LXXX
Cornent le corps de la royne fu enterré à Saint-Denis et son citer aux Cor délier s de Paris.
Le mardi ensuivant, seiziesme jour dudit mois de février, fu la messe dite à Saint-Denis par Parcevesque de Rains, et fu diacre et dist l'évangile l'evesque de Noyon, et l'evesque de Lisieux fu sous-diacre et dist l'épistre. Et furent tant arcevesques comme evesques et abbés dix-neuf crosses, et après la messe dite , le corps fu enterré en une chapelle de ladite églyse de Saint-Denis qui est au costé destre du grant autel , près de la porte par laquelle l'en entre au cloistre, emprès les degrés par lesquels on monte aux corps sains, laquelle chapelle ledit roy Charles avoit fondée. Le mercredi ensuivant dix-septiesme jour dudit mois, après disner, furent vigiles dites en l'églyse des frères Meneurs, à Paris, et là furent la royne Blanche, la contesse d'Artois, la duchesse d'Orliens et pluseurs autres grans dames, et aussi les prélas qui avoient esté à Saint-Denis ; le duc de Bourbon , monseigneur Phelippe d'Alençon , patriarche de Jhérusalem , et grant foison d'autres grans seigneurs. Le jeudi au matin ensuivant fu la messe dite, et après la messe fu le cuer de la royne enterré devant le grant autel de l'églyse desdis frères Meneurs, à la destre partie
Cornent les entrailles de ladite royne furent enterrées solempnelment en V églyse des Cclestins.
Le vendredi ensuivant, après disner, furent tous les seigneurs et dames dessusdis aux Célestins de Paris, et là, en
(1378.) CHAULES V. 417
l'églyse, furent dites vigiles. Et le samedi ensuivant la messe et après la messe furent les entrailles enterrées devant le grant autel de ladite églyse ; et tant auxdis frères Meneurs quant le cuer fu enterré comme aux Gélestins , à la messe et aux vigiles ot très -grant luminaire, tant de torches comme de cierges aluinés sur chascune des chapelles de bois estant au milieu du cuer, tant de rime desdites églyses comme de l'autre , et moult beaux draps d'or sur les sépultures , tant dudit cuer comme des entrailles. Et à chascun desdis trois enterrages qui furent fais, furent donnés à toutes personnes qui y vouldrent aler, à chascune personne à chascune fois quatre deniers parisis de bonne monnoie courant lors.
