Haly ben Abbas, Médecin arabe

COMMENT LE FEMME SE DOIT GARDER QUANT ELE EST ENCAINTE (i)

Pour bien entendre ce ke nus vus dirons si devés savoir ke li enfes ki est u cors de le femme est aussi comme li fruis des abres, car vus vées premierement ke li flors u li fruis vient qu'il se tient foiblement a l’arbre et par pau de vent u de pluie chiét ; et après quant li fruis engrosse et il se tient fort et ne chiét mie volentiers et quant il voit qu’il est meürs si chiét aussi comme li flor legierement.

Tout ausi devés entendre de femme ke ou premier mois et ou secont et ou tierce puet on anientir se grossese s'ele ne se set garder ; du quart ne u cinquiéme n’i a mie si grant peril etse puet on sainnier et purgier en ce tans et ouvrer en li, se mestiers est, si com dist Ypocras, pour ce ke li enfes se tient fort si com li fruis qui n’est mie meürs.

Mais, el tans k’ele est près de delivrer si a peril si com devant ; et por le peril eskiwer vus aprenderons comment cascune femme ençainte se doit garder : premierement c’estuet garder de toutes coses ‘trop salées, car, si com dist li philosophes, por ces