LXX1I

Cornent monseigneur le régent et le roy de Navarre parlement tarent ensamble , le roy de Navarre pour ceux de Paris ; et cornent le roy de Navarre vint à Paris ; et luy firent ceux de Paris grant j'oie et grant honneur et en eussent volentiers fait leur capitain et leur gouverneur.

Le mercredi, secont jour du moys de may, le roy de Navarre qui estoit logié à Mello (1), et ledit régent duc de Normendie qui estoit logié à Clermont en Beauvoisin, furent en mi - marchié desdites villes , au lieu que l'en dit Domage-Lieu (2) pour parlementer; et avoient cliascun grant foison de gens d'armes. Et là parla ledit roy audit régent pour ceux de Paris , afin que iceluy régent voulsist accorder à eux. Et ledit régent dist audit roy que il aimoit ladite ville de Paris, et que il sa voit bien que en celle ville avoit de bonnes gens , mais aucuns qui y estaient luy avoient fait grans villenies pluseurs et desplaisirs, comme de tuer ses gens en sa présence, de prendre son chastel du Louvre et son artillerie, et pluseurs autres grans despis luy avoient fais. Si n'avoit pas entencion de entrer à Paris jusques à ce que ces choses li fussent adreciées. Et requist audit roy c^ue il fust avec luy et luy aidast à les adrecier.

(1) Mello. Ou Merlou, à quatre lieues de Senlis.

(2) Cette dernière indication n'est pas dans le manuscrit de Charles V, et je n'ai pas retrouvé sur les cartes ce nom de Domage-Lieu, que donnent les autres leçons.

L'endemain, jour de jeudi, rassemblèrent audit lieu et parlèrent ensemble comme le jour précédent. Et après se parti ledit roy et s'en ala à Paris où il entra le vendredi ensuivant , quatriesme jour dudit moys de mai , à moult grant compaignie, tant de ses gens comme de ceux de Paris qui estoient aies encontre luy. En laquelle ville il fu moult honnoré et seigneuri par l'espace de dix ou douze jours que il y demoura ; et volentiers en eussent fait leur capitain aucuns de ceux de Paris ou leur seigneur, comme faux et mauvais que il estoient.

Item en celuy temps , l'evesque de Laon qui estoit en l'assemblée à Compiegne , f u en péril d'estre tué par pluseurs nobles hommes qui là estoient avec ledit régent. Et convint que il s'en partist celéement ; et ala à Saint-Denis en France. Et manda à ceux de Paris que on le alast quérir. Si envolèrent ceux de Paris et aussi le roy de Navarre qui là estoit, grant quantité de gens d'armes quérir ledit evesque à Saint-Denis ; et vindrent en sa compaignie jusques à Paris. Si fu dit audit régent de pluseurs nobles et autres que ledit evesque estoit faux et mauvais ; et vérité estoit : car par luy estoient avenus tous les maux au royaume de France. Et luy requis trent que il ne fustplus à son conseil.

Item, en celuy temps, Jehan de Meudon, chastelain de Evreux pour le roy de France, bouta le feu en ladite ville de Evreux et fu toute arse, dont le roy de Navarre fu moult courroucié.

Item, le dimenche treiziesme (1) jour du moys de may, partirent les ennemis qui estoient à Esparnon dudit lieu, et chevaulchièrent de rechief en Gatinois. Et ardirent toute la ville de Nemours, et moult dommagièrent pluseurs autres

(1) Treiziesme. Et non pas quatriesme comme portent les autres manuscrits et les éditions précédentes. Le 4 may tomboil un vendredy, celle année-là.

villes au pays, comme Grés (1) et autres villes, dont moult de gens estoient merveilliés ; car ce pays estoit en douaire à la royne Blanche, suer audit roy de Navarre. Et monseigneur James Pipes, capitain d'Esparnon, s'appeloit lieutenant au roy de Navarre en ses saufs conduis et en ses autres fais, et si estoit souvent avec le roy de Navarre, si comme l'en disoit (2). Et s'en retournèrent les ennemis trois ou quatre jours après, sans ce que aucun leur féist empeschement.

