LXX1X

Dupreschement que le roy de Navarre fist en Voslel de la ville, et cornent par V énortement de ses allés fu fait capitaux de Paris : dont pluseurs de ladite ville furent courrouclés.

Le vendredi, quinziesme jour de juing, ledit roy de Navarre vint en la maison de la ville et prescha. El entre les

autres choses dist que il amoit moult le royaume de France et il y estoit moult bien tenu, si comme il disoit ; car il estoit des Fleurs de lis de tous costés, et eust esté sa mère roy de France se elle eust esté homme; car elle avoit esté seule fille du roy de France. Et si luy a voient les bonnes villes du royaume, par espécial celle de Paris, fait très grans biens et haus honneurs , lesquels il taisoit ; et pour ce estoit-il prest de vivre et de mourir avecques eulx.

Et aussi prescha Charles Toussac et dist que le royaume de France estoit en petit point et avoit mal esté gouverné, et encore estoit ; si estoit mestier que il y féissent un capitain qui mieux les gouverneroit et luy sembloit que meilleur ne povoient-il avoir du roy de Navarre.

Et à ce mot furent pluseurs forgiés et ordenés à ce, qui crièrent : Navarre ! Navarre ! tous à une voix ainsi comme se il voulsissent dire : Nous voulons le roy de Navarre. Et toutesvoies, la plus grant partie de trop de ceulx qui là estoient se teurent et furent courrouciés dudit cry ; mais il ne l'osèrent contredire.

Si fu lors esleu ledit roy en capitain de la ville de Paris ; et luy fu dit, de par le prévost des marchands de Paris, que ceux de Paris escriproient à toutes bonnes villes du royaume, afin que chascun se consentist à faire ledit roy capitain uni versai par tout le royaume de France.

Et lors, leur fist ledit roy serment de les garder et gouverner bien et loyalement, et de vivre et morir avec eulx contre tous, sans aucun excepter ; et leur dist : « Biaux sei- » gneurs, ce royaume est moult malade, et y est la maladie » moult enracinée ; et, pour ce, ne puet-il estre si tost gary : » si ne vous vueilliés pas mouvoir contre moy se je ne » apaise si tost les besoingnes, car il y faut trait et labour. »

Cornent ledit régent s'en ala de Sens à Provins , à Chasteau- Tierry et à Gandelus ; et du nombre des Jaques tués par gentilshommes .

Celui vendredi meismes, ledit régent qui toute celle sepmaine avoit demouré à Sens , s'en parti et s'en ala à Provins, et d'illec vers Chasteau-Tierry et vers Gandelus (1) où l'en disoit qu'il avoit grande assemblée de ces communes que l'en appelloit Jaques-Bonhomme ; et tous jours luy venoient gentilshommes de tous pays. Et la royne Jehanne estoit à Paris, laquelle mettoit grande diligence de faire aucun traictié entre ledit régent, par devers lequel elle envoioit souvent, et ceulxde Paris. Et pour ce se parti ladite royne de Paris le samedi vingt-troisiesme jour de juing pour aler par devers ledit régent qui estoit environ Meaulx, en attendant les gens d'armes qui luy venoient.

Et tousjours ardoient les gentilshommes aucunes maisons que il trou voient à ceulx de Paris, se il n'estoient officiers du roy ou dudit régent ; et prenoient et emportoient tous les biens meubles que il trou voient et estoient auxdis habitans ; et ne se osoit homme qui alast par pays, avoer de Paris (2). Et aussi tuoient les gentilshommes tous ceux

(1) Gandelus. Aujourd'hui bourg du département de l'Aisne, à quatre lieues de Château- Thierry.

(2) C'est que ces Marseillais du xive siècle avoient été bien réellement soulevés par les anarchistes de Paris. Je demande la permission de citer à l'appui de cette opinion la précieuse chronique manuscrite conservée sous le n° 530, Supplément françois. A l'occasion de l'expédition du roi de Navarre contre les Jacques, on y lit : « En ce temps » assembla le roy de Navarre grans gens et ala vers Clermont-en- Beau- «voisis, et en tuèrent plus de huit cens et fist copper la teste à leur » cappitaine qui se vouloil tenir pour roy ; et dient aucuns que les Jacques

que il povoient trouver qui avoient esté de la compagnie des Jaques , c'est-à-dire des communes qui avoient tué les gentilshommes , leur femmes et leur enfans , et abattues maisons ; et tant que on tenoit certainement que l'en en avoit bien tué dedens le jour de la saint Jean-Baptiste vint mil et plus.

