DÉLIBÉRATION DÉS ÉCHEVINS
« Du jeudy douziesme jour de mars MDC quarante trois, après midy, en l’hostel commun de la ville de Lyon, y estant : Messieurs Mascranny, prevost des marchans ; Cliappuy , Boniel, Le Maistre, Pillehotte, eschevins.
« Lesdictz sieurs ayant mis en considération que le plus grand bien et adventage qu ilz pouvoient procurer à ceste ville, etoyt de la mettre soubz la protection toute puissante de la très saincte et immacullee Vierge Marie, mere de Jesus-Christ, nostre Seigneur, par quelque honneur et dévotion extraordinoire que le corps consuloire luy rendroit annuellement, invitez a ce bon œuvre par le pieux exemple de nostre Roy très chrestien, duquel les armes et les desseings prospèrent au poinct que chascun sçoit soubz une si puissante protection.
« A quoy faire ilz se trouvoient d’aultant plus obligez que, faisans reflexion sur ce que nonobstant les soings très exactz et le bon ordre fort ponctuellement observe en ceste dicte ville, puis l’annee 1628, le mal contagieux n’a laisse presque d’y continuer jusques a présent, de maniéré qu’il semble n’y avoir lieu d’esperer d’en estre sy promptement délivrez par des remeddes humains, et pour obtenir du ciel ceste grâce, il soit necessaire de recourir puissamment aux intercessions, prières et protection de la très saincte Vierge pai quelque evolion
plus grande qu’a l’ordinaire.
« L’affaire mise en deliberation, a este résolu que sur la terrasse qui est au devant de la loge des Changes , a l'endroict qui sera juge le plus honorable et le pins commode , l'on dressera un pied destail de la baulteur de cinq piedz et demy, faict de bonne pierre noire de saint Cue, bien polie, ayant ledict pied destail deux tables de mesme pierre, l’une du coste de la place des Changes et l’autre de celuy de ladicte loge, pour pouvoir y faire graver 1 inscription que
* Nous empruntons le texte de cette délibération à la brochure qui a pour titre F Ancienne chapelle de Fourvière ; Lyon, 1894; Jevain, imprimeur, in-8° de 124 pages; pages -3b-d8.
l’on ad visera, et que sur ledict pied destail sera posee une figure de la Vierge faicte de marbre blanc, de la hauteur de cinq piedz, tenant son petit Jésus sur son bras gauche en luy présentant., de la main droite, un cœur. En outre ce, les dictz sieurs ont résolu et arreste que sur le bout de la pille du pont de Saosne, sur laquelle il y a une croix de pierre posee, l’on placera une autre figure de la Vierge de marbre blanc de la haulteur de cinq piedz et demy, soubz un petit dôme triangulaire compose de trois petites arcades de la largeur de trois piedz sur six de haulteur, et que celle des dictes arcades qui fera face du coste du midy, qui est celluy du dict pont, sera enrichie de deux petites collonnes pierre noire polie, de la haulteur de six piedz et de l’ordre dorique , et le reste dudict dôme basty de mesme pierre noire sans pollissure. Au devant duquel dôme sera construict un autel de ladicte pierre noire au parement duquel sera posee une table aussy pierre noire bien polie pour y escrire telle inscription que l’on résoudra. Et sera la croix qui est a présent au dict endroict, posee au plus hault du dict dôme, le tout suivant les desseings qui en ont été faictz par le voyer de la dicte ville.
a Et finalement les dicts sieurs prevost des marchans et eschevins voullans accompagnier ces actes extérieurs de dévotion envers la dicte Vierge, de la dévotion intérieure du cœur et la continuer par une recognoissance annuelle , ont résolu que tant eux pendant les années de leur administration, que leurs successeurs es dictes charges, iront a pied , toutes les festes de la Nativité de la Vierge, qui est le huictiesme jour de septembre, sans robbes, neantmoins avec leurs habitz ordinaires, en la chapelle de Nostre Dame de Fourviere, pour y ouïr la saincte messe, y faire leurs prières et dévotions a ladicte Vierge, et luy offrir en forme d’hommage et recognoissance la quantité de sept livres de cire blanche en cierges et flambeaux propres au divin service de ladicte chapelle et un escu d’or au soleil. Et ce, pour disposer ladicte \ierge a prendre en sa protection particulière ladicte ville.
« Dont a este fait le présent acte.
Plan de la basilique supérieure de Fourviere.
« Mascranny, Ciiappuy, Boniel, Le Maistre, Pilleiiotte.
APPENDICE III
