LU

Les noms des villes par où l'empereur passa depuis Camhrar jiisques à Senlis, et des nobles hommes qui lui furent à V encontre.

L'endemain se party de Cambray ledit empereur, et vint au giste en une abbaye du royaume que l'on appelle le Mont St-Martin (1), et y disna le jour, et puis vint au giste à Saint-Quentin. Auquel lieu de Saint-Quentin les gens et officiers du roy, bourgois et liabitans de ladite ville , vindrent à cheval à rencontre de luy et le reçurent honorablement, en lui disant que bien fust-il venu en la ville du roy ; et luy firent grans présens de char, de poissons, de vins, de pains, de foins, d'avalne et de cires. Et est assavoir que en ladite ville et semblablement par toutes les autres villes où il a esté, tant en venant à Paris comme en son retour, il n'a esté receu en quelconque eglyse à procession né cloches sonnans , né fait aucun signe de quelconque dominaciou ou seigneurie ; si comme au roy ou à ceux qui ont la cause de luy appartiegne à estre fait en tout le royaume de France. Audit St-Quentin demoura ledit empereur un jour, et vint à Han au giste où les gens du l'oy qui au-devant estoient allés toujours le compaingnièrent j et vindrent les gens de ladite ville de Han au-devant de luy , et lui firent la révérence si comme avoient fais ceux de Saint-Quentin ; et de là se parti l'endemain après boire et vint au giste à Noyon. Et au devant de luy vindrent à cheval l'evesque , chappitre et bourgois de ladite ville en grant et belle compaignie, et luy firent la révérence, en disant les paroles telles comme ceux de Saint-

(I) Le Monl Sahil-Marliu. Aujourd'hui village sur la route cl .'t micliemin de Cambray à Suiiit-Quenliu.

Quentin luy avoient dites, en disant que l)icn fust-il venu tMi la ville du loy ; et lui firent les présens comme dessus est dit. Et demoura en ladite ville deux jours, et visita l'abbaye de Saint-Eloy et le corps saint.

Et le jeudi irente-et-uniesme et derrenier jour de décembre, se parti d'ilec après boire et vint au giste à Compiègne ; et au-devant de luy vindrent à une lieue de la ville les gens de ladite ville, en belle ordenance et bonne compaingniebien jusques à deux cens chevaux. Et assez tost après vint, de par le roy, à rencontre dudit empereur, letluc de Bourbon, frère de la royne de France, le conte d'Eu, cousin germain du roy, les evesques de Beauvais et de Paris , et pluseurs autres notables chevaliers et seigneurs en leur compaingnie, jusques au nombre de trois cens chevaliers et plus, vestus des robes dudit duc, lesquelles étoient de blanc et bleu mi-parti. Et luy dit le duc de Bourbon que le roy le saluoit et estoit bien lie de sa venue et que très-volontiers le verroit , et que là les avoit envoyés le roy pour le compaingnier. Et l'empereur venu en ladite ville et descendu en son hoslel , le duc de Bourbon pria les seigneurs et chevaliers de l'ostel de l'empereur de venir souper avecques luy en son hostel , lesquels y alèreut ; et l'empereur, pour luy faire plus avant plaisir, luy envoya son fds le roy des Romains, en luy mandant que se il feust en point qu'il se peust aidier, car de nouvel au partir de Noyon lui estoit prise sa goule dont il estoit si empeschié qu'il ne pouvoit aler , que luy en sa personne fust aie souper avecques luy. Et ledit duc de Bourbon festoya ledit roy et tous les autres, et donna à souper très grandement et largement, et y assembla et list estre les dames qui estoient en la ville et environ. Et l'endemain, qui fu le vendredi premier jour de janvier, après ce qu'il ot disné à Compiègne , il vint en un curre , pour ce qu'il ne pooit chevauchicr, à heure de vespres à Senlis : et au-

(levant de liiv alèrent le balUif de ladite ville et les officiers du rov, et en leur compaingnie les gens de la ville, jusques au nombre de cent chevaux, en lui faisant la révérence et en luy disant qu'il fust le bien venu en la ville du roy.