ÉPITAPHE EN FORME DE BALLADE

Frères humains, qui après nous vivez, N'ayez les cueurs contre nous endurciz, Car, si pitié de nous pouvres avez, Dieu en aura plustôt de vous merciz.

Vous nous voyez cy attachez cinq, six :

Quant de la chair, que trop avons nourrie.

Elle est piéça *» dévorée et pourrie.

Et nous, les os, devenons cendre et pouidre.

De nostre mal, personne ne s'en rie ; Mais priez Dieu, que tous nous vueille absoudre!

Se • vous clamons «*, flrères, pas n'en devez Avoir desdaing, quoyque fusmes occis Par justice ^^. Toutesfois, vous sçavez Que tous les homs n'ont pas bon sens assis; Intercédez doncques, de cueur rassis.

Envers le Filz de la Vierge Marie :

Que sa grâce ^^ ne soit pour nous tarie.

Nous préservant de l'infernale foudre.

Nous sommes mors, àme ne nous harie; Mais priez Dieu, que tous nous vueille absoudre!

La pluie nous a debuez >& et lavez, Et le soleil, desséchez et noirciz; Pies »«, corbeaulx, nous ont les yeux cavez. Et arrachez la barbe et les sourcilz.

Jamais, nul temps, nous ne sommes rassis;

23. Depuis longtemps. —24. Prions. — S5. Lessivés. La lessive se nomme encore 6u^e dans les campagnes.

Puis ça, puis là, comme le vent varie,

A son plaisir, sans cesser, nous charie.

Plus becquetez d'oyseaulx, que dez à couldre. »

Hommes, icy n'usez de mocquerie.

Mais priez Dieu, que tous nous vueille absouldre!

ENVOL

Prince Jésus, qui sur tous seigneurie, Garde qu'Enfer n'ayt de nous la maistrie :

A luy n'ayons que faire ne que souldre **; Ne soyez donc de nostre confrairie, Mais priez Dieu, que tous nous veuille absouldre.