LOYS

Nous devons avoir en mémoire les fais et les contenances de nos devanciers , et nous devons remirer es anciennes escriptures qui parlent des preudeshommes et de leur vie : si comme fu monseigneur Saint Loys qui se contint si bonnestement en son royaume qui est de terre et de boe , qu'il en conquist le royaume des cieux que nul prince né auti^e ne luy peut jamais oster (1).

Cornent le père Saint Loys ala en Albigois,

Si comme le père monseigneur Saint Loys voult aler en Albigoisy il laissa son royaume à garder à la royne Blanche sa femme et ses enfans , et s'en vint à la cité d'Avignon , et l'assist à grant force de gent. Tant les tint estroictement et tant fist ruer perrières et mangoniaux, qu'il ne le porent endurer ; si se rendirent et se mistrent du tout à sa volenté. Le roy prist toute la contrée en sa main , et mist es

(1) Ce préambale est le sommaire de celui que Guillaume de Nangjs a fait pour ses Gesta S, Ludovici noni Francorum régis. Yoy. Du Chesne , tome Yy p. 326.

TOM. IV

bonnes villes et es forteresces, baillis, seneschaux, viguiers, maires , prévos et scrgens d'armes , pour garder sa terre et toute la contrée de par luy en son nom. Et aussi leui* commanda que tous ceux ^u'il pourroient trouver entechiés du vice d'érésie et qui fussent de riens contre la foy, tantost fusseilt ars et mis au feu et en chai^bon sans nul rachatement.

Après ce, il establi les evesques et les prélas et leur cliapelains en leur églyses , que les mescréans avoient cliaciés. Quant le roy eut ainsi restabli la foy crestienne en Albigois , si s'en retourna vers France. Si comme il vint près d'un chastel que l'en appelle Montpancier, il convint que la prophécie Mellin fust accomplie qui dist : In monte ventris morietur leo pacificus. C'est-â-dire à Montpancier mourra le lion paisible et débonnaire : car une maladie le prist le jour qu'il -vint au chastel , dont il mourut* Aporté fu à Saint-Denys en France , et mis en sépulture delès le roy Phelippe son père, l'an mil deux cens vingt et six.

Cornent Saint Lofjju couronné €n la cité de Rains,

(1) Au moys après que le roy Loys fu trespassé, Saint Loys son fils, qui n'avoit pas douze ans acomplis, fu mené à Kains ; et manda l'en l'évesque de Soissons pour l'enfant coronner, pour ce qu'il n'avoit adonc point d'archevesque à Rains. L'évesque de Soissons vint à Rains à

( 1] Ici commence l'ouvrage de Guillaume de Nangis y mais, dans ce qu'il en emprunte , notre chroniqueur n'a pas suivi la traduction ancienne publiée à la suite de Joinville et d'iiprès un manuscrit de Colbert, dans la grande édition de 1761, dite du Louvre, La sienne est en général plus cor-^ rccte et, d'ailleurs, débarrassée de beaucoup de superûuités.

grant compaîgnie de prélas et du clergié, et enoingt et sacra l'enfant , et luy mist la couronne en la teste ; et dist les prières et les paroles qui afièrent à dire à tel dignité.

Quant l'enfant fu couronné , il s'en vint à Paris là où il fu recea à moult grant joie du peuple et des gens du pays. La royne Blanche sa mère le fist moult bien endoctriner et enseignier , car elle l'avoit en garde par raison de tutele et de bail ; et luy quist gens de conseil les plus preudeshommes et les plus sages que on peust. trouver, qui resplendissoient de droicture et de loyauté pour les besoingnes du royaume gouverner , autant clers comme lais. Ce fu fait le premier dimenche de l'avent Nostre-Seigneur.

Cornent les barons de France murmurèrent contre le saint roy.

En celluy an meisme que l'enfant fu couronné , Hue le conte de la Marche, et Pierre- Mauclerc duc de Bretaingne, et Thibaut le conte de Ghampaigne parlèrent ensemble et commencièrent à murmurer contre le jeune roy ; et distrent que tel enfant ne devoit pas tenir royaume ; et que celluy seroit moult fol qui à luy obéiroit, tant comme il fust si jeune. Lors firent aliances ensemble et promistrent que il n'obéiroient né à luy né à son commandement. Tantost qu'il se furent départis , le duc de Bretaingne fist garnir deux fors chastiaux et deffensables : l'un à nom Saint- Jacques de Buiron (1) , et l'autre Belesme. Le père Saint Loys le (2) bailla à garder au duc de Bretaingne , pour ce

(1) St-Jacques de Buiron. Lalin : S. Jacobum de Beveron, TiUeraont rccoonoit ici Saint-James de Beuvron , en Normandie ; sans doule St-James , dans rÂvranchin, à quelques lieues de Pontorsou. — Belesme est dans le Perche.

(2) Le. Il falloil : Les, comme le lalin.

qu'il estoit fort et deffensable, quant il ala sur les Albigois.

