J. DE LAUTIER
Chartrier de Thouars. Orig. parch. ; sceaux perdus.
1420, 20 juillet. Mehun-sur-Yèvre. — Charles VII concède à Georges de La Trémoille la seigneurie de Melle en Poitou pour le récompenser de 10,000 écus d'or qui lui avaient été promis et non payés pour se tirer des mains de Perrinet Gressart, capitaine de La Charité-sur-Lotre.
a Charles, par la grâce de Dieu, roi de France, savoir faisons. que, comme au moys de décembre derrenier passé, nous ayans envoié en ambaxade notre très chier et féal cousin le sire de La Trémoille devers notre cousin le duc de Bourgoigne en Flandres pour la réduccion d’icellui envers nous et afin de Punion et bien de paix de ce royaume, et en faisant son chemin, ait esté pris, prisonnier à La Charité-sur-Loire, par Perrenet Gressart, occuppant ledit lieu, notre rebelle et désobéissant et tenant le parti des Angloys, noz ennemis et adversaires, soubz la seurté, saufconduit et conduit du mareschal de Bourgoigne, estant audit lieu de La Charité, le acompaignant et conduisant ; et il soit ainsi que icellui notre cousin de La Trémoille, pour sa délivrance, doubtant estre mis et baillé ès mains de nos dits ennemis, qui de ce requeroient et pressoient fort ledit Perrenet, doubtant aussi cheoir en autre grant dangier et péril de sa personne par autres manières ainsi que bien la cognoissait, afin de obvier à telz périlz et dangiers et, par grant crainte contraint, eust accordé et appointié avecques ledit Perrenet, et soy raenconné à la somme de quatorze mille escuz d'or, et avant ce, pour induire et enhorter par moyens icellui Perrenet à le délivrer, lui convint promettre donner et faire de grans dons d'or comptant, de vaisselle, de draps de soye et joyaulx, tant à la femme dudit Perrenet comme à plusieurs autres personnes de son hostel et ses compaignons dudit lieu de La Charité, et aussi lui convint promettre donner et jurer de faire avoir à icellui Perrenet lettres de ses plus prochains parens et amis et aussi de notre dit cousin de Bourgoigne, par lesquelles, jamais pour la prinse ne à l’occasion d’icelle ne seroit aucune chose demandé au dit Perrenet; et
pour seurté des dictes lettres et du paiement de partie des diz x" escuz d’or, restant à paier d’icelle somme, avant ce que notre dit cousin partist du dit lieu de La Charité, hors des mains dudit Perrenet, lui esconvint baïller gens de grant estat en ostaige, dont les aucuns y sont encores et tous y ont fait et encores font ceulx qui y sont de très grans despenses pour leur longue demeure et autrement à la charge de notre dit cousin, lesquieulx despens ont desjà monté et les diz dons par lui faiz à plus de six mille escuz d’or, oultre les autres dommaiges et interestz que il a euz et soustenuz en sa prise et à l'occasion d’icelle. Et tantost après, icellui notre cousin, sa personne au delivré, eust continué et fait son chemin en passant par le pays de Bourgoigne pour parler aux seigneurs du dit pays pour le bien de la matière de sa dite ambaxade, et ala oultre devers notre dit cousin de Bourgoigne ; en laquelle ambaxade, depuis son partement jusques à son retour, il ait vacqué par tous les moys de janvier, février, mars, avril, may et juing entiers, tant pour sa dite prise, et ou pays de Bourgoigne, comme en séjournant devers icellui notre cousin de Bourgoigne et en s’en retournant, à grans fraiz et despens, pour le grant nombre de gens d’estat et de chevaulx qu’il a menez et tenuz en sa compaignie pour honneur de nous et pour l’estat de sa personne; aussi en conduit de gens d'armes pour son passaige à sa seurté par les pays dangereux et loingtains par lesquieulx lui a convenu prendre son dit chemin ; et néantmoins n'ait eut de nous jusques à ores pour son voyaige que deux mille escuz, ne aussi pour sa dicte raençon paier et ses autres dommaiges et interestz aucune recompensacion ou aide ; car combien que tantost après sa dicte délivrance des mains du dit Perrenet Gressart, eussions ordonné à notre dit cousin de La Trémoille estre baïllée la somme de dix mille escuz pour lui aidier à paier sa dicte raençon, toutes voies il n’a eu de nous sur ce lettres quelzconques ne aucun paiement ou satisfacion, et par ce lui a convenu et convient paier le dit Perrenet Gressart et faire et paier les dons, fraiz et despens dessus diz et porter les diz dommaiges et interestz tout du sien.
