DEUXIÈME PARTIE. — LA RÉFORME

tant a Tournay que a Le Selle et Rumgies, avecq plusieurs aultres sectaires en trouppe, lesquels estant embastonnez, et en ce continue tout le temps de lexercice desdits presches jusques ta cessation diceulx, et depuis les deffenseset interdiction sur ce faictes par sa Mate. Item, adverty aultruy pour soy trouver auxdits presches, et tenu aulcuns propos contraires aux institutions de leglise. Par dessus ce, avoir este en sa maison et possession ung livre contenant plusieurs hérésies et blasphèmes contre Dieu, la sacrée hostie, sacrementz de leglise, institutions et cérémonies dicelle et aussy allencontre de lordre et estât ecclésiastique.

Nous, pour ces cas et aultres deulx reprins par son procès, avons a mœure délibération de conseil et conformément a la resolution prinse par le conseil de Sa Mate, et enssuyvant lettre charge, et ordonnance expresse de son Excellence, condamne et condamnons le dict le Lœu destre mis au dernier supplice par lespee tant que la mort senssuyve, déclarant les biens dicelluy confisquiez au prouffîct de sa Mate, et au regard dudit livre ordonnons icelluy estre brusle.

Registre aux dictums, octobre 1567 à novembre 1571.

Jugement de Jacques Carlus.

Veu le procès criminel faict et démenez pour office en ceste court allencontre de Jacques Carlus prisonnier, par lequel apparu nous est, tant par ses confessions que informations et enqueste sur ce tenues, ledit Jacques Carlus avoir comparut et fréquente les presches des ministres et predicans de la nouvelle religion, tant a Tournay, S1 Amand, Rumegies que Le Selle, en trouppe et embastonnez, et en ce continue tout le temps de lexercice des dictes presches jusques la cessation dicelles, et depuis les deffenses et interdictions sur ce faictes par sa Mate. Davantaige, icelluy avoir receu la cene calviniste et sestre solempnellement ausdits presches rengie a la nouvelle relligion avecq adjuration et renonchiation de leglise rommaine et catholicque, ayant promis es mains du predicant de nouyr messe, entrer en leglise rommaine et catholicque, adhérer aux institutions dicelle, ains vivre et morir selon leur nouvelle relligion, sestant faict inscripre et enroller au registre dudit ministre, et suyvant ce ne se soict représente a son cure ou communie pour soy confesser depuis le commenchement des troubles jusques au jour de sa prinse. Pardessus ce, davoir fait compaignie a aultres a porter quelque enffant baptiser ausdits ministres selon leur manière de faire, aussy accompaigne aultres sectaires en nombre estant embastonnez a sepulturer et inhumer quelque corps mort a la fachon et religion des calvinistes, sans y observer les cérémonies de leglise. Semblablement, soy avoir trouve en aulcunes assemblées et lectures privées quy se faisoient en la maison daulcuns de la nouvelle relligion par aulcuns desdits sectaires. Davantaige, soy trouve a aulcunes presches et assemblées particulières et publicques quy se faisoient en aulcunes places par aulcun de leur relligion, interprétant le baptesme, mariaige et la cene selon la doctrine de Calvin, et tenu aulcuns propos

PIÈCES JUSTIFICATIVES

contraires aux institutions et cérémonies de nostre mere Saincte église.

Nous, pour ces cas et aultres diceulx reprins par son procès, avons a meure délibération de conseil et conformément a la resolution prinse par le conseil de sa Mate, et enssuyvant les lettres, charge et ordonnance expresse de son Excellence, condamne et condamnons ledit Jacques Caiius destre mis au dernier supplice par lespee, tant que la mort sen enssuive, déclarant les biens dicelluy confisquez au proufïict de sa Mate. Registre aux dictums, octobre 1567 à novembre 1571.

Jugement de Pierre Doby (16 juin 1569).

Veu le procès criminel faict, intente et démenez pour office allencontre de Pierre Doby prisonnier, les informations tant préparatoires que aultres tenues sur les cas a luy imposez, confrontations de tesmoingz, interrogations a luy faits, confessions et responses dicelluy par ou apparut nous soit le dit prisonnier estre charge et convaincu par tesmoingz davoir a lentour daulcuns notoirement huguenot suivy et entre avecq les sectaires en labaye de Marchiennes, garny dune harquebouse, dentrer en ladite abaye le jour du brisement, et y couchant la nuit et le lendemain estre party en trouppe avecq iceulx sectaires qui estoient au nombre de cinq à six cens hommes marchans en forme de battaille, avecq le front, garny de susdite harquebouse sur son espaulle, estant aux premières rengs, et allant avecq eulx jusques a ce que lesdits sectaires et briseurs dimaiges soient assaillis par les catholicques acourans de toutes parts, demandant dun marchant du dit lieu une charge de poudre de canon que luy fut refusée.

Nous, pour ces causes et aultres reprinses par son procès, en conformité de la resolution prinse par le conseil de sa Mate, et en suyvant les lettres closes, charge et ordonnance expresse dicelle, avons condamne et condamnons ledit Doby destre mis au dernier supplice par lespee, déclarant tous et quelzconcques les biens dicelluy confisquez au profict de sa Mate.

Faict et prononchie au chastel a Douay, le xvr jor de juing xvo lxix, jor de plaid ordinaire de la gouvernance de Douay, par devant nous Jehan de Lattre, escuyer, licencie es deux droictz, lieutenant a Douay. Registre aux dictums, octobre 1567 à novembre 1571.

Jugement de Hubert de le Croix.

Veu le procès faict et démenez pour office dentre le procureur fiscal allencontre de Hubert de le Croix prisonnier, les informations tant préparatoires que aultres tenues sur les cas a luy imposez, confrontations des tesmoings, interrogations a luy faits, confessions, deffenses et responses dicelluy, et tout ce que resuite du dit procès, par ou apparut nous seroit ledit prisonnier estre chargie et convaincu davoir suivy, marchie et entre avec les sectaires et rebelles de la saincte église apostolicque et romaine et de sa Mate lorsquilz saccageoient leglise et abaye de Marchiennes en troupe et avecq armes, demonstrant par ses paroles et