Cornent les gentilshommes de Bourgoigne laissièrent le roy de

Navarre,

Le vendredi vingt-deuxiesme jour dudit mois de juing, le roy de Navarre parti de Paris et avecques luy pluseurs de ladite ville et pluseurs de ses gens. Et estoient environ six cens glaives, et alèrent à Gonesse où pluseurs autres des villes de la visconté de Paris les attendoient. Et deux jours ou trois devant , pluseurs des gentilshommes qui avoient esté avec ledit roy de Navarre une partie de la saison et encore estoient, espécialement ceulx du pays de Bourgoigne, prisrent congié dudit roy de Navarre, quant il virent que il avoit accepté la capitainerie de ceus de Paris, en disant que il ne seroient point contre ledit régent né contre les gentilshommes; et s'en partirent et s'en alèrent en leur pays. Et ledit roy et sa compaignie s'en alèrent vers Senlis.

» s'attendoient que le roy de Navarre leur deust aidier, pour l'aliance » que il avoit au prévost des marchans, par lequel prévost la Jaquerie » s'esmeut, si comme on dif.. En ce temps alèrent ceux de Paris » — (non pas les Navarrois) « à Ermenonville, et assaillirent le chastel et le prin- » drent d'assaut. Là estoit de Lorris, qui avoit l'ordre de chevalerie ; mais » par paour il regnia gentillesse et jura que il amoit mieulx les bourgois » et le commun de Paris que les nobles ; et par ce fu sauvé et sa femme » et ses enfans. Mais ses biens furent tous robes et prins qui dedens le » chastel estoient. Lors repayèrent icclles gens à Paris. » Notre chronique a dit plus haut qu'Ermenonville avoit été pris par les Jaques. Parisiens ou Jaques, c'éloit tout un.

(1358.) JEHAN-LK-ÏÎON. 119

Cornent ledit régent et son ost logièrent près de Paris, en telle manière que nul nosoit issir né entrer en ladite ville de celle part oh il estoit.

Monseigneur le régent qui avoit esté vers Chasteau- Tierry, vers la Ferté-Milon et au pays environ pour despécier pluseurs assemblées des Jaques qui là estoient, après ce que les nobles qui estoient avec ledit régent orent mis à mort pluseurs Jaques , ars et gasté tout le pays entre la rivière de Marne et de Seine , s'en retourna en alant vers Paris, et se logia à Chielle-Sainte-Bautheut (l),la derrenière sepmaine de juing, c'est assavoir le mardi vingt-troisiesme jour dudit moys.

Et la royne Jehanne f u à Laigny , qui moult se penoit de traictier entre ledit régent et ceulx de Paris. Et lors n'y pout aucun traictié estre trouvé : car ceulx de Paris se tenoient fiers et liaus contre ledit régent leur seigneur. Et pour ce, luy et son ost se deslogièrent de Chielle et se logièrent environ le bois de Vincennes, environ le pont de Charenton et environ Conflans , le vendredy vint-neuviesme jour dudit moys de juing. Et tenoit-1'en que en l'ost dudit régent avoit bien trente mil chevaux. Si fu tout le pays gasté jusques à huit ou dix lieues, et communément les villes arses.

Et ledit roy de Navarre s'en retourna et entra en la ville de Saint-Denis, lequel roy estoit alié avec ceulx de Paris contre ledit régent leur droit seigneur. Et si avoit en la compaignie dudit roy grant foison ennemis du roy et du

(1) Bautheut. Batliildc.

royaume de France, Anglois et autres que ledit roy de Navarre avoit fait venir des garnisons anglesches , d'Espar non et d'autre part. En la ville de Saint-Denis se tint le roy de Navarre. Et ledit régent et son ost estoient logiés es lieux dessus dis, et estoit le corps dudit régent logié en l'ostel du Séjour, es Quarrières (1). Et n'osoit homme issir de Paris de celle part né entrer aussi ; mais par pluseurs fois en issoit l'en en bataille ; mais tousjours perdoient plus qu'il ne gaignoient et en y ot pluseurs mors.

