LX1I
Des lettres que le prévost des marchans envola aux bonnes villes pour les faire aller et prendre chapperons partis de meisme ceux de Paris.
En ce temps furent faites ordenances sur tous officiers. Et l'évesque de Therouenne , lors cliancellier de France, qui nouvellement estoit venu d'Angleterre , n'a voit point apporté les seaux du roy, mais les avoit laissiés en Angleterre par l'ordenance du roy et de son conseil. Lequel chancelier bien apperceut que l'en vouloit user d'autres seaux que de celuy de Chastellet duquel l'en usoit en l'absence du grant. Et aussi pour pluseurs autres causes se parti de Paris, et s'en ala en son pays d'Al vergue (2).
En ce temps , assez tost après l'occision des trois dessus nommés, le prévost des marchans et les eschevins envoièrent lettres closes par les bonnes villes du royaume, par lesquelles il leur faisoient savoir le fait qu'il avoient fait, et leur requéroient que il se voulsissent tenir en vraie union avec eux et que il voulsissent prendre de leur chapperons partis de pers et de rouge , si comme avoient fait le duc de Normendie et pluseurs autres du sanc de France, si comme es dites lettres estoit contenu. Et, en vérité, ledit monsei-
(1) Se absentèrent. Le reste du chapitre est inédit et ne se trouve tjue dans le manuscrit de Charles Y.
(2) D'Alvergne. Ce prélat recommandable étoit en effet de la maison de Montaigu en Auvergne, et se nommoit Gilles Aycelin.
gneur le duc, le roy de Navarre, le duc d'Orléans frère dudit roy de France, et le conte d'Estampes, qui tous estoient des fleurs de lis (1), portoient lesdis chapperons. Dont pluseurs ne renvoièrent oncques responses desdites lettres, et autres rescriprent sans autre aliance faire et sans prendre desdis chapperons ; et autres prisrent desdis chapperons.
LXIIÏ.
De la rcsponse que ceux qui tenoient les forteresces féivenl à ceux que le roy d'Angleterre leur envoia.
En ce temps envoia le roy d'Angleterre deux chevaliers anglois en France pour faire issir des forteresces tous ceux (2) qui aucunes en avoit prises depuis les trièves données à Bourdiaux entre le roy de France et le prince de Galles. Dont pluseurs et presque tous, tant en Chartain comme en Normendie, qui avoient prises lesdites forteresces respondirent que il n'estoient point au roy d'Angleterre , né les dites forteresces ne tenoient de par luy ; et dirent aucuns que il estoient au roy de Navarre et les autres disrent que il trouveroient bien qui les avoueroit. Et ne issirent point , mais coururent, pillèrent et robèrent le pays. Et furent aucuns de la garnison d'Esparnon, le lundi douziesme jour du moys de mars, en la ville de Chastres soubs Mont-Lehery environ ; et pillèrent tout et emmenèrent moult de prisonniers à Mont-Lehery et n'estoient pas plus de six vint ou environ : et si ne trouvèrent qui empeschement leur féist.
(1) Des fleurs de hjs. Belle et ancienne manière de désigner lesparens du roi, les princes du sang.
(2) Tous ceux. Tous ceux qui sous prétexte d'ordres émanés du roi d'Angleterre avoient pris possession de places que la conclusion des trêves cmpêchoit de croire en danger.
Et toutesvoies estoit l'accort fait entre ledit duc et le roy de Navarre, par telle manière que il estoient le plus du temps ensemble, et avoient esté par plus de huit jours ensemble par avant. Et avoit ledit duc accordé que ledit roy, en partie de paiement de ce que il devoit avoir par ledit accort, auroit la conté de Bigorre, et la jugerie de Rivière (1) et la conté de Mascon et autres terres au païs, jusques à dix mil livres mesurées de terre. Et si fu accordé à la roy ne Blanche, sœur dudit roy, que elle auroit Moret en Acquitaine de ce que l'en luy devoit pour son douaire. Item, en tout ce temps donnoit ledit roy de Navarre saufs-conduis à Paris, contenant ceste forme (2) :
Cy après s* ensuit la teneur des saufs conduis que le roy de Navarre donnoit en la ville de Paris.