Nouvelles vindrent au roy que le duc gamissoit ses forteresces et ses chastiaux , et qu'il avoit en son aide le conte de la Marche et Thibaut de Ghampaigne pour aler contre luy et pour luy grever. Si se conseilla à sa mère et à ses barons : si luy fu loé qu^l alast hasti-^ vement contre le due , pour ce qu'il avoit premier garni ses chastiaux. Lors manda chevaliers et sergens d'armes, et assembla grant ost pour aler là , et se niistrent à voie pour aler droit à la charrière de Charcoy (t).

Avec le jeune roy estoit un cardinal de Rome qui estoit

venu en France de par le pape , et Phelippe conte de Bouloingne , oncle le roy , et Robert conte de Dreux , qui estoit frère au duc (2). Quant Thibaut le conte de Ghampaigne vit l'ost de France venir là où il avoit (3) tant bonne chevalerie et tant bonne gent y si se pensa que s'il se tenoit longuement contre le roy que il luy en pourroit bien meseheoir ; si se parti de ses compagnons au point du jom* , pour ce qu'il ne l'apperceurent et s'en vint au roy ; et le pria qu*il luy voulsist pardonner son mautalent , et que plus ne seroit contre luy.

Le roy qui estoit enfant et débonnaire Te receut en grâce et luy pardonna son mautalent. Après il manda au duc et au conte de la Marche qu'il venissent à son commandement ou qu'il venissent contre luy à bataille : et il luy mandèrent que volentiers feroient paix à luy, mais que il leur donnast jour et lieu là où il pourroient parler de paix et de concorde. Quant le roy eut oï les messages , si leur assigna jour au chastel de Ghinon , et fist retourner son ost

(1) La charrkre de Charcov. Variantes : Querritre de Turquetf, — de Surquey, Latin : « Ad quarreriani de Curcelio, » Je crois que c'est aujour* d*hui le village de Charcé, dans, le Saumurais , près de Brissac,

(S) Au duc de Bretagne.

(3) Où il Mvoit, Où il se trouvoit.

en France ; et puis s'en ak à Ghlnon , et là les altendi au jour qui est oit establi. Mais il ne vindrent ne ne contremandèrent ; si les fist semondre de rechief ; oncques pour ee ne vindrent ; la tierce fois furent semons et sommés. Lors parlèrent ensemble le conte et le duc y et distrent que à ceste fois ne pourroient venir à cliief du roy (I) ; si luy envoyèrent messages , et distrent que volentiers venroient parlera luy à Yendosme, mais qu'il eussent sauf aler et sauf venir. Le roy leur octroya ; lors vindrent à Yendosme , et amendèrent au roy de leur outrage et de leur méfiait , tout à sa volenté. Le roy qui fu jeune et débonnaire leur octroya paix et amom* , mais qu'il se gardassent de mesprendre (2).

lY.

Du descord qui fu entre les barons et le roy de France*

L^an après ensuivant , par le conseil Pierre Mauclerc , duc de Bretaingne et Hue le conte de la Marche , descort mut entre le roy et les barons de France. Et maintenoient les barons contre le roy , que la royne Blanche , sa mère , ne devoit point gouverner si grant chose comme le royaume de France y et qu'il n'appartenoit pas à femme de telle chose faire (3). £t le roy maintenoit contre ses barons qu'il

(1) Tenir à c^û;/. Nous disons aujourd'hui : Venir à bout,

(2) Notre chronique, lout en s'aidant du récit de Nangis, a raconté les dernières circonstances de l'accord des barons d'une manière plus claire et pius vraiseniblable.

(3] Les griefs des barons sont résumés dans ce dernier couplet d*un Serventois de Hues d'Oisy , l'un des plus ardens ennemis de Thibaut de Champagne :

Bien est France abâtardie , Signer baron , entendes , Quant feme l'a en baillie , Et telle comme savés.

n\ LES GRANDES CHRONIQUES.

esloit assez puissant de son royaume gouverner , avet l'aide des bonnes gens qui estoient de son conseil. Pour ceste chose murmurèrent les barons , et se mistrent en aguait comme il pourroient avoir le roy par. devers eux , et tenir en leur garde et en leur seigneurie.

Si comme le roy chevauchoit parmi la contrée d'Qrlians (1), il luy fu annoncié que les barons le faisoient espier pour prendre. Si se hasta moult d'aler àJ^ris , et chevaucha tant qu'il vint à Montlehery. D'illec ne se voult départir pour la doubtance des barons ; si manda à la royne , sa mère , que elle luy envoyast secours et aide prochainement. Quant la royne oï ces nouvelles, si manda tuit les plus puissans hommes de Paris et leur pria* qu'il voulsissent aicUer à leur jeune roy : et il respondirent qu'il estoient aprestés du faire , et que ce seroit bon de mander les communes de France , si que il fussent tant de bonne gent que il peussent le roy jetter hors de péril. La royne envoya tantost ses lettres par tout le pays, et si manda que l'on venist en rai<& à ceux de Paris , pour délivrer son fils de ses ennemis. Et s'assemblèrent de toutes pars à Paris les chev^ers d'entour la contrée et les autres bonnes gens.

Quant il furent tous assemblés, il s'armèrent et issirent de Paris à banières desployées , et se mistrent au chemin

Il et elle , lez à lez , La tiennent de compalgnie ; Cil n'en est fors rois clamés Qui plechà est couronés.

(Romancero François, page 188.)