Cornent le régent et le roy de Navarre assemblèrent en un pavillon qui fu tendu sur une motte, entre Saint-Anthoine et le bois, pour accorder un traictié que la roy ne Jehanne avoit basti ; et du serment que ledit roy fis t sur Corpus Domini que Vevesque de Lisieux avoit célébré, en entencion que ledit régent et ledit roy le usassent pour plus fermement tenir leur seremens; mais ledit roy de Navarre refusa à user le premier.

Le dimenche huitiesme jour de juillet ensuivant, assemblèrent lesdis régent et roy de Navarre en un pavillon qui, pour ce, fu tendu près de Saint-Anthoine, en un lieu que l'en dit le Moulin-à-Vent, pour accorder ensemble certain traictié que la royne Jehanne avoit pourparlé. Si estoient les batailles dudit régent toutes ordenées aux champs en quatre batailles, où l'en estimoit bien douze mil hommes d'armes et plus. Et les gens du roy de Navarre furent en bataille

(1) Quarrières. Les Carrières sont un petit village dépendant de la commune de Charenton. Quant à Yostel du Séjour, c'est aujourd'hui la maison de plaisance ou de refuge de M. l'archevêque de Paris.

ordenés sur une petite montaigne près de Monstruel et de Charonne, et n'estoient pas plus de huit cens combattans, si comme l'en les estimoit. Et , pour ce que il estoient si petit nombre ne approchièrent point ledit pavillon né les batailles audit régent.

Si parlementèrent ledit régent et ses gens et le roy de Navarre et ses gens, en la présence de ladite royne. Si furent à acort par la manière qui s'ensuit, c'est assavoir : pour toutes les choses que ledit roy pourroit demander audit régent pour quelconques causes que ce fust, luy bailleroit dix mil livres de terre (1) et quatre cens mil florins à l'escu, lesquels seroient bailliés audit roy par la manière qui s'ensuit. C'est assavoir la première année cent mil , et chascun an ensuivant cinquante mil, jusques à fin de paie; et si seroient lesdis quatre cens mil florins pris sur les aydes que le peuple feroit pour cause des guerres , sans ce que ledit régent en fust autrement tenu né obligé. Et pour ce, ledit roy de Navarre de voit estre avec ledit régent contre tous excepté le roy de Fiance ; et afin que ledit régent et le roy de Navarre tenissent sans enfraindre toutes les choses dessus dites, l'evesque de Lisieux, qui présent estoit, chanta une messe audit pavillon, environ heure de nonne, et consacra deux personnes (2), en espérance que de l'une fust fait deux parties et usées par lesdis régent et roy. Et quant la messe fu chantée, lesdis régent et roy jurèrent, sur le corps-Dieu sacré que ledit evesque tenoit entre ses mains, que il teindroient et acompliroient sans enfraindre tout ce que chascun avoit promis, présens à ce dus, contes et barons tant corne en povoit au devant dit pavillon , environ heure de nonnes. Et après ledit evesque brisa l'oiste, et e^ voult faire user à

(1) Dix mil livres de terre. C'est-à-dire lui assignèrent la propriété de terres évaluées à dix mille livres.

(2) Personnes. Deux oistes ou hosties, deux Corpus Domini.

m LES GRANDES CHRONIQUES,

chascun desdis régent et roy; mais ledit roy dit que il n'estoit pas jeun (1); et pour ce ledit régent n'en prist point aussi, jasoit ce que il se feust ordené pour le recevoir. Si usa tout ledit evesque. Et, par ce, ledit roy de voit aler à Paris pour les faire mettre en l'obéissance dudit régent. Et ainsi se départirent; et s'en ala ledit régent aux Quarrières et ledit roy à Saint-Denis.

Cornent y après les dessusdù sermens, les gens au roy de Navarre coururent sus aux gens du régent.