« Charles, par la grâce de Dieu, roy de Navarre et conte » d'Evreux, à tous ceux qui ces lettres verront salut. Savoir » faisons que nous avons donné et donnons par la teneur » de ces présentes à nos amés et féaux chevaliers Jehan de » Neuf-Chastel et le seigneur de Raon (3), et à leur com- » paignie jusques au nombre de trente personnes à cheval, » seur et sauf conduit du jour de la date de ces présentes » jusques à la feste de Penthecouste prochaine venant, pour » aler, venir cependant, et demourer se mestier est par tous » les lieux du royaume de France. Si donnons en mande- » ment à tous capitaines, chastelains, gardes de païs, villes
(1) La Jugerie. Variante : Viguerie.
(2) Cette dernière phrase est inédite.
(3) Les meilleures leçons écrivent ainsi ce nom. Variantes ; Rouen et Craon.
» et passages et destrois dudit royaume, et à chascun d'eux ; et » prions tous autres que lesdis chevaliers et leur compagnie, » jusques au nombre dessus dit, fassent et laissent jouir et » user de nostre présent sauf conduit , sans leur faire né » souffrir estre fait aucun empeschement en corps, en che- » vaux , en liarnois né en aucuns de leur biens. Donné à » Paris le douziesme jour du moys de mars , l'an de grâce » mil trois cens cinquante-sept. » Et estoient ainsi signées : « Par le roy. P. du Tertre. » — Et obéissoit-Ten plus auxdis saufs conduis que on ne faisoit à ceux de monseigneur le duc.
Item , le mardi treiziesme jour du moys de mars l'an dessus dit, se parti de Paris ledit roy de Navarre et s'en ala à Mante, et monseigneur le duc demoura à Paris.
Cornent monseigneur le duc prist nom de régent par titre de
lettres, à très bonne cause
Le mercredi quatorziesme jour du moys de mars fu publié à Paris que monseigneur le duc qui par avant s'estoit appelle lieutenant du roy, depuis sa prise, s'appelleroit dès là en avant régent du royaume. Et fu son titre tel : Karolus primogenitus régis Francorum regnum regens , etc. Et jasoit ce que par avant l'en eust tousjours escript au nom du roy, en parlement et en toutes lettres de justice, il fu deffendu celuy jour que plus on n'y escrisist. Et fu baillié le titre tel comme dessus est dit en cédulles aux notaires et aux escrivains du palais : et f u le nom du roy tout estaint. Et ne scella-on plus du scel de chas telle t, mais du scel dudit duc en cire jaune. Et portoit le scel maistre Jehan de Dor-
mans, qui estoit chancelier dudit régent. Et furent mis au conseil dudit régent, le prévost des marchans, maistre Robert de Corbie, Charles Toussac et Jehan de Flsle, maistres et principaux, après ledit evesque de Laon qui tout gouvernent.
De la mort de Phelipot de Repenti , escuier.
Le samedi au soir, dix-septiesme jour du moys de mars, fu pris à Saint-Cloust , près de Paris , un escuier françois appelle Phelipot de Repenti (1), et fu amené à Paris. Et le lundi matin ensuivant , dix-neuviesme jour dudit moys sus dit , ledit Phelippot eut la teste couppée es halles de Paris, et puis fu pendu au gibet; pour ce qu'il confessa que il estoit de la compaignie de pluseurs qui avoient empris de prendre ledit duc de Normendie , régent du royaume, à Saint-Oyen, en l'ostel de la Noble maison, là où il estoit aie trois jours ou quatre devant, Mais pluseurs disoient que ce n'estoit point pour mal , mais estoit pour le mettre hors de la puissance et des mains de ceux de Paris (2). Et assez tost après, un chevalier appelle le Bègue de Villaines qui moult estoit ami dudit monseigneur Robert de Clermont qui avoit esté tué à Paris, se rendit ennemi de ceux de ladite ville de Paris.
(1) Repenti, Villaret ajoute : ou de Renli; je ne sais sur quel fondement.
(2) Ce témoignage justifie complètement la loyauté du malheureux Philippe de Repenti,
Cornent le régent ala à Sentis et à Compiègne.
Le jour de Pasques fleuries , vint-cinquiesme jour du moys de mars, ledit régent fu à Senlis, là où luy et le roy de Navarre a voient mandé par leur lettres tous les nobles de Picardie et de Beauvoisin. Mais ledit roy n'y ala point, et s'envoia excuser par monseigneur Jehan de Piquegny pour causes de deux bosses que il a voit es aines, si comme le dit monseigneur Jehan disoit. Mais à ladite journée ala pou desdis nobles.
Si se parti ledit régent et s'en ala à Compiègne. Et environ Pasques les grans, qui furent le premier jour d'avril, l'an mil trois cens cinquante-huit, le confesseur du roy de France et un sien secrétaire appelle maistre Yvon vindrent de Angleterre par devers ledit régent, mais la cause ne fu pas sceue communelment.
