IX

Pouvoirs DE GRAND VICAIRE ACCORDÉS AU SUPÉRIEUR DES JÉSUITES DU CANADA PAR L'ARCHEVÈRUE DE ROUEN

Franciscus miseratione divina archiepiscopus Rothomagensis Normanniæ primas, Francisco Annato emerito Theologiæ professori ac Societatis Jesu pro Gallia assistenti dignissimo ad perpetuam rei memoriam et uberiorem novi nostri gregis Canadensis proventum. Quam necesse est viros apostolicos hierarchicæ jurisdictionis præsidiis muniri pro instituenda rite nascentis Ecclesiæ forma secundum ecclesiasticam disciplinam, tam est opportunum eosdem promptos et expeditos quasi cælestes nubes in omnem locum, omne munus, omnem occasioném faciendi fructus ab eis acceptam rependere et a nutu et manu eorum continuo pendere, quorum zelo, prudentiæ ac regimini tanquam Archangelis procuratio illa commissa est. Quod cum et sanctorum Patrum canones et exempla nos doceant, ususque ipse et constans et diuturnus Pontificiæ dignitatis, quam a tot annis divina nobis pietas imposuit; aliunde veru lætissimis animis complectamur ingentes illos fructus, quos in nova nostra Canadensis Ecclesiæ vinea operariorum vestrorum sudores perpetuo pariunt; tum etiam pro nostra ardentissima et in novellam hanc propaginem et in vestros tam sanctos utilesque labores charitate amplissime providere cupientes; de gemino illo commeatu et jurisdictionis hierarchicæ et expeditissimæ ad omnia libertatis, declaramus dedisse nos ac per has patentes litteras quantum opus est confirmare superiori totius missionis, quisquis ille fuerit, et quamdiu solum superior fuerit ex societatis vestræ legibus constitutus, perpetui Vicariatus nostri honorem, potestatem, jura, præeminentias, privilegia; quam potestatem cuicumque pro modulo functionis suæ ubique terrarum