Le mardi ensuivant dixiesme jour du moys de juillet, le roy de Navarre ala à Paris ; et cuidoit ledit régent que ledit roy deust aler devers luy, celuy jour, porter la response de ceux de Paris: mais il n'y ala point, ainçois demoura tout ce jour. Et l'endemain, le onziesme jour dudit moys, il mist en ladite ville de Paris les Anglois que il avoitavecques luy. Et disoit-Fen en l'ost dudit régent que ceux de Paris avoient dit audit roy que ilavoitfait sa paix sans eux et que il ne leur en challoit, car il se passeroient bien de li (2). I?t pour ce fist nouvelles alliances, si comme l'en disoit, avec

(1) Jeun. « Jejunus. » A jeun.

(2) Cette dernière circonstance précieuse est éclaîrcie par le continuateur de Nangis, qui place le fait après la destruction prétendue du pont de bateaux dont il sera question tout à l'heure : « Altéra autcm vice » contigit quôd nobiles cum duce in armis partes illas ubi ponsfuerat, » ut dicitur, propè pontem de Charenton acccsserunt, ut regem Navarra?. » cum Parisiensibus expugnarent, contra quos rex Navarrœ, capitancus » parisiensis, cum suis armatus aggressus est, et veniens ad ipsos locutus » est multis sermonibus eis sine pugnâ, et deindè reversus est Parisius. » Quod videntes Parisienses, suspicati sunt contra ipsum, quôd, quia no- » bilis erat, cum aliis conspirasse! aliqua Parisiensibus sécréta forsitan » "vel nocua. Proptcr quod dictum regem cum suis spreverunt, et ipsum » ab illo officio removerunt. » (Spicilcsr., t. m, p. 118.

eux ; et bien y parut de fait, car il ne retourna point devers ledit rëgent ; mais (1), luy estant dedens ladite ville de Paris, pluseurs en issirent armés , par espécial de ceux que il y avoit menés.

Et assaillirent ledit mercredi, onziesme jour dudit moys, aucuns de l'ost dudit régent qui se deslogoient de la Granche-aux-Merciers pour eux approcliier dudit régent. Et pour ce , crya-1'en en l'ost alarme , et s'arma l'ost , et courut-1'en jusques à la bastide des fossés , et là ot grant escarmuche, et y demoura-1'en jusques près de la nuit : et y perdirent ceux de Paris plus que les autres.

Cornent le roy de Navarre mist sus au régent qu il avoit enfraiul le traictié, et du pont de bateaux qui Ju fait sur Saine .

Le jeudi douziesme jour du moys de juillet , le roy de Navarre s'en retourna à Saint-Denis, et laissa les Anglois à Paris. Et ledit régent envoia par devers ledit roy pour savoir quelle volenté il avoit, et luy fist requérir que il venist avec luy, car il luy avoit promis que il luy ayderoit contre tous. Lequel roy respondi que ledit régent et sa gent avoient enfraint le traictié et les convenances que il avoient , car il avoient assaillis ceux de Paris le jour précédent , si comme disoit ledit roy, tant comme il traictoit avecques eux ; jasoit ce, en vérité, que ceux de Paris eussent commencié l'escarmuche. Mais ledit roy disoit ces choses pour ce qu'il ne povoit avoir fait à Paris ce qu'il avoit promis au traictié dudit régent et de luy ; car il avoit promis de tant faire que

(i) Mais, etc. Celte dernière phrase est inédite, et ne se trouve complète que dans le manuscrit de Charles V.

m LES GRANDES CHRONIQUES.

ceux de Paris paieroientsix cens mil escus de Phelippe pour le premier paiement de la raençon du roy, mais que ledit régent leur reméist toute paine criminelle. Et ceux de Paris respondirent quant il en parla, que il n'en paieroient jà denier. Et pour ce, mettoit sus ledit roy audit régent que il avoit enfraint ledit traictié , jasoit ce que ceux qui là estaient savoient bien le contraire. Si cuida-1'en bien que tous traictiés fussent rompus, dont moult de gens avoient grant joie.