Des lettres qui furent aportêes d'Angleterre.

Le mardi, quinziesme jour du moys de may, furent aportêes à Paris pluseurs lettres closes envoiées d'Angleterre, de pluseurs grans seigneurs de France et d'autres, par lesquelles on escripvoit que la paix avoit esté faite entre les roys de France et d'Angleterre le huitiesme jour dudit moys, et que lesdis roys avoient mangié ensemble et s'estoient entrebaisiés. Laquelle chose les uns ne créoient point, les uns pour ce que il ne voulsissent pas, les autres pour ce que par pluseurs fois avoit ainsi esté mandé et tousjours les Anglois y avoient mis empeschement ; et les autres qui en estoient forment joieux le créoient.

(1) Grés ou Grez. Aujourd'hui village entre Nemours et Fontainebleau.

(2) Cette liaison du roy de Navarre avec le partisan James Pipes n'éloit peut-être pas bien prouvée ; mais tout porte à croire, surtout les saufconduits rapportés plus haut , que Charles-lc-Mauvais avoit promis aux pillards de ne marcher ni faire marcher contre eux. Le dauphin , de son côté, privé d'argent par les Etats qui percevoient toutes les taxes, ne pouvoit réunir dix hommes d'armes, avant les assemblées de Compiègne et de Vertus. Les malheurs publics permettoient donc aux émissaires du Navarrois de calomnier le fils du roi, d'insinuer l'idée de transporter la couronne de France sur une tête plus puissante, etc., etc. — Il y a quelque rapport entre les accapareurs de 1790 et les pillards de 1358.

Du commencement et première assemblée de la mauvaise Jaquerle de Beauvoisin.

Le lundi, vint-huitiesme jour dudit moys de may, s'esmurent pluseurs menues gens de Beauvoisin des villes de Saint-Leu de Screns, de Nointel, de Cramoisi (1) et d'environ, et se assemblèrent par mouvement mauvais. Et coururent sur pluseurs gentils hommes qui estoient en ladite ville de Saint-Leu et en tuèrent neuf : quatre chevaliers et cinq escuiers. Et ce fait, meus de mauvais esprit, alèrent par le pays de Beauvoisin, et chascun jour croissoient en nombre, et tuoient tous gentils hommes et gentils femmes qu'il trouvoient, et pluseurs enfans tuoient-il. Et abattoient ou ardoient toutes maisons de gentils hommes qu'il trouvoient, fussent forteresces ou autres maisons. Et firent un capitaine que on appelloit Guillaume Cale (2). Et alèrent à Compiègne , mais ceux de la ville ne les y laissièrent entrer. Et depuis il alèrent à Senlis, et firent tant que ceux

(t) Noinlel, Saint-Leu et Cramoisi sont aujourd'hui trois villages : le premier au-dessus de Beaumont- sur-Oise; le second sur la même rivière, à cinq lieues au-dessous; le troisième entre Mello et Saint-Leu. Quant à Serens , ce doit être le surnom du village de Saint-Leu, et il faut le reconnoîlre dans le Sanctum-Lupum de Cherunto du Continuateur de Nangls. La carte de Desnos (Généralité de Paris) écrit : Saint-Leu Desservant. Tiers et Ermenonville, que les paysans abattirent, sont des villages situés aux deux extrémités de la forêt d'Ermenonville , à quatre ou cinq lieues de Saint-Leu. La chronique inédite du Msc. 530 dit également que « la première esmeute des paysans contre les nobles fu n commenciée dans la première sepmaine du moys de juing. » (F° G9, V°.)

(2) Guillaume Cale. « Capilancum quemdam de villa qiue Mello dicitur, »ruslicum magis astutum ordinarunt, scilicet Guillermum dictum Karle. » (Continuateur de G. de Nangis. ) La Jaquerie, l'un des épisodes de la déplorable année 1358, offre les plus grands rapports avec les bandes qui, presque de nos jours, crioient : Guerre aux Châteaux, Paix aux Chaumières.

de ladite ville alèrent en leur compaignie. Et abattirent toutes les forteresces du pays, Armenonville, Tiers et une partie du chastel de Beaumont-sur-Oyse. Et s'enfouy la duchesse d'Orléans qui estoit dedens, et s'en ala à Paris.