(1) Par la contrée d'Orlians,. Nangis dit : « Cùm rex esset apud Castra sub Monte-Leterici. » C'est Châtres, aujourd'hui Arpajon, petite ville à peu de distance de Monllhery : il en est fait mémoire dans le fameux Noël :

Tous les bourgeois de Châtres

Et ceux de Monllhery.

Par corruption, on prononce : Les bourgeois de Chartres.,,

droit à Montlehery . Si tost comme il furent acheminés, nouvelles en viudrent aux barons : si se doublèrent forment de la venue de ces gens , et distreut entr'eux qu'il n'avoient pas tel force de gent qu'il se peussent couibatre à eux. Si se départirent et s'en alèrent chascun en sa contrée. Et cil de Paris vindrent au chastel de Montlefaier j , là trouvèrent le jeune roy , si l'en amenèrent à Paris', tout rengiés et serrés et appareilliés de combatre * s'il en f ust mestier (1).

Cornent le conte de Champaigne fu assailli des barons.

Droitement en l'an de grâce mil deux cens vingt et huit , pluseurs des barons s'assemblèrent, etcommepcièrent à gaster la terre au conte de Champaingne par devers Alemaigne (2) : car il l'avoient en moult grant haine pour ce qu'il s'estoit accordé au roy. Et mistrent tout en feu et en charbon quanqu'il trouvèrent devant eux ; et alèrent jusques à une ville qui a nom Gaourse (3). Quant il furent devant la ville , si la commencièrent à assaillir. Quant le conte Thibaut vit que il estoient si durement esmeus conti*e luy, si demanda au roy de France secours et , pour Dieu , qu'il luy voulsist aidier , et que tout ce faisoient les barons pour ce que il s'estoit à luy acordé.

Le roy reçut sa prière et envoya messages aux barons , et

leur pria qu'il se voulsissent déporter de dommagier le conte

* Thibaut ; mais les barons firent oreilles sourdes ; oncques

pour son commandement ne se vouldrent tenir. Quant

(1) Le récit sommaire de Nangis a beaucoup moins d'intérêt. L'appei fait aux communes y est omis.

(2) C'est-à-dire , par le point le plus éloigné des domaines du roi.

(3) Caourse, Gtiaource^à quatre lieues de Bar-sur-Seloe.

286 LES GKArfDES CHRONIQUES. .

le roy vit quil ne vouldrent ceser , si fist Tenir ses gens d'armes et souldoiers à pie et à cheval j et manda sa ebe- Valérie et ses communes (1), et se mut à aler contre ses barons f entalenté de prenre vengeance de tel fait. Les barons seurent que le roy venoit à tout grant ost, si se doubtèrent d'aler contre luy né ne l'osèrent attendre ; ains se départirent du. siège au phis tost qu'il porent et s'en alèrent chascun en sa c(»itrée. Quant le roy sceut certainement qull estoient départis du siège y il s'en retourna arrières, luy et son ost, et s'en revint en France.

Du duc de Bretaigne^

Assez tost après, en cest an meisme, Pierre Mauclerc s'en ala au roy d'Angleterre et luy fist entendant que , se il vouloit , encore pourroit-il recouvrer la duchié de Normandie que le roy Jehan son père avoit perdue. « Goment, » dist le roy , « la pourrois-je recouvrer ? se ce povoit estre, » moult volentiers y metroie paine. » — « Je le vous dirai , » dist le duc : « le roy de France est jeune enfant, né » n'a point aage de porter couronne , né n'a point esté » couronné de l'accort des barons mais contre leur volenté ; M pourquoy , se vous aliez sur luy , nul ne luy vouldroit » aidier; et ainsi poumez recouvrer la peite que vostre » père fist. » Tant dist , tant sermonna que le roy Henry s'en vint en Bretaigne à tout grant nombre d'Anglois. Le duc assembla grant foison de Bretons. Quant il furent tous assemblés , si firent grant ost et entrèrent en la terre au roy de France par force d'armes , et la commencièrent à

[i) Et ses communes, « Âc satelliluiti armatorum. » Naogis entendoit tans doute, par ces mots, la même chose que notre chroniqtieur.

gaster, et à bouter le feu es villes et es chastiaux , tant que le peuple fu si espoventé qu'il s'enfouirent es forteresces et aux Tilles deffensables ; et mandèrent au roy cornent il leurestoit (1).

Le roy fu moult eschauffé et enflambé de prendre vengence de tel fait ; grant ost assembla des communes et des bonnes villes de son royaume et fu son propos d'aler premièrement sur le duc de Bretaigne qui estoit maistre chevetaine de celle besoingne. Et chevauc|^a hastivement droit aU chastel de Belesme que le duc avoit receu en garde de par le père Saint Loys , quant il ala sur les Albigois , né rendre ne le vouloit , ains le tenoit par force. Le roy fist enclorre tout entour le chastel ^ et mist le siège tout environ né oncques ne le laissa pour l'yver. Si fu-il si grant et si fort que trop eust esté périlleux aux hommes et aux chevaux , se ne fust la royne Blanche qui estoit au si^e devant le chastel, qui fist crier parmi Tost que tous ceux qui vouldroient guaignier alassent abatre arbres , noyers et pommiers , et quanques il trouveroient de busche aportassent en l'ost.