Et mist-1'en ( 1 ) grant paine à achever un pont que l'en avoit encommencié sur bateaux pour passer la rivière de Saine, lequel fu achevé ledit jeudi. Et tantost, pluseurs de l'ost passèrent ledit pont et ardirent Vitery et pluseurs autres villes oultre la rivière de Saine, et y pilla-l'en tout ce que l'en y trouva.

Et ladite royne Jehanne aloit souvent par devers les uns et par devers les autres pour renouveler ledit traictié. Toutesvoies parloient pluseurs moult vilainement contre ledit roy de Navarre qui si solempnellement avoit juré et ne tenoit chose que il eust promis.

(1) Mist-Ven. Les gens du régent, ou comme dit simplement le continuateur de Nangis : Nobiles, « Nobiles super Secanam pontem fecerant « inter Parisius et Gorbelium , per quod transibant ad ambas partes flu- » minis. » Le pont fut établi bien au-dessous de Corbeil, et dans la presqu'île formée par le confluent de' la Seine et de la Marne, en face de Yitry. Le continuateur ajoute que les nobles eurent le dessous dans l'engagement dont le chapitre suivant va nous entretenir; et que le pont fut détruit. Le fait peut rester douteux.

Cornent monseigneur le duc de Normendie , ainsnê fils du voy de France , lors régent le royaume , reboulèrent , luy et ses gens , ceux de Paris de dessus le pont quil avoit fait faire sur S aine \ et de pluseurs escarmuches f aides environ Saint-Anthoine de ceux de Paris contre les gens dudil régent ; et du traictié qui fit fait pour faire la paix entre le régent et ceux de Paris.

Le samedi ensuivant quatorziesme jour de juillet , environ heure de disner, ledit régent estant en sa chambre , en son conseil, pluseurs de la ville de Paris, dont la plus grant partie estoient d'Anglois qui estoient issus par devers Saint-Marcel, chevaulchièrent jusques devant ledit pont que ledit régent avoit fait faire , lequel pont estoit sur la rivière de Saine, devant l'ostel des Quarrières où esloit logié ledit régent. Et tantost que il furent devant ledit pont, il descendirent à pie , et en entra aucuns dedens ladite rivière pour aller sur ledit pont où il n'avoit point de garde. Mais l'en ne povoit monter sus ledit pont se l'en n'entroit en l'yaue jusques au nombril, pour ce qu'il avoit faute au bout du pont par devers Vitery ; et y mettoient les gens dudit régent une bachière toutes les fois que il vouloient passer : et quant il en avoient fait, ladite bachière estoit ostéeclubout du pont. Et estoit mise contre ledit pont au dessus, ainsi comme au milieu. Et lors estoit en celuy estât ; et pour ce convint que les dis de Paris entrassent en l'yaue pour monter sur ledit pont. Si crya-1'en alarme moult forment ; et fu moult l'ost estourmie, car les autres estoient venus à couvert et soudainement. Si alèrent pluseurs , les uns armés et les autres désarmés, pour dcnendre ledit pont. Et jà avoient pluseurs

des dessus dis de Paris oultre la moitié du pont. Et là se combatirent les gens dudit régent et reboutèrent leur ennemis qui estoient sur ledit pont, et y ala ledit régent en sa personne : et y furent pluseurs des gens dudit régent navrés de trait. Et si y fu pris son mareschal que on appelloit monseigneur Riga ut de Fontaines. Et aussi y ot des autres navrés et pris. Toutes voies furent-il reculés et mis tous hors dessur ledit pont par les gens dudit régent et s'en retournèrent vers Paris. Et pour ce que l'en crioit alarme vers Paris, au cousté devers Saint-Anthoine, et disoit-Fen que ceux de Paris estoient issus de celle part, les gens d'armes se trairent vers là, et sur les champs furent les batailles rangiés. Et y ot des escarmuches toute jour jusques à la nuit, et y perdirent ceux de Paris plus que il ne gaignièrent. Toutesvoies, ceux qui issirent de Paris , tant d'un cousté de Paris comme d'autre, estoient le plus Anglois. Et durant ces choses, la royne Jehanne ala devers ledit régent pour renouer ledit traictié, et quant elle s'en parti pour aler à St-Denis, encore estoient les batailles sur les champs. Si traie tièrent toute celle sepmaine jusques au jeudi ensuivant dix-neuviesme jour dudit moys de juillet. Et celluy jour, ladite royne Jehanne , le roy de Navarre , l'arcevesque de Lyon qui là avoit esté envoie de par le pape, l'evesque de Paris, le prieur de Saint-Martin-des-Champs, Jehan Belot esche vin de Paris, Colin le Flamant, et autres de Paris alèrent environ tierce au bout dudit pont que ledit régent avoit fait faire de la partie devers Vitery, et avoient des gens d'armes et des archiers avecques eux. Et ledit régent y ala à petite compaignie tout désarmé ; et parlementèrent ensemble en l'un des bateaux dudit pont ; et finablement furent à accort, par telle manière que ceux de Paris prieroient ledit régent que il leur voulsist remettre son mautalent, et pardonner tout ce que il avoient fait ; et il se mcUioient en