De la mort du mais Ire du pont de Paris et du maistre charpentier du roj7 par les gouverneurs de Paris.

Le mardi vint-neuviesine jour dudit moys, le prévost des marchans et les autres gouverneurs de Paris firent coupelles testes et après escarteler les corps, en Grève à Paris, au maistre du pont de Paris, appelle Jehan Peret, et au maistre charpentier du roy, appelle Henry Metret, à tort et sans cause ; pour ce, si comme il disoient, que il dévoient avoir traictié avec aucuns dudit duc de Normendie, ainsné fils du roy de France et régent le royaume, de mettre gens d'armes dedens ladite ville de Paris pour ledit régent. Et firent pendre les quartiers desdis maistres aux entrées de ladite ville de Paris. Et je qui ceci escris vi (1) que quant le bourel, appelle lors Raoulet, voult coupper la teste au premier maistre , c'est assavoir audit Peret , il chai et fu tourmenté d'une cruelle passion tant que il rendoit escume par sa bouche ; dont pluseurs de Paris disoient que ce estoit miracle, et que il déplaisoit à Dieu de ce que on les faisoit mourir sans cause. Et lors un advocat du Chaste-

(1) Et je qui ceci escris. Ces mots ne sont que dans le manuscrit de Charles V : les autres avec les éditions gothiques portent : « Et virent pluseurs. » Notre texte doit être le véritable et prouve que le Chroniqueur étoit à Paris dans ce temps là, sans doute assez mal à son aise, en raison de ses sentimens de loyauté. — Les éditions précédentes ne nomment pas Peret.

let, appelle maistre Jehan Godart, lequel estoit aux fenestres de l'ostel de la ville , en la place de Grève, dist hautement oïant le peuple qui là estoit : « Bonnes gens, ne vous » vueilliez esmerveillier se Raoulet est ainsi chéu de » mauvaise maladie , car il en est entechié (1), et en chiet » souvent. »

De la cruauté de ceulx de Beauvoisin ; et cornent le régent se parti de M eaux pour aler à Sens.

En ce temps multiplièrent moult ces gens de Beauvoisin. Et se résumèrent et assemblèrent piuseurs autres en diverses flotes en la terre de Morency, et abatirent et ardirent toutes les maisons et chastiaux du seigneur de Morency et des autres gentils hommes du pays. Et aussi se firent autres assemblées de tels gens en Mucien (2) et en autres lieux environ. Et en ces assemblées avoit gens de labour le plus , et si y avoit de riches hommes , bourgois et autres ; et tous gentils hommes que il povoient trouver il tuoient, et si faisoient-il gentils femmes et piuseurs enfans ; qui parestoit trop grant forsennerie.

En ce temps, ledit régent qui estoit au marchié de Meaux que il avoit fait enforcier et faisoit de jour en jour , s'en parti et ala au chastel de Monstereil au fort d'Yonne ; et assez tost après s'en parti et ala en la cité de Sens , en laquelle il entra le samedi neuviesme jour de juing ensuivant , à matin. Et fu receu en ladite cité par les gens

(1) Entechié. Affecté.

(2) Mucien ou Milicien. « Pagus Melcianus. » C'est la partie de Brie renfermée entre Crepy et Crécy. Elle comprend Meaux, May-en-Mulcien, Rosoy-en-Mulcien, etc. (Voy. M. Guérard, Provinces et Pays de la France, dans Y Annuaire de la Société de l'Histoire de France, année 1837.)

d'icelle moult honnorablement si comme il le dévoient faire, comme à leur droit seigneur après le roy de France son père. Et toutesvoies, avoit lors pou de villes, cités ou autres en la Langue d'oyl qui ne fussent meues contre les gentils hommes , tant en faveur de ceux de Paris qui trop les haoient , comme pour le mouvement du peuple. Et néantmoins fu-il receu en ladite ville de Sens à grant paix et honorablement. Et fîst ledit régent en ladite ville grant mandement de gens d'armes.

