DEUXIÈME PARTIE. LA RÉFORME
gestes les advoir honorifie et adhérer a iceux. Meisme, soy estre vante en plusieurs et divers lieux davoir monte en la tour de ladite église et abaie pour faire le guet, et, voiant arriver icelle part les catholicques de tous costez, davoir de ce adverty lesdits sectaires affin deulx sarmer.
Par dessus ce, davoir fréquente les presches des ministres et predicans desdits sectaires en divers lieux et y continue, meismement davoir ce fait le jor précèdent au dit saccaigement en deux lieux estans embastonne, avecq ce tenus propos en divers lieux contre la vénération que Ion fait a la vierge Marie et aux sainctz, et blasme les voiaiges et pelerinaiges que Ion fait a iceulx, aussy tenu propos contre la révérence quy se fait aux ymaiges et représentations desdits sainctz. Et en ce faisant use de paroles tant infâmes, exécrables et scandaleuses qui ne sont icy a exprimer par la turpitude dicelles. loffense et scandalle que en polroient recevoir les auditeurs Davantaige, tenu propos hereticques, erronnes et en
vilipendence et irrévérence de lordre et dignité sacerdotale, constitutions et cérémonies de leglise, et contraires a la vraie foy anchienne et catholicque religion. Semblablement, use de paroles comminatoires allencontre daucuns soldatz quy disoient les aller veoir a leurs presches, desquelles faultes, abus et errceurs il avoit continue aulcunes années.
Nous, pour ces cas et aultres reprins par son procès, suivant la conclusion prinse par le dit procureur et les lettres de placcart et ordonnance de Sa Mate, desquelz tant sur le fait de la religion que des troubles et désordres passez, ensemble aultres ordonnances et lettres closes de son Excellence et de Messeigneurs du conseil destat, avons a mœure délibération de conseil condamne et condamnons le dit Hubert de le Croix destre mis au dernier supplice par lespee, déclarant tous et quelzconcques les biens dicelluy confisquez au profict de sa Mate.
Signe J. de Lattre.
Registre aux Dictums, octobre 1567 à novembre 1571.
Extraits des registres au criminel
Le xix dapril mil cinq cens septante huict, Roland de Wavrechin, cordier, pour avoir mis en avant publiquement que Ion tenoit la presche en ceste ville, déclare le lieu ou elle se faisoit, et tenu aultres propos non véritables, a este condempne a faire escondit en jugement, teste nue, genoulx flexis, et faire un voyaige a Nostre Dame de Cambray.
Archives de Douai, Registre FF 389, fol. 88.
Le xxme jour de juing mil cincq cens septante huict, sr Loys Souquenel, prebstre chanoine, pour les suspicions vraysemblables que Ion a contre luy dadherer et tenir la partie de lennemy, a este congie de ceste ville, leschevinaige durant.
Registre FF 389, fol. 93.
PIÈCES JUSTIFICATIVES
On fait sommation de par le Roy nostre sire, comte de Flandres, de par nos seigneurs les gouverneur, bailly et eschevins de ceste ville pour justice, a Polrus Lefebvre, Léon Dablaing, Franchois Hastu, Charles Follet, Points Lhoste, Jacques le Maire, brasseur, Euslache et Franchois Vairier frères, Holoferne de Landas et Nasare Dourgas, et a chacun deux, que en dedens xl jours dhuy ilz et chacun deulx rendent leurz corps prisonniers es prisons de ceste ville, pour estre a droict et a loy, et respondre a telles fins et conclusions criminelles et aultres que contre eulx et chacun deulx voldra et sçaura prendre et eslire Mondsr le bailly ou son lieutenant, a cause des séditions, comotions et esmotions populaires nagueres advenues en ceste ville dont ilz sont accusez et charger estre les autheurs, a paine, se ilz sont defaillans, de eulx rendre et comparoir comme dessus, que lesdits jours passez et expirez, sera contre eux et chacun deulx procède par bannissement et aultrement, comme mes dits s" trouveront au cas appartenir conforme aux privilèges de ceste ville. Pourquoi quy tant les ayme le leur fait savoir.
Publie au parvis de la halle de Douay, le xiie de novembre 1578.
Registre FF 389, fol. 97.
Jugement de Polrus Lhoste.
On fait assçavoir de par le Roy nostre sire, comte de Flandres, bailly et eschevins pour justice, que Ion banny hors de ceste ville et eschevinaige, a tous jours et toutes nuictz, et sur paine du dernier supplice, Polrus Lhoste, bourgois dicelle ville, présentement réfugie.
Pour estre attainct et convaincu, le mercredy xve doctobre dernier, entre six et sept hoeures du soir, avoir prins les armes sans aulcune aucthorite de justice et sur couleur quil disoit les Franchois sestre emparez de la ville de Tournay, et, sur aultres faulx donne a entendre, avoir exhorte et incite plussieurs de ceste ville et eulx mectre en armes avecq luy.
Aussy pour sestre empare de larsenal et maison des munitions de ceste dite ville, et y demeure tant quil auroyt remis en la garde daultruy, et avoir fait conventicule et assemblée illicite de nuict et hors hoeures, aussy en armes, en maisons particulières, et prins délibération et resolution de commander aulx amutinez sur le matin, au son du tambourin, eulx trouver tous en armes au grand marchiet de ceste ville, les exhorter de ne les poser tant que les estrangiers soient hors.
Este cause que toute la nuict et le jour enssuyvant plussieurs maisons et hostelz de gens ecclésiastiques, abbaye des pretz, pères de la société de Jésus, nobles et gentilzhommes, et de quelques bourgois, auroient este forchez, volez et oultragez, que ce seroient enssuivies mil insolences, debordemens et indignitez, que toute la ville auroit este en peur, frayeur et en hazard destre massacre, pille et saccage, nolt este loperation de la grâce de sa bonté divine.