« Nous, ces choses considérées, ayans regard à ce que en notre dit service et ambaxade notre dit cousin de La Trémoille a esté pris et a soustenu et porté les pertes et dommaiges dessus diz, ainsi que nous sommes bien acertenez, de quoy nous sommes tenuz raisonnablement et le devons recom-
penser ; attendans que en deniers comptans ne le povons satisfaire et contenter des diz x" escuz, ensemble des diz frais et grans despens, obstans les grans charges que avons à supporter pour le fait de noz guerres et pour noz autres affaires, à icellui notre cousin de La Trémoille, pour lui et ses successeurs, avons baïllé, cédé, transporté et delaissé, et par la teneur de ces présentes, baïillons, cédons, transportons et delaissons, dès maintenant, pour nous, noz hoirs et successeurs, la seigneurie, terre, ville, chastel et chastellenie de Melle en Poictou, avecques tous les fruiz, prouffiz, revenues, droiz, justice, juridicion (etc.), reservé la foy et hommaige, ressort et souveraineté à nous et à nosdiz successeurs. Et voulons et nous plaist que icellui notre cousin et ses diz successeurs puissent et leur loise mettre et instituer en la dicte chastellenie de Melle, séneschal, cappitaine, prévost, receveur et autres officiers pour eulx, et y faire tenir leur juridicion et y exploictier comme seigneur chastellain et ayant droit de chastellenie peut et doit faire, sauf et reservé. que nous et nos successeurs pourrons ravoir et retraire.…. les dictes terre, ville chastel et chastellenie de Melle. en... paiant ou rendant la dicte somme de dix nulleescuz d'Or la COrONNE:: ressens ss dedans
« Et afin que ce soit chose ferme et estable, nous avons fait mectre notre seel à ces présentes.
«a Donné à Meun-sur-Evre, le vingtiesme jour de juillet, lan de grâce mil quatre cens vint et six, et de notre règne le quart.
(Sur le repli) « Autrefoiz faicte et par moy ainsi signé : Par le roy en son conseil ouquel la royne de Secille, les contes de Clermont, de Foix et de Comminge, les sires de Gyac et de Gaucourt et autres estoïent, et rescripte en la fourme et de la date contenues au blanc, par le commandement du roy en son conseil, la royne de Secille, les contes de Foix et de Comminge, l’évesque de Laon, les sires de Trèves et de Gyac et pluseurs autres présens.
« MALLIÈRE.
« Signata de precepto regis expresso ore facto. »
Chartrier de Thouars. Orig. parch. ; reste de sceau sur lacs de soie.
1426, 28 novembre. Bourges. — Les gens des comptes du roi consentent à l’entérinement des lettres royales susdites.
Chartrier de Thouars. Orig. parch., scellé de trois sceaux.
1426, 29 juillet. Bourges. — Charles VII, pour les causes exposées danst ses lettres du 20 juillet 1426, exempte son cousin, le sire de La Trémoille,
du paiement de « tous les aides, tailles et impostz... en toutes ses terres et
seigneuries.…. jusques à dix ans. ».
Chartrier de Thouars. Orig. parch. ; sceau perdu.
1427, 24 juillet. Paris. — Donation par le roi d'Angleterre à Jean de La Trémoille, seigneur de Jonvelle, des biens confisqués sur Georges de La Trémoille, suivant le parti de Charles VII.
