CHAPITRE XXV

Cela mesme de luy' veoir trier une legiere action, en la vie d'un homme, ou un mot, qui semble ne porter pas cela, c'est un discours. C'est dommage que les gents d'entendement ayment tant la briefveté : sans doubte leur réputation en vault mieulx ; mais nous en valons moins. Plutarque ayme mieulx que nous le vantions de son jugement, que de son sçavoir; il ayme mieulx nous laisser désir de soy, que satiété : il sçavoit qu'ez choses bonnes mesme on peult trop dire; et que Alexandiidas reprocha justement à celuy qui tenoit aux Ephores des bons propos, mais trop longs : « 0 estrangier, tu dis ce qu'il fault aultrement qu'il ne fault-. » Ceulx qui ont le corps graile^, le grossissent d'embourrures * ; ceulx qui ont la matière exile*, l'enflent de paroles.

Il se tire une merveilleuse clarté, pour le jugement humain, de la fréquentation du monde : nous sommes touts contraincts* et amoncelez en nous, et avons la veue raccourcie à la longueur de nostre nez. On demandoit à Socrates d'où il estoit : il ne respondit pas, d'Athènes; mais, du monde'; lui qui avoit l'imagination plus pleine et plus estendue, embrassoit l'univers comme sa ville, jectoit ses cognoissances, sa société et ses afTeclions à tout le genre humain; non pas comme nous, qui ne regardons que soubs nous * . Quand les vignes gèlent en mon village, mon presbtre en argumente l'ire de Dieu' sur la race humaine, et juge que la pépie '"en tienne desjà les Cannibales. A veoii' nos guerres civiles, qui ne crie que cette machine se bouleverse, et que le jour du jugement nous prend au collet? sans s'adviser que plusieurs pires choses se sont veues, et que les dix mille parts du monde ne laissent pas degaller'^ le bon temps ce pendant : moy, selon leur licence et impunité, admire de les veoir si doulces et molles. A qui il gresle sur la teste, tout l'hemisphere semble estre en tempeste et orage; et disoit