DEUXIÈME PARTIE
Interdiction d'un prêche privé a Arras (5 février 155'J nouveau style).
Emmanuel Philibert, par la grâce de Dieu duc de Savoye, prince de Piedmont, lieutenant gouverneur et capitaine gênerai.
Très chiers et bien amez. Nous avons ouy le rapport de ce que par vos lettres du xxc' de janvier avez escript a ceulx du prive conseil du Roy monseigneur, quant aux prédications et chant/ que fait l'aire en son logis le lieutenant du comte de Mansfeldt, les jours des dymenches et lestes, surquoy escripvons présentement on alleman audit lieutenant luy ordonnant et enchargeant expressément de faire cesser pour ladvenir lesdicts prédications et chantz pour le bien des subgectz de Sa Majesté, et éviter le scandale quen adviendroit, oultre le mescontentemont et ressentiment, quen porroit prendre Sa Majesté, confians quil se y conformera, desirans neantrnoins que advertissez icy de ce que sen ensuyvra. Très chiers et bien amez Nostre Seigneur vous ait en sa garde. De Bruxelles, ce ve jour de febvrier 1558.
Signé : Philibert.
Suscription : A nos très chiers et bien amez les président et gens
du conseil provincial en Artois. Archives du Pas-de-Calais, Série B, 752«e. Original, papier. Sceau
plaqué.
Lettre de la régente au conseil d'Artois touchant un hérétique (8 octobre 1560).
Marguerite, par la grâce de Dieu duchesse de Parme, de Plaisance, régente et gouvernante, etc.
Très chiers et bien amez, receu avons voz lettres du xxvne de septembre, ensemble le procès concernant Nicolas de La Court prisonnier pour cas dheresie, et ayant, fait veoir au Conseil du Roy Monseigneur voz lettres et les pièces par vous en voyees, ne trouvons scrupule ou difficulté méritante dispute pour doubter si les estrangers hantant et conversans es pays de par deca infectez des hérésies, semans leurs erreurs, oppinions faulses et mauvaises doctrines, sont comprins sous les peines des placcars de feue la Majesté Impérial le, a qui Dieu face miséricorde, et depuis confirmez par Sa Majesté royalle, meismement lordonnance et placcart de Tan 1550 (dont vous faites mention dans vosdites lettres) se voit estre faicte directement tant contre les estrangiers que les subgectz de Sa Majesté seduisans le simple peuple, comme par la lecture du eommonchement dicelle ordonnance pourra apparoir, par quoy vous renvoyons les pièces par vous envoyées affin que ensuyvez le contenu dudict placcart, tenant soingneulx et diligent regard que ceulx qui sont infectez desdictes hérésies ne puissent jecter leurs venins ou erreurs contre le peuple de vostre juridiction. Ains procédez contre ceulx qui dogmatise-
oi2
PIÈCES JUSTIFICATIVES
ront, proférant choses contre la religion catholicque, ou seront scandaleux selon la forme et teneur diceulx placcartz, sans avoir regard a ce quil se faict es pays dont ilz sont venuz, actendu quilz sont trouvez delinquer et corrumpre le peuple icy en contrevenant aux ordonnances de sadicte majesté. Par quoy ny veulle faire faulte. A tant très chiers et bien amez, Nostre Seigneur vous ayt en sa saincte garde. De Bruxelles, ce vmc jour doctobre 1560.
Signé : Margarita. Archives du Pas-de-Calais, Série B, 752 78 . Original papier.
Le conseil d'Artois a la régente, a propos d'un bris d'images (27 janvier 1562 nouveau style).
Madame, sur ladvertance que nous a este faicte y ya environ huict joui s que quelques chevaucheurs, ayans repeu et passe au villaige d'Avesnes le conte et retournans vers le pays de France, auroient de leurs espees decoppe et rompu aucunes représentations de crucefix et aultres imaiges trouvées en leurs chemins, sur et en dedens ce pays d'Arthois, pour estre chose de mauvaise édification et faire démonstration que de telz cas Ion voldroit faire justice et pugnition et avons faict informer et trouve le cas estre advenu selon ledict rapport; nous sommes aussy advertis que pour les pays estre sy proches lun de laultre plusieurs personnes de France se troeuvent en aucuns villaiges frontières de ce pays d'Arthois, et que y estans avecq habitans de decha ilz y tiennent proppos erronées et scandaleux contre nostre foy catholicque, de quôy les officiers de Sa Majesté et aultres officiers des justices inférieures ne prennent estre sy tost advertis que lesdictes personnes tenans telz proppos ne se soient retirées en France, voires encoires que les justices des villaiges frontières fussent en tamps advertis desdits proppos sy noseroient elles faire leur debvoir, craindans la vendication desdites personnes ou leurs adherens residens en France ou y ya petite correction des mesus que gens de telle farine y comectent, par ou doubtons que limpugnite ne rende noz voisins plus audacieux a continuer sur ces frontières pour user des meismes proppos y gaster et infecter les habitans de ladicte frontière, de quoy, madame, avons bien vollu adviser vostre alteze pour y donner moyen par lequel y puist estre mise quelque ordre, du moings que telle audace de noz voisins puist estre referenee. 11 nous sembleroit, madame, que aucunement y polroit estre ayde sy sa Majesté depeschoit placcart particulier pour ce pays d'Artois, narre comme plusieurs des pays voisins savenchent venir es frontières de cedict pays y tenir proppos et semer plusieurs opinions erronées contre nostre foy catholicque sans en pooir estre corrigez et pugnis par estre premier retire hors des pays de Sa Majesté, que la justice on soit advertie a cause de la proximité dudict pays, dont vient que facillement y retournent, par ou et de lexemple clo ceste impugnite,