« Henry, par la grâce de Dieu, roy de France et d'Angleterre. Savoir faisons à tous présens et avenir, nous avoir esté exposé par nostre amé et féal conseillier Jehan de La Trémoille, seigneur de Jonvalle, grant maïistre d’ostel et premier chambellan de nostre très chier et très amé oncle le duc de Bourgogne, que, par le trespas de feue la dame de Suly, sa mère, laquele, longtemps a, est alée de vie à trespassement, sont demourez plusieurs terres, baronnies et
seigneuries assises en plusieurs et divers lieux et baïlliages, et la plus grant partie d’iceulx ès pais de nostre royaume de France, non obéissans à nous, desqueles terres, baronnies et seigneuries, George de La Trémoille, frère ainsné dudit exposant, a joy et possidé depuis le trespas de ladicte dame de Suly, leur mère, et en joist et posside sans ce qu’il en ait fait audit exposant aucun partage, combien que l’une d’icelles baronnies lui appartiengne de son droit et que en toutes les autres terres il doit avoir la moictié, si comme il dit, requérant que, actendu ce que dit est et les grans charges qu’il lui a convenu et convient soustenir et supporter par chacun jour, et que après ledit George de La Trémoille, son frère, les dictes terres, baronnies et seigneuries lui ‘ doivent appartenir et non à autres, se par confiscacion n’y survenoit empeschement, et mesmement considéré que ledit George de La Trémoille est à nous désobéissant et demourant avec noz adversaires, par quoy toutes les terres, baronnies, seigneuries, possessions et autres biens qu’il a et tient en nostre royaume sont à nous acquis comme forfaiz et confisquez, nous lui vueillons donner et octroier iceulx terres, baronnies et seigneuries, appartenances et appendances quelzconques que a et tient ledit George de La Trémoille, assises ès pais d'Anjou, du Maine, de Poitou, d’Orlenois et autres quelzconques, desqueles ledit exposant n’a eu aucun partage.
« Pour ce est il que, nous, considéré les choses dessus dictes et les bons et aggréables services que nous a faiz et fait de jour en jeur ledit exposant, et espérons que face ou temps avenir, et pour certaines autres causes et considéracions à ce nous mouvans, audit Jehan de La Trémoille, par l’advis de nostre très chier et très amé oncle Jehan, régent nostre royaume de France, duc de Bedford, avons de grâce espécial, plaine puissance et auctorité royal, donné, cédé, transporté et délaissié et, par la teneur de ces présentes, donnons, cédons, transportons et délaissons, toutes les dictes baronnies et seigneuries, appartenances et appendances quelzconques que a et tient ledit George de La Trémoille en nostre royaume de France, en quelque lieu que elles soient situées ou assises, à nous venues et eschues par confiscacion, pour cause de la désobéissance commise envers nous par ledit George de La Trémoille, pour d’icelles terres, baronnies et seigneuries, appartenances et appendances, joir et user par ledit Jehan de La Trémoille et ses hoïrs masles venans de son corps
en loyal mariage, perpétuelment, héréditablement et à tousjours, en faisant et paiant les droiz et devoirs deuz et acoustumez, exceptez toutesvoies et réservez les terres, baronnies et seigneuries dudit George de La Trémoille qui par nous ou nostre dit oncle le régent ont esté donnés à autres et celles qui ont esté et sont adjoinctes au demaine du duchié d'Anjou et du comté du Maine, par avant la date de ces présentes, et parmy ce que ledit Jehan de La Trémoille fera foy et hommage à nous ou à nostre dit oncle le régent, des dictes