Item , le jeudi absolu , furent les ennemis à Corbueil et y pillèrent et prisrent des prisonniers, et s'en partirent tantost.
Cornent le conte de Brene (1) respondi au régent pour ceux de Champaignc. Et content le chaslel de Monsterel-au-forla" Yonne fu rendu audit régent lequel y jut une nuit et de là se parti et ala en la cité de Meaux.
L'an de grâce mil trois cens cinquante huit, le lundi après Quasimodo, neuviesme jour du moys d'avril, ledit régent qui avoit mandé par ses lettres les gens d'églyse, les nobles
(1) Brene. Brienne.
et les bonnes villes de Champaigne pour estre à Provins ledit jour de Quasimodo, entra en ladite ville de Provins, Et jasoit ce que le roy de Navarre eust escript par ses lettres closes aux dessusdis de Champaigne , que il seroit à la journée, toutesvoies n'y fu-il point; mais maistre Robert de Gorbie et monseigneur Pierre de Rosny, archidiacre de Brie en l'églyse de Paris, envoies là de par la ville de Paris, furent à ladite journée.
Le mardi ensuivant dixiesme jour dudit moys , avant disner , ledit régent parla en sa personne aux dessusdis de Champaigne, et leur dit que le royaume de France estoit à très grant meschief, et avoit moult à faire , si comme il savoient. Si leur pria et requist que il y méissent tout le bon remède que il pourroient, tant par conseil comme par aide, et aussi leur pria que il fussent tout un Car se division estoit au peuple de France, il estoit en grant péril, si comme il disoit. Et outre leur dist que se aucunes choses avoient esté faites qui semblassent estre moult merveilleuses (1), que, par aventure, quant il auroient oï ceux qui lesdites choses avoient faictes , il en seroient apaisiés. Et ce leur disoit ledit régent, si comme l'en cuidoit, pour ceux qui avoient esté tués à Paris. Car après ce que il ot dites
(1) Merveilleuses. Cet adjectif avoit autrefois l'acception de sinistre, inconvenant, insolite. Il n'étoit pas, comme aujourd'hui, synonyme de miraculeux et sembloit plutôt venir de maie volens. Dans Garin le Loherain, Fromont refusant d'aller à la rencontre des Sarrasins :
« Et respont Bègues : — Merveilles avés dit. »
Plus loin, Bègues cherchant à prouver que les Sarrasins s'enfuiront à l'approche des chrétiens, Fromont répond :
« Voir, » dist Fromont. « Merveilles avés dit. » Volez ocire la gent au roy Pépin. »
Il y a cinquante exemples qui confirment ceux-ci.
(1358.) JEHAN-LE-BON. ÏOl
les parolles dessusdites , il dist telles parolles : « Véez-cy » maistre Robert de Corbie et l'archediacre de Paris qui » vous diront aucunes choses de par les bonnes gens de » Paris. »
Et lors ledit maistre Robert parla et dist à ceux de Champaigne qui là estoient que ceux de Paris les amoient et avoient amés, et vouloient estre tout un avec eux. Et prioient auxdessusdis de Champaigne que il voulsissent estre tout un avec ceux de Paris, et ne se voulsissent merveillier se aucunes choses avoient esté faictes à Paris ; car quant il sauroient les causes , et auroient oï ceux qui ces choses avoient conseilliées r il en seroient tous apaisiés, si comme disoit ledit maistre Robert, et pluseurs autres choses.
