DEUXIÈME PARTIE

legierement les frontières dudit Arlhois y polroient gaster, et que pour ces causes Sa Majesté ordonna que, nonobstant la retraicte de ceùlx quy auroient tenus proppos et seme opinions contre nostre foy, fut informe soit par les justices supérieures ou inférieures y feissent quelque difficulte pour les droicts et privilèges quilz ayent en advertir les justices supérieures pour en faire lesdictes informations, et icelles faictes estre envoiees aux gouverneur, président et gens du conseil d'Ârthois ou aux baillis dudict pays d'Artois, pour par eulx lesdictes informations voues procéder par appeaulx aux droix de Sa Majesté contre les dessusdicts pour respondre et eulx justifïier contre les conclusions que les officiers fîscaulx de Sa Majesté voldront contre eulx prendre pour raison desdicts cas, et a faulte de leur comparition les bannir sur la hart non seullement dudict pays d'Artois mais aussy de tous les pays bas de Sa Majesté, et que ad ces fins ceulx dudict Conseil d'Artois et bailliages pour effectuer ledict bannissement eussent a envoier leurs condempnations des personnes quilz auroient ainsy bannys aux juges des aultres provinces de ce pays bas et aux aultres bailliages dudict Arthois, par lesquelles condempnations les noms, qualitez, résidences et aultres conditions des bannys fussent au long dicelles, affin que sy telz personnaiges estoient trouvées es mectes des aultres provinces de Sa Majesté, les delinequans y fussent pugnis selon leur mérite, et sy lesdicts appeliez comparissoient soit contre eulx procède selon justice et raison, que nous samble, madame, estre moien quy polroit en partie refréner la témérité de telz sectaires, et donner plus grande craincte aux nostres de les enssieuvir, remectant neantmoings le tout a la très pourveue discrétion de Vostre Alteze.

Madame, il vous plaira au surplus nous tousjours commander voz nobles plaisirs pour les accomplir a laide du benoit filz de Dieu auquel supplions vous donner en santé, bonne et longue vie. Escript du xxvne de janvier xvc LXl.

Vos très humbles et très obeissans serviteurs les président et gens dudict Conseil d'Artois.

Archives du Pas-de-Calais, Série B, 75212. Minute originale de lettre.

La régente au conseil d'Artois touchant les prêches de Doullens (juillet 1562).

Marguerite, par la grâce de Dieu duchesse de Parme, Plaisance, etc., régente et gouvernante.

Très chiers et bien amez. Nous entendons de bon lieu, comme il y auroit quelques prédicateurs calvinistes qui vont prescher a Dorlans (Doullens) a certaines heures tous les samedis qui y est jour de marche de la sepmaine, et que soubz umbre daller audict marche beaucoup de subjeetz du Roy, monseigneur, de la frontière vont oyr lesdicts predica-

PIÈCES JUSTIFICATIVES

teurs, mesme que le peuple y accourre de bien avant dedans le pays de Sa Majesté, chose a quoy est besoing estre pourveu, ce que de la part de sadicte Majesté nous ordonnons que faictes tout incontinent, selon que adviserez et trouverez myeulx a propos, et ce avec les diligence, serieusete et vivacité que connoissez en estre lintention et volonté de sadicte Majesté, et que pour obvier aux dangier et inconvénient que aultrement en pourroyent suyvre il est plus que nécessaire. Et ny l'aictes faulte. A tant trcschiers et bien ainez nostre Seigneur soit garde de vous. De Bruxelles, le dernier jour de juillet 1562.

Signé : Margarita.

Archives du Pas-de-Calais, Série B, 75221.

Jugement de Michel Robillart (20 août 1563).

Veu le procès criminel fait et tenu pour justice par les commis du roi notre sire, officiers du bailliage, prevostz, jurez et conseil de la ville et cite de Tournay allencontre de Michiel Robillart, potier destain, natif d'Arras, chargie et convaincu de soi estre passe loing temps sépare de leglise catolicque, et davoir soustenu et persiste pertinaceement plusieurs proppos erronnez et scandaleux contraires a la foy catolicque et doctrine de leglise generalle et universelle, nonobstant pluisieurs bonnes et saintes admonitions et enseignemens a luy donnez, comme de tout ce appert, tant par ses confessions voluntairement par luy diverses fois faites et réitérées comme aultrement, et le tout veu et considère, tout ce qui faisoit a veoir et considères a grande et meure délibération, les dits commis, officiers du bailliage, prevotz, jurez et conseil ont pour raison du dit cas condenne et condennent le dit Robilart destre mené au grand marchie de ceste ville, et illecq estre ars et consumme par le feu, en déclarant tous ses biens confisquez au proffît de sa dite majesté. Prononchie en jugement a huis ouvers, présent grand nombre de peuple y estant, le vendredi xxe jour daoust quinse cens soixante trois, et la dite exécution faite le dil jour du devant disner.

Archives de Tournai, Registre de la Loi n° 149, fol. 47 v°.

Liste des bannis du pays d'Arthois, le xvii d'aoust 1568.

Philippe de Baillieul, sieur de Baillieul a Cornailles et de Monchy Breton.

Charles de Houchin, sieur de Longastie.

Adrien de Bergues, sieur de Olehain.

Kustache de Fiennes, sieur d'Esquerdes.

Guillain de Fiennes, sieur de Lombres;