présentés un grant gobelet d'or et aiguière de mesmes , deux grans pos d'or, où estoient os fretelés (3), saphirs et perles ; et oultre ce, luy fu présenté une très riche sainture d'or, tout au lonc garnie très richement

(1) Ces derniers mots sont principalement curieux.

(2) Enlevés. Variante de Christine de Pisan, msc. 211, Suppl. franc., eslevés. Je préfère la leçon de Charles V; enlevés pour relevés , ou en relief.

(3) Fretelés. Dentelés, découpés.

de pierrerie, laquelle valoit bien de six à huit mil francs d'or , de quoy l'empereur mercia grandement le roy , et aussi fist son fds. Et après vint l'empereur en Talée devant sa chambre, où tous ses princes, evesque , chancellier, chevaliers et autres gens qui estoient venus avecques estaient, et vit les dons que on leur fesoit et y estoit présent , lesquels furent grans et honorables, comme plus à plain peut apparoir en un rolle sur ce fait, auquel il sont plainement et particulièrement déclairiés; mais l'en s'en passe ci endroit pour cause de briefté (1). Et bien sembla à tous et ainsi luy monstrèrent que il se tenoient grandement satisfais et contens du roy.

Cornent l'empereur , au retour de SainUMor à Beauté, mercia le roy des riches présens qu'il avoit erwoiés à luy et à son fils le roy des Romains et à leur gens.

Le vendredi ensuivant , quinziesme jour dudit mois de janvier qui estoit le jour de la feste Saint-Mor, ala l'empereur à Saint-Mor en pèlerinage , et chanta l'evesque de Paris, Pontificalibus , la messe devant luy. Et combien que son disner feust prest de par le roy en ladite abbaye pour luy, voult-il revenir disner à Beauté. Et après disner, le roy vint le veoir , et moult fort mercia le roy des dons qu'il

(1) « &près ensuivant, à tous les princes fu présenté vaisselle d'or et » d'argent si largement et à si très grant quantité que tous s'esmerveil- » loient. Et tant qu'il n'y ot si petit officier de quelque estât qu'il fus- » sent qui de par le roy ne receussent présent, mais quoy et quels, se » passe la cronique pour cause de briefté. » (Christine de Pisan, les faiiv du roy Charles V, 3e partie, chap. xlv.) On voit clairement par là que le seul guide de Christine est, dans tout le récit du voyage de l'empereur, les Chroniques de Saint-Denis, qu'elle a copié mot à mot quand elle ne l'a pas très abrégé. L'on a donc eu tort de louer Christine d'une exactitude dont elle auroit dû pour le moins avouer plus nettement la source.

avoit fais à luy et à son fils, le roy des Romains et à ses gens, en lny disant que trop en avoit fait. Et après ce, l'empereur et le roy se retraisrent en une garde-robe, emprès sa chambre, et firent tout widier et parlèrent longuement ensemble jusques bien sus le tart. Et lors se parti le roy, et l'empereur le convoia jusques au dehors de ladite chambre et s'en vint au giste au bois. Le samedi, seiziesme jour de janvier, disna le roy plus matin qu'il n'avoit acoustumé , et l'empereur encore plus matin, et après dormi l'empereur. Et le roy se parti de son chastel du bois, acompaignié de grant foison de seigneurs prélas et chevaliers pour convoier l'empereur , car ainsi le voult-il faire : et vint si à point à l'hostel de Beauté-sur-Marne , que l'empereur estoit levé et prest de partir et soy mettre à chemin.

Des aneaux que le roy et V empereur s' entredonnèrent, et cornent l'empereur et le roy pris trent congié [un de l'autre amiablement et piteusement, et de ceux qui coiwoièrent ledit empereur.

