IV

Epistola I^. Pauli Ragueneau missa anno 1649 ad R. P. Claudium de Lingendes, provincialem Francise.

Depopulatio Oppidorum Missionis Scti Josephi apud

HURONES FACTA PER IrOQU/EOS INFIDELES

Anno 1648. — Mors P. Antonii Daniel.

Fœlicem plane cursum primitiva Huronum Ecclesia tenuit ad médium Anni salutis 1648 : fidelium crescente numéro, expectatione nostra multis partibus majore, numeratis plus mille septingentis in hac nova3 Francia; Regione, qui salutaribus undis abluti Christi fidem amplexi sunt, omissis aliis quos magno quidem sed incerto numéro in ipso persecutionis œstu a P. Antonio Daniele baptisatos infra videbimus.

Res una posse videbatur nascentis hujus Ecclesia; tranquillitatem turbare, et rei Ghristianae cursum morari, belli nimirum motus et terribilium hostium furor indomitus ; hi sunt quos Iroquœos vocant, gens fera bellique amans, humanique sanguinis ad stuporem avida, sine fide, sine lege, suisq. insolens victoriis quas retulit de caesis sœpe fugatisq. Huronibus, ex quo bellici nitrati pulveris et catapultarum usum didicit ab Hollandis Ha;reticis quos fœderatos habent et accolas, qua parte nova Hollandia in interiores Americœ plagas excurrit. Fuisset utinam vanus ille timor, nec prœsaga nimium mens extilisset imminentis ab hoste periculi, sed ecce tibi sub initium mensis Julii ejusdem Anni 1648 miseranda calamitas per Iroquseos illata nostris Huronibus tristem eventum confirmavit. Gum enim Huronum plerique ad Gallos Quebeci commorantes profectionem parassent mercaturîE causa, cum armorum perita juventus expeditionem bellicam alio suscepisset, cum denique alios alius labor ab oppidis