Si tost comme elle l'eut commandé, les menus variés de Tost alèrent abatre quanques il trouvèrent et envoièrent à charrettes et à chevaux en l'ost. £t cil de l'ost firent grans feux par les tentes et par les paveillons, si que la froidure ne peust emporter les hommes né les chevaux. Tantost comme le siège fu environ le chastel , l'en courut à l'assaut, et cil de dedens se deffendirent bien et viguereusement , si que, celle journée, la gent le roy ne porent riens faire. L'endemain le mareschal de l'ost fist assembler ceux qui savoient miner , et commanda que il minassent par dessoubs les fondemens du chastel, et il les deffendroit luy et sa che-

(1) Cet alinéa occupe deux lignes dans le récit de Nangis.

vaTerîe. Lovs fu crié parmi Tost que tuit alassent à l'assaut; et puis commencièrent à lancier à ceux de dedeus et à paleter. Et cil dedens se deffendirent qui firent les mineurs reculer et fouir , et dura l'assaut sans cesser jusques à nones. Si fu le chastel moult froissié et moult empirie dessoubs. L'endemain au matin le mareschal fist drecier deux engins ; l'un jeetoit grosses pierres et l'autre plus petites. Si jectèrent les maistres du grant engin une pienre si grosse dedens le chastel que elle confondi tout le palais du chastel j et furent mort tuit cil qui dedens estoient ; et du grant hurt qu'elle donna ,. elle estonna toute la maistre tour et la fist crosler.

Quant cil de dedens se virent si entrepris , si ne sorent que faire ,. car il virent bien que le chastel estoit tout deffroissié et dessus et dessoubs; et que il estoit tout ainsi comme autresbuchier; et, avec ce^nul secours neleUr venoit du duc où il avoient moult grant fiance ; si se rendirent au Eoy et vindrent à mercy.

Quant le roy d'Angleterre o'i dire que Belesme estoit pris, si se doubta moult forment et manda le duc et luy dist : « Tous me disiez et faisiez entendant que ce jeune roy n'a- » voit nulle aide de ses hommes ^et il m'est advis que il » a plus grant force de gent que moy et vous n'avons ; se >» il vient sur moy , cornent me pourrois-je deffendre ? je » n'ay pas gent pour combatre à luy, et si ne fait pas temps >» pour mener guerre. » Quant il eut ce dit, il se parti du duc , et se mist en mer et retourna en Angleterre dolent et couroucié , pour ce qu'il n'avoit riens fait

(I239J SALNT LOYS. 239

Cornent le rojr enuoîa d la Haye-PaineL

Le jour que le roy eut pris Belesme, nouvelles luy vindrent que ceux de la Haye-Painel (1 ) s'estoient tournés contre luy. La roy ne Blanche qui moult estoit sage dame , manda devaitt elle un chevalier qui avoit nom Jehan des Vignes , et luy commanda que il alast hastivement celle part , et que il prist vengeance de ceux qui ne vouldroient faire sou commandement. Cil se parti de l'ost et amena avec luy de bonnes gens d'armes ; et chevaucha tant que il vint là, et s'embati en la terre et en la contrée^ et prist tout en sa main. Car il furent surpris , né ne se donnoient de garde que le roy envoiast sur eux en tel temps comme en y ver. Avec ce il cuidoient qu'il eust trop à faire contre le duc et contre le roy d'Angleterre ; si se i-endirent , et vindrent à mercy.

Vin.

Cornent le roy ala à la terre le duc de Bretaigne,

Le roy se parti de Belesme , et entra en la terre au duc de Bretaigne et vint à un chastel que on nomme Audon (2). Tost mist le siège de sa gent tout environ , et fîst traire et lancier à ceux de dedens tant qu'il ne porent endurer la force le roy ; si se rendirent. Quant ce chastel f u pris , le roy

(1) La Baye-Painet, en Normandie, entre Avranches et Granvllle. C'est maintenant un bourg sur la rivière de Thar, — Nangis ne parle pas jci de la reine Branche.

(2) Audon, C'est Oudon> sur la Loire, à deux lieues d'Ancenis. Ce bourg est sur la frontière de Tancionne Bretagne.

240 LES GRANDES CHUONIQUES.

s'en ala à un autre que l'en appelle Clianciaus ( 1 ) ; ceux dedens eurent trop grant paour, quant il virent si grant ost et si efforcieinent venir encontr'eux. Tous les puissans hommes issirent hors du cbastel et portèrent les clés au roy, et se rendirent sauves leur vies. Le roy fist tantost garnir le chastel de sa gent, et le tint en sa main et en sa garde.

Quant le ducapperçut la grant force le roy, si lui chaji son orgueil et mua son courage : et manda à son frère le conte de Dreues qui moult estoit bien du roy , et à ses autres amis que il fissent tant que le roy se voulsist souffrir de gaster ainsi sa terre. Quant le conte sceut le mandement son frère, si en fu moult lié , car il se doubtoit qu'il ne perdist sa terre. Si pria tant le roy qu'il le receut à mercy , en telle nianière que il donna pleiges et seurté que il ne venroit plus contre le roy. Lors fu mandé le duc et jura sus sainctes évangiles que jamais ne venroit contre luy ; et luy fist hommage devant les barons qui là estoient venus et donna bons pleiges et bons hostages que plus il ne vendroit contre luy.