Quant le roy fu en la chambre dudit empereur qui l'attendoit , l'empereur vint à luy et prist en son doigt et luy donna un anel où il avoit un ruby , et un autre anel où il avoit un diamant , et les donna au roy par belles paroles en très grant amistié. Et le roy tantost prist un très riche diamant gros qu'il avoit en son doigt , et le donna par pareille manière à l'empereur. Et là devant tous s'entreacolèrent et baisièrent et se partirent tantost et vindrent ensemble en la court , le roy pour monter à cheval, et l'empereur dans sa litière, laquelle le roy luy avoit donnée atelée de trois très beaux mules, et ainsi alla l'empereur, et chevaucha le roy encoste luy et grant multitude de gens hors

dudit hostel aux champs , jusques près l'hostel de Plaisance (1) : et avecques le roy et en sa compaignie estoient les princes dessus dis, excepté le duc de Bar qui le jour devant estoit parti par le congié du roy ; et les prélas tous ceux qui par avant y avoient esté , et d'abondant l'arc evesque de Ravenne y estoit qui de nouvel y estoit venu. Le prévost de Paris , le Chevalier du guet , le prévost des marchans et les échevins et les gens de la ville estoient devant aux champs qui estoient venus pour convoier l'empereur; et chevauchièrent devant, et assez près de la maison de Plaisance pristrent l'empereur et le roy congié d'ensemble. Et plus tost s'en fu retourné le roy se il eust voulu croire l'empereur qui souvent luy disoit et fesoit dire que il s'en retournast ; et au prendre congié l'empereur et le roy plourèrent si que les gens l'apercevoient bien , et à grant paine porent parler ensemble , mais il s'entrepristrent par les mains et ainsi se départirent. Et le roy s'en retourna au bois, et les ducs de Berri, de Bourgoigne et de Bourbon se en alèrent avec l'empereur , et le roy des Romains retourna et convoia une pièce le roy, et puis prist congié de luy, et aussi firent les princes et ducs qui en la compaignie de l'empereur estoient venus. Avec l'empereur alèrent lesdis frères du roy et le menèrent à Laigny-sur-Marne, où il ala au giste ; et l'endemain aussi alèrent avec luy à Meaux , et aux deux villes dessus dites fu honorablement receu et fait présens, comme es autres villes dessus escriptesluy fu fait à son venir. Et celuy dimenche, dix-septiesme jour dudit mois, qu'il fu à Meaux, se parti de l'hostel de l'evesque où il estoit logié et vint au marchié de Meaux soupper luy et son fils et de ses princes, avecques les ducs de Berri et de Bourgoigne, frères du roy , en leur hostel, où il fu grand e-

(1) Plaisance, Tout près de Vincennes.

ment, prestement et honorablement receu et servi, luy et toutes ses gens, combien que pou d'espace eussent eu les frères du roy à savoir sa venue.

Cornent V empereur se partist de Meaux , et pristrent de luy congié les frères du roy qui l 'avaient convoie eux et pluscurs autres seigneurs.

Le lundi ensuivant, se parti de Meaux ledit empereur et son fils le roy des Romains, et les convoièrent lesdis frères du roy bien une lieue au-delà de la ville ; et pristrent congié de luy et s'en revindrent devers le roy. Et n'est pas à oublier que l'empereur de son propre mouvement , en la faveur du roy et de son fils ainsné le daulphin , orclena et fist son lieutenant et vicaire-général au royaume d'Arle ledit daulphin, et voult que ce feust à la vie dudit daulphin inrévocablement. Et sur ce fist ses lettres scellées en or en si grant et plainpovoir comme faire se peust, et corne autrefois n'a esté acoustumé. Et semblablement le fist son lieutenant et général -vicaire par unes autres lettres scellées semblablement et à pareil povoir audit daulphin, fiefs et arrière fiefs et tenement quelconques sans riens excepter ; et luy baillia et donna le chastel de Pouppet (1) sus Vienne, et une autre maison en ladite ville appellée Chavaux. Et aussi l'aagea et suppléa toutes choses qui par defiaut d'aage pov oient donner empeschement audit daulphin pour ses grâces et gouvernement obtenir. Et pour ces choses faire et autres au plaisir et proffit du roy et de ses enfans, laissa son chancel-

(I) Pouppet. Variante du msc. 9622, Pompet- sur-Vienne, c'est-à-dire sans doute au-dessus de Vienne, comme l'indique la ligne suivante. Christine de Pisan écrit Pompet en Vienne et un aullre lieu appelle Chencaulx. Il s'agit ici du fameux château de Vienne Pompeiacum, aujourd'hui Pipet.

lier à Paris, trois ou quatre jours après son département, pour en délivrer et séeller les lettres.