sa merci, par telle condicion qu'il en ordenneroit, par le conseil de la royne Jehânne, du roy de Navarre, du duc d'Orléans et du conte d'Estampes, concordablement et non aultrement. Et avec ce deinourroient en leur vertu tous accors , toutes convenances et toutes aliances que ceux de Paris avoient avecques ledit roy de Navarre avecques bonnes villes et avecques tous autres. Et ledit régent devoit faire ouvrir tous passages de rivières et autres, afin que toutes denrées et marchandises pussent passer et estre portées à Paris. Et pour parfaire les choses contenues audit traictié, fu journée prise au mardi ensuivant, pour estre à Laignysur-Marne ; et là dévoient estre ledit régent et son conseil d'une part, et ceux qui seroient ordenés pour Paris d'autre part, et lesdis royne, roy, duc d'Orléans et conte d'Estampes, par le conseil desquels ledit régent en devoit ordener. Et ce fait, fu publié en l'ost que il avoit bonne paix entre ledit régent et ceux de Paris. Et pour ce se deslogièrent les gens de monseigneur le duc et s'en partirent pluseurs celuy jour.

Et l'endemain, jour de vendredi, vingtiesme jour dudit mois, pluseurs alèrent vers Paris pour besoignes que il avoient à faire lesquels on n'y voult laissier entrer. Mais leur demanda-1'en à qui il estoient ; et quant il respondirent que il estoient au duc, ceux de Paris leur disrent : « Aies à » vostre duc. » Et y entraMathé Guete (1), trésorier de France, lequel fu en grant péril d'estre tué >, et finablement en fu mis hors quant il ot esté mené en la maison de la ville en Grève, et à Saint-Eloy devant le prévost des marchands et les gouverneurs.

Et après ce que ledit accort fu fait par la manière que dessus est dit, les dessus dis de Paris , en haine de mon-

(1) Malhé Guete. Sans doute celui qui, dans îe préambule du traité de Brétigny, sera nommé macy Guenj,

seigneur ledit régent, prisrent et saisirent pluseurs maisons et biens meubles de pluseurs officiers qui avoient esté avec ledit régent audit ost.

Et ledit régent s'en ala celui jour de vendredi au Valla-Comtesse, et la plus grant partie de son ost s'en parti.

Cornent ceulx de Paris se esmeurent contre les Anglois que le roy de Navarre avoit fait venir en ladite ville; et en tuèrent partie et les autres emprisonnèrent au Louvre, Et de la mort de ceulx de Paris vers Saint-Clous t.

Le samedi ensuivant, veille de la Magdalène, fu la journée (1) ensuivant qui avoit esté mise à Laigny-sur-Marne remise à Corbeil. Et celuy samedi, après disner, s'esmeut à Paris un grant descort entre ceulx de la ville et pluseurs Anglois qu'il avoient fait venir en ladite ville contre ledit régent leur seigneur , pour ce que l'en disoit que aucuns autres Anglois qui estoient à Saint-Denis et à Saint-Cloust pilloient le pays. Si s'esmeut le commun de ladite ville de Paris, et courut sur lesdis Anglois qui estoient en ladite ville de Paris, et en tuèrent vint -quatre ou environ et en prisrent quarante-sept des plus notables , en l'ostel de Neelle auquel il avoient disné avec le roy de Navarre. Et plus de quatre cens autres en divers ostieux de ladite ville , lesquels il mistrent tous en prison au Louvre. De laquelle chose le roy de Navarre fu moult courroucié , si comme l'en disoit ; et aussi furent le prévost des marchans et autres gouverneurs de ladite ville. Et, pour ce, l'endemain, jour de dimenclie et de la Magdalène , vingt-deuxiesme jour dudit moys de juillet , le roy de Navarre , l'evesque de