Quant le duc de Bretaingne se fu acordé au roy , les autres barons en furent plus humbles né n'osèrent mouvoir guerre contre le roy depuis ce jour en avant ; dont il avint que le roy gouverna son royaume quatre ans tout entiers, sans avoir nulle adversité.

Du roy ttArragon , cornent il conquist le pals de Mailiogres.

En cel an meisine , messire Jacques (2) roy d'Arragon tint son parlement en la cité de fiarselogne , et manda tous les

(1) Chanciaus. Aujourd'hui Champioceaux, peiUc ville entre Oudon et Anceniê, sur la Loire.

(3) Jacques, Jiiyme 1'»", surnommé le Conquérant.

J)arons de son royaume et toute la chevalerie , et leur dist que la court de Rome luy avôit mandé qu'il alast oultre mer monstrer sa prouesce et sa chevalerie contre Sarrasins. M Mais il m'est avis , » dist le roy , « que mieux me ven- N droit monstrer ma prouesce contre les Sarrasins qui sont » prouchains de moy et joignent à nostre royaume , se w vous le loez. Yezci pràs de nous le roy de Maillogres qui » ne nous aime né ne prise un bouton et tient belle terre » et bonne , laquelle nous pourrons bien avoir , se vous me » vouliez aidier ; et se Dieu nous donne grâce que nous la » puissons conquerre , nous en départirons à nos amis bien H et largement ; et en sera Nostre-Seigneur Jhésucrist servi » et honnouré, et la faulse loy que il tiennent destruicte. » Les barons respondirent que il estoient près de luy aidier , et de mettre les corps et les vies abandon.

Quant le roy vit la bonne volenté de ses hommes , si assembla son ost de tant de gent comme il pot avoir , et entra en la terre de Maillogres (1). Les sommiers qui aloient devant accueillirent la proie , si comme chièvres , buefs , moutons , et amenèrent en l'ost au roy d'Arragon ; et mistrent à mort tous les Sarrasins qu'il trouvèrent. Si leva la noise et le cri, et s'en vont Sarrasins fuiant vers les forteresces et vers les vaux de Burienne (2). En telle manière s'en ala le roy d'Arragon, en dégastant tout devant luy , tout droit le chemin à la cité (3) de Maillogres ; et d'autre part, il envoya deux frères (4), les meilleurs chevaliers de son ost, es vaux de Burienne.

(1) En la terre de Maillogres. Il falloil : En la terre des Sarrasins, et dans le royaume de Valence. L'expédition de James eut en effet pour résultat la conquête dos Baléares et celle de Valence.

(2) Les vaux de Burienne, De Borriano, ville du royaume de Valence, entre cette dernière ville et Tortose.

(3) A la cité. Il falloit : A nie.

(4) De rancicnne maison de Aloncade.

2ï2 LES GRANDES CHRONIQUES.

Tant alèrent les deux frères ayant , qu'il vindrent à un chastel près d'une vallée; là se reposèrent jusques à l'endemain. Quant vint au matin , si commandèrent à leur gent qu'il fussent tous garnis de leur armes , et tous près pour aler avant sus les anemis , et il si firent comme il eurent commandé. Les deux frères s'armèrent et alèrent devant, ainsi comme ceux qui ne cuidoient pas estre si près de leur anemis et n'atendoient point leur compaingnie. Si ne furent pas esloigniés de leur ost plus du quart d'une mille , que Sarrasins qui estoient muciés es roches leur coururent sus et les avironnèrent de toutes pars. €il qui se virent seurpris se mistrent à deffense, et avoient espérance que il fussent tost secourus de leur gent , avant qu'il fussent pris né occis ; mais les Sarrasins se hastèrent moult de eux empirier ; si les boutèrent jus de leur chevaux, et puis leur boutèrent les glaives es corps ; si les occirent.

£t quant il orent ce fait, il tournèrent en fuie vers un chastel qui estoit à deux milles d'ilec. Et les Arragonois chevauchièrent tout le chemin, si trouvèrent leur maistres occis. De ceste aventure furent-il esbahis et si troublés que il ne sorent que dire né que faire. Si gai'dèrent et quistrent de toutes pars se il peussent trouver ceux qui ce dommage leur avoient fait , et pensèrent qu'il estoient tournés vers le chastel qui estoit devant eux; si s'en alèrent hastivement celle pai*t et assaillirent le chastel tantost comme il y furent venus. Et ceux de dedens se deffendirent et firent brandons de feu sus la plus haute tour , pour ce que cil des autres villes voisines les peussent veoir et qu'il les venissent secourre. Et les Arragonois entendirent à assaillir et tant firent qu'il entrèrent ens par devers les jardins , et prisrent par force le chastel , et occistrent tous ceux qu'il y trouvèrent , hommes et femmes et enfans; et puis boutèrent le feu au chastel par tout et se mistrent au chemin droit au roy d'Ar-

lagon j et luy contèrent le dommage qu'il avoient eus.