Les chemins que F empereur fis t en alant hors du royaume de

France.

Après s'ensuit le chemin que l'empereur tint en son retour par l'ordonnance du roy jusques hors de son royaume. Au partir de la cité de Meaux vint au giste à Gandelus , et là ot présens comme es autres villes. De là fu le mardy clixneuviesme jour de janvier à Chastel-Tierry , où le roy fist le lieu qui est sien bien appareillier et ordener pour sa venue ; et là fu gouverné par ses officiers en sales, en chambres et en toutes choses, comme en tous les autres hostels du roy a esté. Et estoient en sa compaignie, de par le roy, le seigneur de Coucy, les contes de Sarebruche et de B raine ; le seigneur de La Rivière et Jehan Lemercier, lesquels tous ou la plus grant partie racompaignèrent et conduirent jusques hors du royaume , et fu son chemin de Chastel- Thierry à Reims, de Reims à Mouson, sans les gistes d'entre deux. Etenchascuns lieux a eu présens, aussi bien es plates villes comme es cités, et partout honorablement et grandement receu et festoie , comme il fut à son venir. Et est assavoir que toute la despense que luy et ses gens ont faite à Paris en hostelleries , le roy a tout fait paier et deffraier ; etsemblablement tous les dons qui valent bien deffraiment, puis qu'il entra au royaume jusques il en a esté hors, combien que au nom des villes a esté fait, a esté tout au frais et despense du roy.

Des lettres de V empereur que son chancellier bailla au daulphin, contenans les choses dessus dites»

Alors quant le roy fu retourné à Paris, le chancellier de l'empereur aporta au daulphin qui estoit devers le roy et lui présenta les lettres scellées des grâces que l'empereur luy avoit faites , de quoy il mercia l'empereur. Et envoia après ledit chancellier en son hostel un bel hanap d'argent très bien doré pesant vingt mars , et dedens avoit mil francs d'or comptés que ledit daulphin luy donna pour la peine qu'il avoit eue de sa besoigne.

Comment la royiie de France enfanta une fille en Vostel de Saint-Pot a Paris, laquelle fu nommée Catherine.

Le jeudi quart jour de février ensuivant mil trois cens septante-sept dessus dit > la royne de France ot une fille en l'ostel du roy, emprès Saint-Pol à Paris ; et l'endemain, jour de vendredi, fu baptisée en ladite églyse de Saint-Pol, par messire Aymeri de Maignac , evesque de Paris. Et fu parrain le prieur de Sainte-Catherine du Val-des - Ecoliers de Paris , et marraine une damoiselle qui aidoit à dire les heures à ladite royne appellée damoiselle Catherine de Villiers. Et fu ce fait par dévocion que ladite royne avoit à madame Sainte-Catherine, et fu ladite fille appellée Catherine.

Du très pas se ment de madame Jehanne de Bourbon , royne de France, et de son noble appareil.

Le samedi ensuivant , sixième jour dudit mois de février, environ dix heures après midi , ladite royne trespassa de ce siècle audit hostel de Saint-Pol , dont le roy fu moult troublé et longuement ; et si furent moult d'autres bonnes personnes : car il s'entreaimoient tant comme loiaux mariés peuvent amer l'un l'autre. Si fu gardée audit hostel, pour ce que l'ordenance de son enterrement peust estre faite convenablement, jusques au dimenche quatorziesme jour ensuivant. Et cependant chascun jour à matin l'en chantoit messes audit hostel, et après disner vigiles de mors. Auquel jour de dimenche après disner , le corps fu porté notablement sur un beau lit noblement aourné et couvert de biaux draps d'or sur le blanc, et un biau poille d'or vermeil sur quatre lances que le prévost des marchans de Paris et les eschevins portoient. Et les seigneurs de parlement estoient environ le lit où le corps gisoit , et tenoient le poille qui estoit sur le lit , tout autour , si comme il est acoustumé à faire aux roys et roynes de France. Et sur le visage de ladite royne avoit un cuevre chef si délié que tout plainement on véoit le visage parmy, et avoit en sa main dextre un petit bas ton d'or ouvré par dessus en la façon d'une rose, et en l'autre main avoit un ceptre , et estoient en la compaignie tous les collèges et les ordres de Paris mendians, et tous les gens notables qui estoient lors à Paris , prélas et autres, et quatre cens torches devant, chascune de six livres. Et après le corps aloient à pié le duc de Bourbon, frère de ladite royne, et pluseurs autres du lignage du roy, tous vestus de noir.

