ACTEUR COMIQUE

Cy dessoubz gist et loge en serre Ce très gentil fallot <• Jehan ^ Serre, Qui tout plaisir aUoit suyvant, Et grand joueur en son vivant, Non pas joueur de dez ne quilles, Mais de belles farces gentilles.

Auquel jeu jamais ne perdit.

Mais y gaigna bruit et crédit, Amour et populaire estime, Plus que d*escuz, comme j'estime.

Il fut en son jeu si adeslre *S Qu'à le veoir on le pensoit estre Yvrongne, quand il se y prenoit".

Ou badin, s'il l'enlreprenoit :

46. A tout prendre. — 47. Me fait sortir des rangs. — 48. La preniière semaine du printemps. — 49. Badin. — 50. Prononces Jean d'une seule émission de voix. — 51. Adroit. — 52. Prononcez : quand il s*y prenoit.

Et D*6ust sceu faire en sa puissance Le sage: car à sa naissance

Nature ne luy feit ^ la trongne

Que d*un badin ou d'un ivrongne,

Toutesfoys je croy fermement

Qu'il ne feit " onq si vivement

Le badin qui rit ou se mord

Comme il faict maintenant le mort.

Sa science n'estoit point vile, Mais bonne; car en ceste ville Des tristes tristeur destournoit, Et rhomme aise en aise tenoit.

Or bref, quand il entroit en salle, Avec une chemise sale, Le front, la joue et la narine Toute couverte de farine, Et coiffé d'un béguin d'enfant, Et d'un hault bonnet triumphant Gamy de plumes de chappons.

Avec tout cela, je respons Qu'en voyant sa grâce nyaise.

On n'esloit pas moins gay ny ayse, Qu'on est aux champs Elysiens.

vous, humains Parisiens, De le pleurer pour recompense Impossible est, car quand on pense A ce qu'il souloit" faire et dire.

On ne se peult tenir de rire.

Que dy je! on ne le pleure point ; Si faict on et voicy le poinct :

On en rit si fort en mains lieux.

Que les larmes viennent aux yeulx :

Ainsi en riant on le pleure.

Et en pleurant on rit à l'heure.