Ms F 2.021 feuillet 27 à

se

coses mengier porroit li enfes sans ongles naistre et sans caviax (1), et detoutes coses qui facent bien oriner et qui leur privées maladies leur puist faire venir, si com cice, faseoli, rue, ape, lupins (2) ; et n’est pas boin que le menguce trop a une fois ne diverses viandes, mais petit et souvent et ke ce soit boines viandes si com gelines, petris, mauvis, chieveros, castron et toutes viandes qui volentiers se cuisent ; et boivent boin vin tempré à I pau d’ewe. Et leur estuet garder de courous, de travail, de pensées, de paour, de batures, et user toutes coses de joie et soulas ; et ce lor convient faire especiaument au premier et au daierain (3).

Et ne les convient mie trop baignier si com nous le deviserons,ne au solel trop demorer et si flaire coses de boinnes odeurs et portent reubes fresces et netes. Et por l’apetit conforter si lor fait hom mangier poires et puns de gernate et puns aigres et faicent faire lailtuaires ki faire le puet et ki lor conforte l’estomach