Cornent le corps de la royne fa porté à Nostre-Dame de Paris et lendemain à Saint- Denis en France à grant honneur.

(!) Ainsi fu portée jusques à l'églyse Nostre-Dame de Paris, et là fu mis le corps au cuer d'icelle églyse , dessoubs une moult notable chapelle de bois couverte de cierges ; et autour de la nef de ladite églyse avoit quatre cent torches du pois de celles qui avoient esté portées à convoier le corps, et environ le corps avoit tousjours, tant à porter le corps comme en l'églyse, treize grosses torches que portoient treize varies de chambre du roy. Et tantost furent vespres et vigilles de mors commenciées, et fist le service en ladite églyse de Paris l'evesque de Paris ; et tous les autres prélas , tant arcevesques comme evesques et abbés , furent revestus avecques leur mitres et leur crosses , et estoient seize prélas, dont les evesques de Laon et de Beauvais tenoient cuer. Et furent toutes les leçons et vigiles dites par prélas, et là estoit présent monseigneur Phelippe d'Alençon , patriarche de Jhérusalem et arcevesque d'Aux , lequel n'estoit pas revêtu en habit pontifical , mais estoit en chappe romaine avec les autres seigneurs du lignaige du roy : et furent tant à convoier le corps que à vigiles la royne Blanche, la contesse d'Artois et la duchesse d'Orliens, et aussi la niepee du roy, fille du duc de Berry et femme de Ame de Savoie, fils du conte de Savoie, et pluseurs autres dames et demoiselles, tant de l'ostel de ladite royne trespassée que autres.

Le lundi ensuivant , quinziesme jour dudit mois envi-

(I) Le msc. de Charles V reproduil ici d'une manière intéressante ce convoi funèbre clans une grande miniature.

ron prime , fa moult solempnelleinent la messe dite en L'église de Paris par ledit evesque de Paris , présens ceux qui avoient esté à vigiles. Et tantost que la messe fu dicte, le corps fu levé et mis à chemin pour porter à Saint-Denis, par la manière qu'il avoit esté aporté en ladite églyse de Paris, accompagnié de ceux qui y avoient esté le dimenche. Et y avoit quatre cent torches nouvelles , car les autres quatre cens qui avoient esté portées à Nostre-Dame y demourèrent et tout l'autre luminaire, et aussi y ot treize grosses torches nouvelles que treize varies de chambre du roy portèrent, lesquelles quatre cent treize torches furent portées avec le corps jusques à Saint-Denis. Et après le corps alèrent tousjours à pié lesdis duc de Bourbon 7 le patriarche et autres seigneurs du lignaige du roy, et moult grant compaignie tant des officiers du roy comme d'autres. Et encontre le corps vindrent à procession l'abbé et les religieux de Saint - Denis dessoubs jusques oultre la place du Lendit. Et quant le corps fu au cuer de l'églyse de Saint- Denis une belle chapelle de bois, l'en commença le service de mors , et y furent prêtas revestus en la manière qu'il avoient esté en l'églyse de Paris , et les deux evesques de Laon et de Beauvais qui tenoient cuer, et l'arcevesque de Piains faisoit le service. Et là avoit moult grant luminaire sur ladite chapelle et environ le cuer de l'églyse , de grant quantité de cierges comme de quatre cens torches toutes nouvelles et treize grosses torches que les treize variés de chambre tenoient environ le corps; et furent auxdi tes vigiles tous les seigneurs et dames dont dessus est faicte mencion.