terres, baronnies et seigneuries, tenues de-nos prédécesseurs, roys de France, ou des seigneurs dont les seigneuries sont escheues à nous ou à nostre dit oncle le régent, et que ledit Jehan de La Trémoille mectra en nostre obéissance les dictes terres, baronnies et seigneuries, et fera faire par ceulx des dictes terres et seigneurs le serment de la paix ès mains de noz officiers, et de ce baïillier leurs lectres. Et se il avenoiït que avant qu’il les ait mises en nostre dicte obéissance, comme dit est, aucune des dictes terres, baronnies et seigneuries feussent par noz gens mises en nostre dicte obéissance par siège ou autrement, en ce cas, icelles forteresses, villes et seigneuries, ainsi mises en nostre obéissance seront et demourront à nous acquises comme par avant, nonobstant les don et octroy par nous faiz, comme dit est, par ces présentes. Et donnons en mandement à noz amez et féaulx les gens de noz comptes, les trésoriers généraulx, gouverneurs de noz finances, et à tous noz justiciers et officiers, ou à leurs lieuctenants, et aulcun d’eulx, si comme à lui appartient, que de noz présentes grâce, don, cession et transport facent ledit exposant et ses hoirs masles, comme dit est, joir et user sans les empeschier au contraire. Et afin que ce soit ferme chose et estable à tousjours, nous avons fait mectre nostre seel à ces présentes, sauf en aucune chose nostre droit et l’autruy en toutes.
« Donné à Paris, le xxnrme jour de Juillet, lan de grâce mil quatre cens et vint sept, et de nostre règne le cinquiesme.
«a Ainsi signé, par le Roy à la relacion de monseigneur le Régent de France, duc de Bedford. |
| l « J. Micer. »
Arch. Nat. J J 173, fol, 346 vo et 347, n° 716.
1428, 6 mai. — Promesse des nobles, gens d'église et autres habitants de la châtellenie de Châteauneuf-sur-Sarthe, de payer à Georges de La Trémoïlle la somme de 1,500 écus d'or pour abstinence de guerre, de la part des Anglais et des Français.
« Sachent tous présens et avenir que, comme à l’occasion des guerres, les chevaliers, escuiers, gens nobles, gens de l’église, tenans cure et bénéfices, pouvres héritiers, laboureurs et aultres de commun, manans et habitans en la ville et chastellenie de Chasteauneuf-sur-Sarte, aient esté et soient tellement dommagés et grevéz, tant par prinses des Angloys qui les ont prins et enmenez par pluseurs courses qu’ils ont faictes que par les gens des garnisons du pais de compaignés qui les ont raviz et excessivement pilliéz et despouilliez de touz leurs biens qu’il ne leur est ainxi comme rien demouré, par quoy le service divin est du tout en celles parties cessé, leurs domaines, mestaieries, cens et rentes, sont du tout inhabitées et les diz pouvres laboureurs fuiz et inhabitables du pays, et leur a convenu rectrayre en la ville d'Angiers sans pouvoir faire nulle résidence à leurs terres, bénefices, labours et oupvres (œuvres) dont ilz doubtent encorez à dehercion totalle, si par le bon et charitable moyen de très doubté et puissant seigneur monseigneur de La Trémoille, de Sully, de Craon et dudit lieu de Chasteauneuf, auquel ilz prennent leur singulier refuge, comme à leur vroy et naturel seigneur, n’est trouvé voye et manière de leur faire avoir seurté et abstinence de guerre aveques les diz Angloys et descharge des diz garnisons, que bonnement ilz ne pourroient avoir sans en ce poier vers eulx de grosses sommes d’or et de deniers qui leur vouldroient du tout estre à sa charge, si comme ilz dient, dont ilz ont fait requête que ad ce vuieille pourvoirs pour ce.