Si requisrent les dessusdis de Champaigne audit régent que il voulsist que il peussent parler ensemble; laquele chose il leur octroia. Si se traisrent à part et parlèrent ensemble. Et assez tost firent savoir au régent que il estoient près de luy faire response. Si ala ledit régent, le duc d'Orléans son oncle, le conte d'Estampes et pluseurs autres en un jardin, là où les dessusdis de Champaigne estoient ; et là monseigneur Simon de Roucy conte de Brene en Laonnois, respondi pour les Champenois et dist audit régent que il estoient près de luy conseillier de luy aidier et faire tout ce, pour luy, que bons et loyaux subgiès doivent faire pour seigneur. Mais pour ce que les plus grans et plus puissans de Champaigne n'estoient pas là , si comme disoit ledit conte, il requist audit régent que il leurdonnast une autre journée pour eux assembler à Vertus en Champaigne ; et bien luy dist ledit conte que lesdis Champenois ne iroient plus à Paris. Laquelle requeste le régent leur ottroia : et f u ladite journée assignée au dimenche vint-nue viesme jour du moys d'avril. Et après dist ledit conte que audit maistre Robert de Corbie ne respondioient-il point, car à luy n'a^
voient-il que respondre. Et si demanda ledit conte audit régent de par les Champenois se il savoit aucun mal au mareschal de Champaigne qui avoit esté tué à Paris, né villenie aucune pour laquelle on le deust avoir mis à mort ? Et bien dit le conte que de monseigneur Robert de Clermont ne demandoit - il rien , car il s'en attendoit ( 1 ) à ceux de son pays , et bien créoit que il en feroient leur devoir. Lequel régent leur respondi que il tenoit et créoit fermement que ledit mareschal de Champaigne et ledit messire Robert de Clermont l'avoient servi et conseillié bien et loyaument, et n'avoit oncques sceu le contraire. Et lors ledit conte de Brene dist audit régent : « Monseigneur, » Nous Champenois qui cy sommes vous mercions de ce que » vous nous avez dit ; et nous attendons que vous fassiez » bonne justice de ceux qui nostre ami ont mis à mort sans » cause. » Et ce fait et dit, ledit régent ala disner et tous les Champenois qui vouldrent aler avec ly, car il en avoient esté tous semons.
Et le mercredi ensuivant, onziesme jour dudit moys d'avril , ledit régent se parti de Provins et s'en ala en Vabbaye de Pruilly (2), et de là à Monsterel-au-fortd' Yonne. Et ala devant le chas tel lequel gardoit, de par la royne Blanche, un chevalier appelle monseigneur Taupin du Plessie, lequel Taupin estoit sur la porte dudit chastel tout armé, la teste au bacinet, quant ledit régent ala devant. Et lors, ledit régent luy commanda que il ouvrist la porte •du chastel. Lequel Taupin ly respondi : « Mon redoubté » seigneur, pour Dieu ne me veuilliez déshonnourer : ma- » dame la royne Blanche m'a baillié ce chastel à garder ? » et m'a fait jurer que je ne le rendroie à personne du
(1) il s'en allendoit. Il s'en rapportent.
(2) Pruilly. La cinquième fille de Citeaux. Entre Provins et Monlereau- Faiilt-Yonne, comme on écrit aujourd'hui.
» monde, fors au roy (l)et à elle. Je vous supplie que il vous » plaise à envoi er par devers elle , et je cuide qu'elle me » mandera tantost que je le vous rende. »
Auquel Taupin ledit régent commanda de rechief deux fois ou trois que il luy ouvrist ledit chastel. Et lors ledit Taupin luy respondit : « Mon redoubté seigneur, je ne ten- » dray pas ce chastel contre vous ; mais pour Dieu vueilliez- » moi garder mon honneur. » Si descendi à la porte et l'ouvri; et ledit régent et ses gens y entrèrent, et y coucha une nuit et le prist en sa main , et establi à le garder de par ly ledit Taupin , et li fist faire serement nouvel. Et se parti dudit chastel et s'en ala à Meaux , là où demouroit lors madame la duchesse, sa femme, et là où il avoit envoie de Provins le conte de Joiguy et environ soixante hommes d'armes en sa compaignie, pour ce que l'en ly avoit dit que ceux de Paris avoient entencion de prendre et garnir de par eulx le marchié de Meaux. Et y estoit entré ledit conte deux jours devant. Dont le maire et aucuns de ladite ville furent moult courrouciés , et en parla ledit maire moult haultement audit conte de Joigny, qui s'estoit mis audit marchié et le tenoit. Et luy dist ledit maire que se il cuidast qu'il voulsist avoir pris ledit marchié que il ne feust pas entré en ladite ville de Meaux. Et quant ledit régent fu en ladite ville de Meaux , ledit conte luy dist ce que ledit maire luy avoit dit. Lequel maire fu mandé devant ledit régent, et luy furent récitées les parolles que il avoit dictes, et les luy fist-1'en amender, et fu réservée la tauxation et l'amende.
(1) Au roy. Sans doute celui de Navarre.
LXÏX;
De V artillerie que ceux de Paris pristreni au Louvre, et la firent porter en Vos tel de la ville.
