RD CA FEMMES NEDES
ment, Il se leue pour la seconde fois et se met encore à genoux, et poursuit son mesme chemin ; mais son corps espuisé de son sang qui sort en abondance de ses playes, n'est pas si fort que son courage ; il retombe pour la troisiesme fois, n'ayant fait que quatre ou cinq pas.
Nous n'auons pû sçauoir ce qu’il fit du depuis, vne bonne chrestienne, qui nous a fait fidelement tout ce rapport, n’en ayant pas veû dauantage, à cause qu’vn Iroquois la surprit ellemesme, et luy déchargea sur la teste vn coup de hache-d'armes qui la terrassa sur le lieu, quoy que depuis elle en soit réchappée.
Le Pere receut qnelque temps apres deux coups de hache sur les deux tempes, de part et d'autre, qui enfonçaient dans la ceruelle, c’estoit la recompense la plus riche qu'il esperast de la bonté de Dieu, pour tous les seriuces passez.
Deux de nos Peres, qui estoient dans la Mission la plus voisine, receurent quelques restes de ces pauures Chrestiens fugitifs, qui arriuoient hors d’haleine, plusieurs tout couuerts de leur sang. Toute la nuict, ce ne furent qu’alarmes, dans la crainte où tout le monde estoit d’vn semblable malheur.
Sur le commencement du iour on apprit par quelques espions que l’ennemy s’estoit retiré. Ces deux Peres partent dès le mesme moment, afin de voir eux-mesmes de leurs yeux vn spectacle bien triste, ma:s toutefois digne de Dieu. Ils ne trouuent que des cadaures les vns dessus les autres, et de pauures Chrestiens, les vns qui acheuoient de consommer dans les reliques deplorables de ce bourg en feu ; les autres noyez dans leur sang ; et d’aucuns qui auoient quelques restes de vie, mais tous couuetts de playes, qui n’attendoient rien que la mort, benissans Dieu dans leur malheur.
Enfin, au milieu de ce bourg desolé, ils y apperceurent le corps qu’il y estoient venus chercher, mais si peu connoissable, estant tout couuert de son sang et des cendres de cet incendie, qu'ils passoient outre, mais quelques Sauvages Chrestiens reconnurent leur Pere qui estoit mort pour leur amour. Ils l’enterrent au mesme lieu où auoit esté leur Eglise, quoy qu’il
“n’en restast plus aucune marque, le feu ayant tout consommé.
lus
ns
rts
ds.
og er nm
Se
QUI a FF