« En notre court de Chasteauneuf... establiz nobles personnes missire
Michel Le Roy, chevalier, Thomas Le Moygne, Olivier de Masquillé, André de Charnacé, Gieffroy Toutesfoy, escuiers, (et autres nobles, gens d'église, roturiers des paroisses voisines de Châteauneuf) lesquels congneurent et confessérent. que ilz se obligent. rendre et poier à mondit seigneur de La Tré- | moille.. … la somme de mil cinq cens escuz d’or ou la somme de quatre escuz d’or sur chacun homme estagier et mesnagier en la dicte terre et chastellenie dudit lieu de Chasteauneuf et ès ressors d'icelle,.…. pour leur faire avoir seurté et abstinence de guerre envers les dits Angloys ét leurs aliez, et pour les deschargier de touz apatiz tant envers les dits Angloys que envers les dictes garnisons et autres de l'obéissance du OV tandis dodeses
« Ce fut donné le sixième jour du moys de may, l’an de grâce mil quatre cens vingt et huit. »
Chartrier de Thouars. Orig. parch.
1428, 10 mai. — Les « pouvres héritiers, laboureurs et aultres gens du commun », de la baronnie de Craon en Anjou, promettent à leur seigneur, Georges de La Trémoille, de lui payer 5,000 écus d’or afin qu’il leur fasse « avoir sceurté et toute abstinence de guerre envers les Anglays et leurs alliés et pour les descharger des gens estans en garnison en la ville de Craon, et aussi de tous appatiz, tant vers les dits Anglays que vers ceulx de l’obeissance
du roy » de France.
Chartrier de Thouars. Orig. parch.
1428, 11 mai. — Promesse des gens d’église de la baronnie de Craon de payer 800 écus d’or à Georges de La Trémoille, pour avoir sureté contre les Anglais et les Français.
Chartrier de Thouars. Orig. parch.
1428, 14 mai. — Les « chevaliers, escuiers et gens nobles de la ville et baronnie de Craon » s'engagent à payer à Georges de La Trémoille la somme de 1,200 écus d’or pour avoir sûrté contre les Anglais et les Français.
Chartrier de Thouars. Orig. parch.
1428, 30 mai. Tours. — Traité d'alliance entre Jean, duc d'Alençon, et Georges de La Trémoille.
« Jehan, duc d'Alençon, conte du Perche, vicomte de Beaumont et seigneur de Fougières, et Georges, seigneur de La Trémoille, de Sully et de Craon, à tous ceulx qui ces présentes lectres verront, salut.
Le à et
« Comme à l’occasion des divisions qui ont longuement regné… en ce royaume, se soient engendrées et nouries haynes entre pluseurs des parens, subgez, vassaulx et serviteurs de mons' le roy, par les quelles aient conceu deffiances et suspeçons les uns envers les autres, qui leur a esté empeschement et destourbier de concordaument et par bonne union vacquer et entendre aux grans et haulx affaires de ce royaume et de ensemble resister et obvier aux dampnables et oultrageuses entreprises des ennemis, qui, soubz umbre et par le moyen des dictes divisions, ont conquesté et usurpé la plus grant part de ceste seigneurie et pourroient. plus faire, les choses estans en tele disposition. |
« Savoir faisons que nous, considérans les choses dessus dictes et congnoissans le grant ennuy et desplaisir que pour ce mondit seigneur le roy prent et mect en son cueur chacun jour de plus en plus, voulans et désirans de toute affection, ainsi que raison est, nous employer au bien et recouvrement de la seigneurie, avons aujourduy par le vouloir, plaisir, ordonnance et commandement exprès de mon dit seigneur le roy, pour honneur de lui principalement et pour lui obéir aïnsi que devons, d’un commun accord et consemtement, promis, juré, accordé et enconvenantcé, l’un à l’autre, en la présence de mon dit seigneur le roy, sur les Sains Evangiles de Dieu et par la . foy et serment de noz corps et sur noz pars de paradis, les choses qui cy après ensuivent :
« Et premiérement, je, Georges, seigneur de ‘La Trémoille, devant dit, jure et promets. que tant comme je vivray en ce monde, après la personne du roy, notre sire, de mons' le daulphin et de mon trés redoubté seigneur monseigneur le duc d'Orléans, honnoreray, serviray et de tout mon cueur, plus et devant que nul autre, chieriray et aymeray la personne de mon dit très redoubté seigneur monsr le duc d'Alençon et, comme à son estat appartient, luy obeiray.. et de toute ma puissance luy ayderay à garder et maintenir son estat, prérogatives et préeminences.. et luy seray tousjours bon, vray et loyal parent et serviteur, tant devers le roy, notre seigneur que ailleurs.