Cornent ceux de Paris furent desconfis à Meaux; et de la mort du maire de la ville appelle Jehan Soûlas.

Cëluy samedi meisme , qui estoit le neuviesme jour de juing , l'an mil trois cens cinquante-huit , pluseurs qui estoient partis de la ville de Paris, jusques au nombre de trois cens ou environ, desquels gens estoit capitain un appelle Pierre Gille espicier de Paris , et environ cinq cens qui s'estoient assemblés à Cilly en Mucien (1), desquels estoit capitain un appelle Jehan Vaillant prévost des mon noies du roy, alèrent à Meaux. Et jasoit ce que Jehan Soûlas, lors maire de Meaux, et pluseurs autres de ladite ville eussent juré audit régent que il luy seroient bons et loyaux et ne souffreroient aucune chose estre faite contre luy né contre son honneur, néantmoins il firent ouvrir les portes de ladite cité auxdis de Paris et de Cilly, et firent mettre les tables et les nappes parmy les rues, le pain, le vin et les viandes sus ; et burent et mangièrent se il voul-

(1) Cilly ou Silly. Aujourd'hui hameau à quatre lieues au-delà de Dammarlin, près de la roule de Soissons,

cirent et se resfraichirent. Et après se mirent en bataille, en alant droit vers le marchié de ladite ville de Meaux auquel estoit la duchesse de Nor mendie et sa fille, et la seur dudit régent, appellée madame Ysabel de France qui puis fu femme du fils du seigneur de Milan et fu contesse de Vertus que le roy Jehan, son père, luy donna à son mariage. Et avec eux estoit le conte de Foys, le seigneur de Hangest et pluseurs autres gentils hommes que ledit régent y avoit laissiés pour garder ladite duchesse sa femme, sa fille, sa seur et ledit marchié.

Si issirent dudit marchié lesdits conte de Foys, le seigneur de Hangest et aucuns autres, jusques au nombre de vintcinq hommes d'armes ou environ , et alèrent contre les dessusdis Pierre Gille et sa compaignie ; et se combattirent à eux. Et là fu tué un chevalier dudit marchié appelle monseigneur Loys de Chambly, d'un vireton près de l'euil. Finablement ceux dudit marchié eurent victoire. Et furent ceux de Paris, de Cilly et pluseurs de la cité de Meaux qui s'estoient mis avec eux , desconfis. Et pour ce, ceux dudit marchié mirent le feu en ladite cité et ardirent aucunes maisons (1).

Et depuis furent informés que pluseurs de ladite cité avoient esté armés contre eux et les avoient voulu trahir , et pour ce ceux dudit marchié pillièrent et ardirent partie de ladite cité. Mais la grant églyse ne fu pas arse né aussi aucunes maisons des chanoines : mais toutesvoies fu

(1) Le manuscrit de Charles V donne ici, dans une miniature, la représentation du combat. Le marché de Meaux est une forteresse dont on distingue trois tours , surmontées chacune d'un petit pennon blanc. Le drapeau blanc étoit donc, dès le règne du roi Jean, celui de la monarchie françoise; je ne crois pas qu'on l'ait encore remarqué dans un monument aussi ancien. Au reste, il se pourroit que les couleurs bleu cl rouge du parti populaire eussent été la première cause de l'adoption d'une troisième couleur, le blanc, pour signe de ralliement des royalistes,

tout pris ; et aussi fu le chastel qui estoit au roy ars ; et dura ledit feu tant en ladite viHe comme audit chastel plus de quinze jours. Et pristtcnt ceux dudit marchié Jehan Soûlas, le maire de ladite ville de Meaux, et pluseurs autres hommes et femmes , et les tindrent prisons audit marchié. Et depuis fit-Ten mourir ledit maire, si comme droit estoit.