Le ms. porte : Tu

DUCHESSE D’ORLEANS

Biau sire Jhesu Grit, a hore de none commenda il son esperit a Dieu le père et mourut en la crois. Adonc trembla la terre, les pierres fendirent et moût de mors resusciterent. Donc fu féru de la lance u costé, et en issi sanc et eue. Ave, Maria.

Biau sire Jhesu Grit, a hore de vespre fu ostésde la crois, estendu sur la terre et envelopez ou suaire, sa douce mere tout ce regardoit. Ave, Maria.

Biau sire Jhesu Grit, a hore de coraplie fu il mis dedans le sépulcre, et fu mise une grant pierre seelée a l’uis, et gent armés le gardèrent, que ces deciples ne i venissent. Ave, Maria.

Biau sire Jhesu Grit. En ceste maniéré sanctefia Notre Seigneur Jhesu Grit toutez les hores du jour en sa passion, et nous devons nos hores dire en mémoire des poines que le fuiz soufri et de la douleur que sa mère endura, por avoir greignore devocion et pour amentevoir nostre salvation.

44 (fol. 386).

Hé! Précieux Dieu misericors, père Jhesu Grit, je me commande, hui en ce jour, en votre douce garde, en celle garde que vos commandastes vostre douce mère au pié de la crois. Ge fu en la garde du doux evangelistre saint Jehan, qui fu le deciple plus amé de Notre Seigneur.

Hé! Précieux et misericors pères Jhesu Grit, je me commande, hui en ce jour, en la garde de vos trois precieus clos, dont li votre précieux cors fu tant estroitement atachiés en l’autel de la crois.

Hé! Précieux pères Jhesu Crit, je me commande, hui en cest jour, en la garde vos .v. plaiez précieuses, que vous receutes en l’autel de la precieuse crois, especiaument en la garde de la douce plaie de votre cuer et de vostre doux costé.

Hé! Precieuse plaie du précieux cuer Dieu, amenés moi a bone fin et me deffendez des anemis et de tous hors vices et de pechie, ne ne souffrés mie que li anemi ait en moi point de povoir a mon trespassement. Sire, les vos cinc plaiez soient fondées en mon cuer a tout jours més, et soient mes confors et mes soûlas et mes refugemens a la destrece de la mort.

(Il y a sept autres articles commençant par Hé! Précieux...)

Nogent-le-Rotrou, imprimerie Daupelby-Gouvbrneur.