Le roy fu moult dolent et courroucié de la mort de ses deux chevaliers : si jura et promist à Dieu qu'il ne retourneroit jamais en Arragon , devant qu'il auroit leur mort vengiée. Le roy de Maillogres qui bien sa voit coment on gastoit sa terre, manda secours au roy de Garnade et au roy de Maroc , et au prince d'Aumarie (1) ; et d'autre part , il le fist assavoir au roy de Barbarie et au roy de Bougie (2), pour avoir secours et aide. Quant il eut Sarrasins asseuiblés, si yssi hors de Maillogres contre le roy d'Arragon à bataille. Le roy Jacques fu d'autre part qui bien ordena ses batailles, et leur monstra exemple de chevalerie, et qu'il pensassent de bien £érir sus Sarrasins^ s'il vouloient avoir l'amour de Dieu.

Quant Arragonnois furent près de leur ennemis , il baissièrent les glaives et se férirent en eux. Entre les Sarrasins en y avoit un merveilleusement grant et plein de grant force : si tenoit une guisarme (3) et s'en vint vers le roy et le cuida férir à plain bras estendu , mais le roy tourna de costé pour le coup eschiver; et un chevalier qui fu près du Sarrasin fëri son cheval d'une lance jusques aux boiaux. Au trébuchier que le Sarrasin fist de son cheval , si comme la teste luy enclina vers terre , le roy le féri, entre la jointure de son hiaume et la gorgière, d'une espée longue et gresle ; si luy embati tout oultre parmi la gorge.

Quant le Sarrasin se senti à mort féru , il haucia lac guisarme et féri un chevalier parmi la teste si grant coup qu'il luy embati bien plaine paume dedens , et tresbucha le chevalier et le cheval , tout en un tas par devant luy. Après

(1) Aumarte ou Almerie. Dans le royaume de Grenade. G'éloU alors une ville très-forte et très-opulente.

^2) Bougie, en Afrique , aujourd'hui province de V Algérie. (3) Guisarme, Ilaclie à deux tranchaos.

ceque le Sarrasin eut fait le cop , il chéi mort entre les pies des chevaiix. En ce Sarrasin avoit le roy de Maillogres grant espérance d'avoir victoire , si se doubta , et tous les autres Sarrasins orent grant paour. Les A'rragonnois qui bien virent leur foible contenance , leur coururent sus hastivement et férirent et chaplèrent sur eux , tant qu'il les menèrent à desconfiture , et qu'il coururent en fuie vers Maillogres. Et les Arragonnois les enchacièrent si près, qu'il entrèrent avec eux dedens la ville, et tindrent par force d'armes les portes ouvertes , tant que le roy et grant partie de sa gent furent entrés ens. Si mistrent à mort tous les Sarrasins qu'il trouvèrent en la ville , et les femmes et les enfans mistrent en chetivoison. Le roy fist mettre sa banière haut en la maistre tour ; pour ce que cil qui venoient après luy sceussent certainement qu'il avoient la ville prise. Puis se reposèrent, car il estoient forment traveiiliés de la bataille, et trouvèrent vins et viandes assez pour leur corps aaisier.

Quant il eurent séjourné un pou de temps , il se mistrent à la voie et vindrent à une cité qui a nom Yicenne (1). Mais ceux de la ville qui sorent leur venue , envoyèrent contre eux les clefs de la cité et se rendirent à la volenté le roy. D'ilec se partirent et alèrent à une autre cité que l'en nomme Valence (2) , où monsieur saint Laurens fu né que Dacien l'empereur de Rome fist rostir pour ce qu'il estoit crestien. Quant il vindrent devant la cité , si tendirent leur tentes et leur paveillons, et mandèrent à ceux de dedens bataille, ou qu'il se rendissent» Les Sarrasins virent bien qu'il ne pourroient longuement durer, si se rendirent par telle condicion que ceulx qui ne voudroient estre crestiens s'en peussent aler sauvement , et seroient conduis hors de

(1) Vicenne, Sans doule ivicOf Tune des lies Baléares.

(2) Valence y en Espagne. Guillaume de Nangls nomme avec raison Saint-Vincent au lieu de Sainl'LaiireDl.

(1230.) Saint loys. 245

la contrée et du pays , et qu'il eu peusseut porter La moitié de leurs meubles. Le roy regarda que la ville estoit defeu* si^le, et qu'il y porroit longuement séjourner avant qu'elle peust estre prise , si s'accorda à tenir les convenances fermement.

Quant il furent asseurés, il ouvrirent les portes, et le roy eotra en la ville et se mist en saisine des forteresces. Après ce que le roy eut conquis toute la terre de Maillogres, il en départi à ses gens et à ses barons si largement que tous s'en tinrent apaiés ; et fist la foy crestienne monteplier par tout le royaume.

De madame sainte Ysahelf fille le roy de Hongrie.