Le mercredi, dix-huitiesme jour dudit moys d'avril, se parti ledit régent de la ville de Meaux pour aller à Compiegne à une journée (1) qu'il a voit mise aux Vermendisiens qui y devoient^estre. Et luy apporta-on , celuy jour, nouvelles que ceux de Paris avoient pris grant quantité d'artillerie que on avoit mis au Louvre et chargiée , pour mener en certains lieux où ledit régent avoit ordené que fust menée; et l'avoient ceux de Paris fait mener en la maison de la ville, en Grève. Et si avoient encore les dessusdis de Paris envoie audit régent unes bien merveilleuses lettres closes. Et un pou avant, il avoient mis gens d'armes de par eux audit chastel du Louvre. Et en ce temps et par avant, depuis que ledit régent s'estoit parti de Paris repairoient pou ou nuls gentils hommes en ladite ville de Paris, dont ceux de ladite ville estoient moult dolens. Et tenoient pluseurs que les gentils hommes leur vouloient mal (2). Et fu une grande division au royaume de France. Car pluseurs villes , et la plus grant partie, se tenoient devers le régent leur droit seigneur ; et autres se tenoient devers Paris.
(1) Une journée. Un ajournement, rendez-vous.
(2) Ce fut Y émigration du temps. Dans les jours de déchaînement populaire , il faut ou se joindre à la bête féroce, ou se préparer un abri contre elle; et dans cette alternative, il n'y a guère à recueillir que des regrets ou de la honte.
(1358.) JEHÀN-LE-BON. 105
Du descort de ceux d! Amiens les uns contre les autres , et cornent les ennemis qui tenoient Esparnon pillièrent Chasliau- Landon.
Le jeudi ensuivant, dix-neuviesme jour du moys d'avril, ledit régent fu à Compiegne , et y demoura une pièce. Et là luy furent aportées nouvelles que en la ville d'Amiens avoit très grant descort entre ceux de la ville. Si s'esmeut pour y aler, et ala jusques à Corbie. Là oi nouvelles pour lesquelles il n'ala point oultre.
En celuy jour furent les ennemis qui demouroient à Esparnon, à Chastiau-Landon et rendemain à Chésoy (1). Et y pillièrent et pristrent prisonniers tant que l'en disoit que il y avoientbien gaingnié cinquante mil moutons d'or et plus. Et s'en retournèrent sans aucun empeschement à Esparnon, à tout leur pillerie et leur prisons.
Incidence, Le lundy jour de saint Georges, vingt-troisiesme jour dudit moys d'avril, fist le roy d'Angleterre une moult solemnel feste à Windesores, là où le roy de France estoit en prison ; et y alèrent pluseurs grans seigneurs d'Alemaigne, de Henault et de Breban.
(1) Chesoy. Sans doute Cheroy, entre Sens et Château-Landon.
De Vordcnance qui fit faite en Champaigne sur le fait des aides
pour la guerre.
Le dimenche vint-neuviesme jour du moys d'avril, furent les Champenois assamblés à Vertus. Mais ledit régent n'y fu pas, car il estoit encore au voyage que il avoit fait vers Amiens. Et pour ce y envoia monseigneur Symon de Roucy, conte de Brene , lequel fist autelles requestes aux Champenois, de par ledit régent, comme ledit régent leur avoit fait à Provins. Si furent ensamble par deux jours et furent d'accort que il feroient , es bonnes villes de soixante-dix feus, un homme d'armes : et au plat pays, personnes franches de cent feus , un homme d'armes : et de personnes serves et de fors mariages et de mortes mains de deux cens feus, un homme d'armes. Les gens d'église, un dixiesme : les nobles de cent livres de rente cent soûls : et, outre ce , se aucuns bourgois tenoient aucun fief , il en paieraient comme les nobles, avec ce que il paieraient des feus. Et toute celle aide il lèveroient par leur mains et despendroient en gens d'armes par leur mains , se n'estoit le dixiesme que le régent auroit pour sa despense. Et envolèrent audit régent ceste ordenance.
Item, le mardi premier jour de may ensuivant, dévoient toutes les bonnes villes rassembler à Paris, par l'ordenance que il avoient faictes à la dernière assemblée qui y avoit esté ; mais ledit régent manda que ladite assemblée se féist à Compiegne, le vendredi ensuivant, quatriesme jour du moys de may, et ainsi se fist. Dont ceux de Paris furent moult courrouciés ; mais la plus grant partie de toutes les autres villes en avoient grant joie. Et en ladite ville de
Compiegne fu accordé par tous , tant de gens d'églyse comme de nobles et des bonnes villes, un pareil subside à celuy qui avoit esté accordé à Vertus par les Champenois.