« Et pareillement, nous, Jehan, duc d'Alençon, conte du Perche, vicomte de Beaumont et seigneur de Fougiéres, devant dit, pour ce que véritablement congnoissons que notre très cher et amé cousin le seigneur de La Trémoille
dessusdit, loyaument et ainsi comme bon parent et loyal serviteur de monsr le roy se employe continuelement en son service et en ses affaires, à icelluy notre cousin, jurons et promectons, comme dessus, que nous l’aymerons, chierirons et de bonne e. loyale affection, à tout notre povoir, le soustendrons et porterons contre tous ceulx qui aucune chose luy vouldroient demander, soit du sang et lignage de mondit seigneur ou notre, et le traicterons et repputerons comme notre vray parent et loyal ami... sauf toutesfoiz et reservé tousjours l’auctorité, honneur et révérence de mondit seigneur le roy, de monseigneur le daulphin et de notre très cher seigneur et père, le duc d'Orléans.
« Item, que nousJehan, duc d'Alençon, et Georges, seigneur de La Trémoille… entendrons et vacquerons désormais par bonne unité et alliance. au bien de mondit seigneur le roy, et nous employerons... à la répulsion des ennemis de mondit seigneur et de nous ou de l’un de nous.........,..... Mons die
« Donné à Tours, le xx° jour de may, l’an mil quatre cens vingt huit.
« JEHAN. — GÉORGE DE LA TREMOYLLE. »
Chartrier de Thouars. Orig. parch., scellé des sceaux de Jean et de Georges.
1428, 27 juillet. — Jean de Brosse et Louis de Culant accordent une trève à Georges de La Tremoille et aux seigneurs de Gaucourt et de Châteaubrun.
«a Nous Jehan de Brosse, seigneur de Saint-Sevère, mareschal de France, promectons leaument et sur nostre honneur que, par nous ne par les nostres, ne sera fait ou pourchacé dommaige ne desplaisir, en quelque manière que ce soit, à monser de La Trémoille ne aux seigneurs de Gaucourt et de Chasteau-
brun ne aux leurs, jusques ad ce que les besoignes pourparlées entre mondit sæ de La Tremoille et monstr de Culant, admiral de France, soyent appoinctées, ou que leur ayons signifié de tenir Pappoinctement ou non; ce que nous promectons leur signifier huit jours devant que nous puissons faire ne porter dommaige ne desplaisir à eulx ne aux leurs.
« En tesmoing de ce, nous avons ces presentes signées de nostre main et scellées de nostre séel, le xxvije jour de juillet, l’an mil cecc vint et huit.
« Et nous Loys, seigneur de Culant, admiral de France, promectons, leaument et sur nostre honneur, faire entretenir, sans enfraindre, la promesse faicte, ainsi que cy-dessuz est contenu, par monsér de Saint-Sevère, mareschal de France, à monser de La Tremoille et aux ssgrs de Gaucourt et de Chasteaubrun ; tesmoing nostre signe manuel cy mis, l’an et jour dessusdiz.
« Loys DE CULANT.
« J. de Brosse. »
Chartrier de Thouars. Orig. parchemin, scellé.
1428, 28 août. — Sommes dues par le roi à Georges de La Trémoille.
« Le Roy, notre seigneur, est tenu à mons' de La Trémoylle, en la somme de unze mille cent sept escuz, et dix mille livres tournois en monnoie, ainsi qu’il appert par ung roole...
« Tesmoing mon signé manuel cy mis, le xxvirime jour d’aoust, l’an mil cccc vingt et huit.