Ainsi comme le roy d'Arragon se contenoit en proesce et en chevalerie qui moult plaisoient à Nostre-Seigneur , en ce temps meisme, saincte Ysabel (1), fille au roy de Hongrie, se contenoit en prouesce de pitié et de miséricorde. Elle estoit femme Lendegrave le duc de Thoringe (2) qui moult estoit preud'homme et de bonne vie. Yolenté vint au duc d'aler oultre mer requerre le saint sépulcre et de aidier les crestiens à deffendre la terre contre les Sarrasins. Mais il n'y demoura pas quatre ans que la mort le prist. Avant que il mowust, il commanda que son ossellemente fust apportée à Ysabiau sa femme , et qu'elle le fist enterrer en une aU>aye où. ses devanciers estoient enterrés* Tout en la manière que il commanda la bonne dame fist ; et fist faire son service soUempnelment. Tantost comme il fu enterré ,

(1) Ysabel, Variante : Elisabeth. M. le coniie de Montalerobert vient de publier un véritable chef-d'œuvre d'éloquence, d'érudition et de piété, sous le titre d' Histoire de sainte EUsabeth de Hongrie , duchesse de Thuringe, Paris, 1836.

(S) Lendegrave. Il falloit : Du landgrave ou duc de Tburinge.

nouvelles coururent par le pays que le duc de Thoriuge estoît mort : si s'assemblèrent ses anemis ensemble , et vindrent au chastel où sa femme estoit , et boutèrent le fett dedens , pour ce qu'il la youloient prendre ou ardoir, par droite féionnie et en despit de son baron.

En droit l'eure de mienuit , si comme le feu fu bouté en la ville, la dame sailli sus, toute effrayée, et s'en fouy par une petite porte hors du chastel, à pou de compaingnie, qu'elle ne fust apperceue ; et s'en vint à l'évesque de Bavière qui estoit son oncle qui la reçut moult honnoraUement , et fu moult couroucié de sa perte quant il le seut; et luy dist : « Belle niepce , or soies toute aaise avec nous j » et menés bonne vie et nette , et nous penserons de vous » marier. Vous estes de si haute ligniée que vous devez » bien avoir homme de grant renom. » — Certes , >» distelle, <c de grant renom le vuèil-je avoir, né plus haut né plus » digne de luy n'est trouvé. Cest mon père et mon espoux » Jhésucrist qui le sera tant comme je vivray. »

La bonne dame demoura une pièce de temps en la garde son oncle , si luy fu avis qu'elle ne povoit point bien faii'e ses aumosnes né visiter les povres ; d'iliec se parti et s'en ala à un chastel plus parfont en AUemaigne ; si luy plut illec à demourer né n'avoit que cinquante mars à despendre. Un jour avint que elle regarda un quarrefour oùpluseurs chemins s'assembloient de diverses païs et de loingtaines conti^ées; si que moult de povres gens et de souffreteux passoient ce chemin. Si fist faire une grant maison et lai-ge sus quatre pilliers ; là où elle commença à hébergier tous les povres trespassans ; et ceux qui estoient inferiiies et malades elle les soustenoit tant qu'il fussent garis et enforciés ; et selon ce qu'il estoient de lointaines terres, elle leur donnoit aident à faire leur despens , tant qu'il fussent venus en leur contrée.

Moult se prenoit bleu garde des femmes enceintes qui n'avoient dont il se peusseut aidier ; car elle-meisme les servoit , et leur treuchoit leur viandes et leur faisoit leur lis. Quant le menu peuple le sceut , si commencièrent à venir de moult de parties , si que elle eut moult â faire. Si prist en sa compaingnie femmes fortes et viguereuses qui luy aidièrent les povres à soustenir et à servir. Et , quant les povres estoient venus au vespre pour reposer, si regardoit ceux qui estoient povrement chauciés ; à ceux lavoitelle les pies ; et puis , l'endemain au matin j elle leur donnoit soulers selonc la mesure de leur pies ; car elle estoit tous temps garnie de soulers grans et petis pour donner à ceux qui mestier en avoient; et elle-meisme leur aidoit à chaucier. Et puis si les convoioit et conduisoit tant qu'il fussent au chemin où il dévoient aler.

Quant les povres estoient aaisiés et couchiés , la bonne dame prenoit sa soustenance avec ceux de son hostel : né ne YouUoit avoir plus maistrie né seigneurie que les femmes qui servoient les povres avec luy , fors tant que quant elle en véoit une trop lente et trop paresceuse, et elle luy commandoit à faire son service , se celle n'y vouUoit aler , ellemeisme y aloit , pour servir et pour aidier aux povres , tant qu'il fussent en leur lis couchiés : car il avenoit aucune fois qu'il se relevoient par nuit pour aler à chambre ou pour faire orine ; si ne savoient rassener à letu* lis , se il n'y estoient conduis et menés.

Aucune fois avenoit que elle n'avoit nul povre à servir , si comme entour tierce ou entour midi , que il n'estoient pas encore venus. Si s'en aloit seoir avec les plus povres femmes de la ville et filoit laine ; et de ce fil en faisoit faire draps dont les povres estoient revestus. En povre habit se maintint depuis la mort de son seigneur , né n'eut oncques cure de cointise. Pour ce qu'elle aimoit tant les povres

?«8 LES GRANDES CHUONIQUES.

gens j les dames du pays Forent en grant despit , et luy tournèrent le dos né n'orent cure de sa compaignie.

