CHAPITRE XXV

jurisprudence, quatre parties en la mathématique*, et grossièrement^ ce à quoy elles visent; et à l'adventure encores sçay je la prétention des sciences en gênerai au service de nostre vie : mais d'y enfoncer plus avant, de m'estre rongé les ongles à l'estude d'Aristote, monarque de la doctrine moderne", ou opiniastré aprez quelque science, je ne l'ay jamais faict; ny n'est art de quoy je sceusse peindre seulement les premiers linéaments ; et n'est enfant des classes moyennes qui ne se puisse dire plus sçavant que moy, qui n'ay seulement pas de quoy l'examiner sur sa première leçon ; et, si l'on m'y force, je suis contrainct assez ineptement d'en tirer quelque matière de propos universel, sur quoy j'examine son jugement naturel : leçon qui leur est autant incogneue, comme à moy la leur.

Je n'ay dressé commerce avecques aulcun livre solide, sinon Plutarque et Seneque, où je puyse comme les Danaïdes, remplissant et versant sans cesse. J'en attache quelque chose à ce papier; à moy, si peu que rien*. L'histoire, c'est mon gibbier en matières de livres, ou la poésie, que j'ayme d'une particulière inclination: car, comme disoit Gleanthes", tout ainsi que la voix, contraincte dans l'estroict canal d'une trompette, sortplus aigre et plus forte ; ainsi me semble il que la sentence, pressée aux pieds nombreux de la poésie^, s'eslance bien plus brusquement, et me fiert' d'une plus vifve secousse. Quant aux facultez naturelles qui sont en moy, dequoy c'est icy l'essay, je les sens fléchir soubs la charge : mes conceptions et mon jugement ne marche qu'à tastons, chancelant, bronchant et chopant; quand je suis allé le plus avant que je puis, si ne me suis aulcunement satisfaict; je veois encores du païs au

1. Quatre parties en la mathématique. C'est le Quadrivium du moyen âge. les quatre routes, comprenant l'arithmétique, la musique, la géométrie et l'astronomie.