A LA REINE DE NAVARRE

Mes créanciers, qui de dixains n'ont cure, Ont leu le vostre, et sur ce leur ay dict :

« Sire Michel, sire Bonaventure, La sœur du Roy a pour moy faict ce dict. »

Lors eulx, cuydans « que fusse en grand crédit , M'ont appelé Monsieur à cry et cor.

Et m'a valu vostre escript autant qu'or, Car promis ont, non seulement d'attendre, Mais d'en prester (foy de marchant) encor.

Et j'ay promis (foy de Clément) d'en prendre.