Le roy de Hongrie oï dire que sa 611e estoit en trop grant povreté ; si commanda à un chevalier que il alast yëoir en quel point elle estoit. Le chevalier se mist à la voie et vint droit à un chastel où il cuida trouver la bonne dame ; et se heberga chiës le seigneur de la ville , et demanda de la dame où il la trouveroit ? et on luy dist qu'il la trouveroit en un hospital où il ne repairoit que truans et povre gent. L'endemain au matin s'en ala le chevalier celle part , et trouva saincte Ysabel avec les povres femmes qui filoient laine , et avoit vestu un surcot tout esré et tout recluté (1).

Quant le chevalier la vit j si en eut grant abominacion , et dist à son escuier : « Par mon chief , ceste-cy ne fu onc- M ques fille de roy, aucun truant coquin (2) l'engendra. » Si s'en retourna arrières né oncques ne la voult saluer né parler à elle. Quant la bonne dame eut esté ainsi longtemps, une maladie la prist si fort que nature ne le pot souffrir. Si comme le prestre l'enolioit (3), une volée d'oisiaux vint de devers le ciel aussi blans comme noif (4), et s'assistrent sur les ax^ bres d'environ les pourpris, et commencièrent bien à chanter si doux chant et si plaisant que la gent d'illec entour laissièrent toutes besoingnes pour eux escouter, né ne cessèrent de chanter jusques à tant que l'ame luy fu issue du corps. Et quant elle fu transie (5) y il s'en volèrent vers le ciel. Si tost comme elle fu mise en son tombel , toutes manières de gens estranges et infermes de toutes maladies diverses commencièrent à garir dès ce qu'il s'estoient reposé de-

(1) Esré et recluté. Erayé et rapiécé.

(2] Truant coquin. Valet de cuisine.

(3) Venolioit, L'enoignoit. Le mot perdu de l'ancien chroniqueur est plus doux et mieux composé que celui de notre langue moderne.

(4) noif. Neige.

(5) Tramie* Trépassée.

vant son tombel. Commune renommée s'espandi par le pays des grans miracles que Dieu faisoit pour luy , si que moiût de bonne gent de lointaines terres la requistrent en grant dévocion.

De saint Antoine de tordre des frères meneurs.

En celle année meisme fu canonisé saint Antoine de Tordre des frères meneurs , et mis au registre des sains à la court de Rome par ses bonnes mérites et par la saincte vie que il mena en cest monde , tant comme il y fû.

Cornent le roy fist Royaumont.

L'an de grâce mil deux cens trente, fist le roy faire une abbaye de l'ordre de Gistiaux en l'éveschié de Biauvais de lès Biaumont sur Aise ; eu un lieu que on nommoit (1) Roy au mont. Il y mist abbé et couvent , pour servir Nostre- Seigneur , et donna rentes et possessions pour eux soustenir largement.

xm.

Cornent k roy saint Loys fist la pais des clers et des bourgois

de Paru.

Si comme le roy entendoit à faire l'abbaye de Royaumont , nouvelles luy vindrent que les bourgois de Paris et

(1) GaUlaume de Nangis dit t « Que l'en disoit Cuimont, et l'appella* l'ea Royaumont. » — Aise, Oise.

les clers estoient en grans contens et en grant hayne. Et y furent plusieurs clers occis,' car il commencièrent la meslée , et des bourgois ot aussi aucuns d'occis. Et pour ce qu€ les clers n'orent amende à leur volenté , il s'esmurent et distrent qu'il iroient en autre contrée pour estudier. Le roy d'Angleterre , qui bien sceut le descort , leur manda qu'il venissent à Ocenefort (1); et il leur donroit hostels et maisons franchement jusqu'à dix ans , et pluseurs autres franchises s'il y vouloient demourer. Mais le roy de France ne voult pas que le clergie (2) s'esloingnast de luy, si fist la paix des clers et des bourgois , et fist tant que les clers demourèrent et repristrent leur leçons et commencièrent à lire. Pour ce le fist le roy que chevalerie et clergie sont volentiers ensemble.

Jadis en l'ancien temps , clcrgjie demoura à Athènes et chevalerie en Grèce. Après , d'ilec s'en parti et s'en ala à Rome , et tantost chevalerie après. Par l'orgueil des Romains se parti le clergie de Rome et s'en vint en France, et tantost chevalerie après. Et de ce nous segnifie la fleur de lis qui est escripte es armes au roy de France. Car il y a trois feuilles (3) : la feuille qui est au milieu nous segnifie la foy crestienne, et les autres deux du costé segnifient le clergie et la chevalerie qui doivent estre tousjours appareilliés de defiPendre la foy crestienne. Et tant comme ces trois demoureront en France, foy , clergie et chevalerie , le royaume de France sera fort et ferme et plain de richesce et de honneur (4).

(1) Ocenefort, Sans doute Oxford.

(2) Le clergie. C'est-à-dire : Le corps des savans.

(3) Trois feuilles. Il s'agit ici des feuilles qui composent la fleur de lyst et non pas du nombre de ces fleurs dans Técu royal.

(4) Nous pardonnera - 1 - on d'exprimer ici le regret que tous les vieux François éprouvent de ne plus voir les Fleurs de lys dans l'écu royal de France? Et l'histoire dira- 1- elle à la postérité que l'éca