DEUXIÈME PARTIE. LA RÉFORME
moins vivre maintenant en home lay ayant prins estât de mariage, davoir adhère a la religion nouvelle et en icelle dogmatise; davoir fait calenger plusieurs habitans dudict Orville en amendes plus grandes que nest permis par la coustume du lieu, et t'aict plusieurs malversations au faict des estatz de greffier, procureur pour office et aultre, quil a exerce ou exerce présentement, les informations sur ce tenues, recollemens et confrontations des tesmoings contre luy oys avecq ce quil a faict a la justification,
la conclusion du procureur, celle en droict et tout considère, eu sur
ce conseil et advis, ont ledict Daussey déclare et declairent quicte et absoulz de toutes les fins et conclusions contre luy prinses, le condamnant neantmoings es fraiz et mises de justice et a tenir prison jusque plaine et entière satisfaction; sy ont pour plusieurs causes a ce mouvans ordonne et ordonnent audict procureur ou son substitut de a ladvenir ne faire adjourner et ouyr contre les prisonniers ou adjournez a sa requeste tesmoins quy ne déposent ou sçachent a parler de faictz resultans a leur cherge, a peine quilz seront renvoyez et taxez a ses despens, deffendant oultre audict procureur de déléguer aulcun pour informer a sa requeste sans commission pertinente et auctorite de justice, a paine de nullité de telz besoingnez.
Prononche en jugement le xvie de may 1587, en la présence dudit Daussey, dont le procureur du Roy a proteste dappeller.
Archives du Pas-de-Calais, Registre B 824, fol. 195 v°.
Jugement de Michel de Le Gauchie (7 avril 1589).
Veu le procès criminel faict pour justice allencontre de Michel de Le Gauchie, natif du Mont Sainct Eloy, prisonnier cy présent cherge attainct et convaincu davoir use de rébellion allendroict de Jacques Bertoul, sergent de ce siège, en mectant a exécution certaine taxe de despens obtenu a cedict siège par Robert Corrier, sestant ledict Michiel saisi dun espieu pour en oultraiger ledict Bertoul, luy déclarant que celuy quy entreroit le premier en sa maison pour parachever ladicte exécution il le mectroit bas, a tel effect que ledict Bertoul nauroit peu parfaire sondict exploict ; davoir injurie et menace ledict Bertoul en ladvant a comparoir en personne par devant commis de nostre dict siège; davoir mal et schandaleusement parle des prebtres et gensdeglise, davoir dict et prononche aulcuns propos exécrables, infâmes et schandaleux contre lhonneur du nonche appostolicque estant lors a labbaye du Mont Sainct Eloy, davoir mesdit du feu seigneur conte d'Egmont lors quil sachemina au pays de France aux fins de combattre allencontre des ennemis de la foy, véhémentement suspecte dadherrer a la relligion nouvelle et reprouve, rneismes davoir contredict le cure de Villers au Bois annonchant la parolle de Dieu en leglisc dudict Villers; les informations préparatoires, interrogations confessions et dénégations dudict prisonnier, recollement et confrontation des tesmoins contre luy ouys, avecq ce quil a voullu faire a sa
Pièces Justificatives
justification, la conclusion contre luy prinse, celle en droict et tout
considère, les hommes de fiefz eu sur ce conseil et advis, ont pour
lesdits cas et aultres apparans par ledict procès, condamne et condamnent ledict prisonnier de au [devant] de la Maison Rouge en chemise, teste nue, genoulx flexis, tenant une torse ardente en ses mains et sur ung eschaffault, dire et déclarer quil luy desplaict davoir faict ladicte rébellion et profère lesdicts propos infâmes et schandaleux, en prier mercy a Dieu, au Roy et a justice, et quoy luy voeulle pardonner; ce faict destre battu et fustigie de verges par les careffours de ceste gouvernance; sy lont en oultre banni et bannissent de ce pays et conte d'Artois lespace de dix ans, a paine que sil y estoit retrouve destre arrière banny ou aultrement pugny a la discrétion de justice, le condamnant oultre es fraiz et mises de justice, et a tenir prison jusques a plaine et entière satisfaction.
Prononche au devant de la Maison Rouge Arras, ou lesdictes sentences auroient este mises a exécution, après que ledict prisonnier mande en la chambre criminelle a déclare ne voulloir faire aulcune chose en son procès et soy conclure en droict, et que ladvocat a conclud a la hart.
Archives du Pas-de-Calais, Registre B 824, fol. 329-330.
Jugement d'Antoine et Jean Quembel.
Du premier de Febvrier 1591.
Veu le procès faict pour justice a la requeste du procureur gênerai d'Artois allencontre de Antoine et Jehan Quembel frères, enffans de Philippes laboureur, demeurant a Foucquenehem, bailliage de Lillers, prisonniers icy presens, chergez, attainctz, convaincuz davoir par un jour de sainte Croix de lan quinze cens mi** et nœuf reprins le cure de Lieres leur pasteur de quelque propos quil avoit mis en table au cabaret ou pend pour enseigne S1 Adrien au lieu de Lieres, maintenu publiquement en la présence de toute la compaignie quil ny avoit aulcun purgatoire, que toute personne doiz linstant de son trespas recevoit son jugement a la mort ou a la vie éternelle, que les misses, prières et oraisons, quy se faisoient pour les trespassez, procedoient de lintention des hommes pour remplir la bourse des prestres, quilz avoient chez eulx de fort beaulx livres ou ceste opinion se trouvoit fondée, et mis en avant propos hereticques et schandaleux contraire a nostre religion catholicque, apostolicque, romaine; meismes contendu offencer ledit cure, au contempt des remonstrances quil leur faisoit; les informations sur ce faictes et tenues, interrogations confessions et dénégations desdits prisonniers, recolement et confrontation des tesmoins contre eulx ouis, avecq ce quilz ait vollu faire a leur justifiication, ensamble les lettres escriptes a ce conseil de la part de Sa Majesté en dacte du douziesme du présent mois, la conclusion contre eulx prinse, celle en droict et tout considère, nous, a grande et meure délibération, avons condampne condampnons lesdicts prisonniers de icy en jugement, teste, piedz nudz, en chemise, genoulx flexis, tenans par chacun