(1) La journée. L'ajournement,

Laon, le prévost des marchans et pluseurs autres gouverneurs de ladite ville de Paris furent en la maison de ladite ville , environ heure de midi , et y ot moult de peuple assemblé en ladite maison , tous armés devant en la place de Grève. Auquel peuple ledit roy parla et leur dist qu'il avoient mal fait d'avoir tué lesdis Anglois, car il les avoit fait venir en son conduit (1) pour servir ceulx de la ville de Paris. Et tantost pluseurs d'iceux crièrent qu'il vouloient que tous les Anglois fassent tués , et vouloient aler à Saint-Denis mettre à mort ceux qui y estoient , qui pilloient tout le pays. Et disrent audit roy et au prévost des marchans que il alassent avec eux, en disant que il avoient esté bien paies de leur gages et soudées , et néanmoins il pilloient tout le pays. Et jasoit ce que ledit roy et prévost féissent tout leur povoir de refraindre ledit peuple, il ne le povoient faire, mais convint que il leur accordassent à aler avec eux. Mais avant que on partist de Paris, il fu près de vespres. Dont pluseurs présumèrent que ledit roy fist attendre le partir , afin que lesdis Anglois ne feussent sourpris et despourveus. Et environ heure de vespres partirent de Paris , les uns par la porte Saint - Honoré , le roy de Navarre , le prévost des marchans et toute leur route par la porte Saint-Denis et alèrent vers le Moulin à vent. Et estimoit-on que il estoient, tant d'une part comme d'autre, environ seize cens hommes de cheval et huit mille de pié. Et furent lesdis roy de Navarre, le prévost des marchans et toute leur route bien l'espace de demie heure largement, sans eux mouvoir au champ qui est de l'autre partie dudit moulina vent par devers Montmartre, Et de leur route furent envoies trois glaives qui chevauchièrent par emprès Montmartre. Lesquels , sans ce qu'il

(1) En son conduit. Sous sa sauve-garde.

faussent après veus , chevauchièrent en alant tout droit vers le bois de St-Cloust, auquel bois lesdis Anglois estoient en une embusche. Et au-dehors dudit bois par devers Paris en avoit environ quarante ou cinquante. Si cuidèrent ceux de Paris que il n'en y eust plus ; et alèrent vers lesdis Anglois. Et quant il furent près, les Anglois qui estoient audit bois issirent hors, et tantost ceux de Paris se misrent à fouir et les Anglois au chacier. Si tuèrent lesdis Anglois grant foison des dessus dis de Paris, par espécial de ceux de pie qui estoient issus par la porte St-Honoré ; et tenoitl'en communément qu'il y avoit de mors bien six cens ou plus, et furent presque tous gens de pie. Et ledit roy de Navarre qui véoit ces choses ne se parti pas de là , mais laissa tuer les dessusdis de Paris sans leur faire aucune aide né secours. Et après ce que lesdis de Paris furent desconfis et tués comme dit est, ledit roy de Navarre s'en ala à Saint-Denis, et ledit prévost des marchans et sa compaignie s'en retournèrent à Paris. Et furent, quant il rentrèrent à Paris, forment huiés et blasmés de ce qu'il avoient ainsi les bonnes gens de Paris laissié mettre à mort sans les secourir. Et dès lors commencièrent ceux de Paris forment à murmurer, et faisoient forment garder les quarante-sept prisonniers anglois qui estoient au Louvre par le commun de Paris ; et volentiers les eust le commun de Paris mis à mort ; mais le prévost des marchans et les autres gouverneurs de Paris ne le povoient souffrir.