CHARRIER

Chartrier de Thouars. Orig. parch.

1428, 29 oclobre.—Engagement par Charles VIT à Georges de La Trémoille des château et chätellenie de Lusignan, comme garantie du paiement des 10,000 livres tournois et 11,107 écus d’or qu’il lui avait prêtés pour les frais de la guerre contre les Anglais.

« Charles, par la grâce de Dieu, roy de France, à tous ceulx qui ces présentes lettres verront, salut.

« Comme pour résister aux anciens ennemis et adversaires de nous et de nostre royaume les Anglois, qui en grant puissance sont nagaïires venus ou pais de Beausse, et aussi pour establir les frontières de dessus la rivière de Loire contre iceulx ennemis, et lesquelx sont de présent devant la ville d'Orléans, nous ait esté et encores soit besoing d’assembler de toutes pars gens d’armes et de trait, noz vassaulx et féaulx et autres gens de guerre, ou plus grant nombre que faire se pourra, lesquelx nous avons desjà mandez venir sur ladicte rivière et envoié sur icelle dès lors partie d’iceulx, selon ce qu’ilz sont venus et paravant la reddition d’aucunes places, les aucunes dessus ladicte rivière et les autres sur les païs d’anviron, occuppées à présent par lesdiz ennemis, laquelle chose toutesvoies n’avons peu bonnement faire sans prompte finance et preste pour faire aucun paiement ausdictes gens d’armes; laquelle finance, pour les grans charges qui ont esté et sont encores sur toutes noz finances, ainsi que par les gens d’icelles et autres gens de nostre conseil avons esté et sommes acertenez, n’avons peu trouver ne recouvrer si promptement, quelque emprunt que en aions voulu faire et requérir de plusieurs de noz officiers, sinon seulement de nostre chier et féal cousin, conseillier et chambellan, le sr de La Trimoille ; lequel, congnoissant et véant le grant besoing que en avions, et pour la grant affection qu’il a eu et a au bien de nous et de nostre seigneurie et à la deffense d’icelle, nous a presté la somme de dix mille livres tournois qui ont esté convertiz et emploiez ès choses dessusdictes réaulment et de fait, et distribuez ou paiement desdictes gens d'armes et de

trait, selon et en la forme et manière qu’il est contenu en un roolle atachié à ces présentes soubz nostre contre séel ; pour ce toutesvoies que lui avions promis rendre et paier icelle somme de dix mille livres tournois, et aussi la somme de unze mille cent sept escus d’or qu’il nous avoit prestez au paravant, pour le fait du navire et armée d’Escoce et pour le fait de nostre voiage de Bourges et aussi pour noz très grans affaires à plusieurs et diverses foiz, pour ce qui est dit par ledit roolle, avecques une cédule de nostre amé et féal receveur général de toutes noz finances Guillaume Charrier, par laquelle cédule appert lesdictes sommes avoir esté receues ; ouquel roolle, atachié à cesdictes présentes, est contenue la distribution desdictes sommes, [comme] puet apparoir plus à plain et que pour icellui paiement, afin de l’abrégier, lui baïllismes seurté suffisant.

« Pour laquelle seurté et paiement desdictes sommes à nostredit cousin, considérans le grant service et plaisir que il nous avoit fait de nous secourir à nostre si grant neccessité et pour lui remonstrer la voulenté que avions de le contenter, et que autrement ne nous estoit pas possible de recouvrer si prestement icelles sommes pour le paier ; considérans les grans dommages et inconvéniens imaginables qui, par deffault de donner et mettre la provision dessusdicte, s’en porroient ensuir à nous et nostredicte seigneurie, à icellui nostre cousin et aux siens, pour les causes dessusdictes et autres qui à ce nous mouvoient, et par grant et meure délibération de [nostre] conseil, eussions de nostre certaine science, plaine puissance et auctorité royale, et aussi de l’exprès consentement de nostre très chière et très amée compaigne la Reyne, baïllié en et pour gaige noz ville, chasteaux, chastellenie, terre et seigneurie de Chinon. la revenue et appartenances d’iceulx, pour les avoir, tenir, posséder et exploicter par nostredit cousin et les siens ou ayans cause jusques à ce qu’il feust paié et contenté entièrement, et à une foiz, desdictes sommes de dix mille livres tournois et unze mille cent et sept escus d’or qu'il nous avoit et a prestée comme dit est ; et eussions voullu et ordonné que la revenue desdiz chasteauzx, ville et chastellenie, terre et seigneurie de Chinon feust convertie en la garde et deffense desdiz chasteaux.

« Etpour ce que ladicte revenue, qui est petite, n’eust pas souffit au paiement des gens de ladicte garde, ainsi qu’ilz ont acoustumé estre paiez, et mesmement,

considéré le temps présent, eussions voulu que le résidu de ce qui conviendroit feust prins sur noz autres finances ; et avecques ce, s’il avenoit que lesdiz chasteaux et ville feussent prins et occuppez par force et puissance d'armes ou autrement, contre la voulenté de nostredit cousin, nous voulions que aucune chose lui en feust ou peust estre imputée ou demandée en temps avenir, ne aux siens ou ayans cause, ne que ce lui peust tourner à préjudice à sondit paiement desdictes sommes et que n’en peust et deust estre paié et contenté comme s’il avoit et possédoit encores lesdictes places: promettans, en bonne foy et en parolle de Roy, tenir et faire tenir et acomplir de point en point les choses dessusdictes, ainsi que toutes ces choses et autres estoient plus à plain déclairées et contenues en noz lettres par nous sur ce ordonnées ou mois d’aoust derrenièrement passé.

« Et soit ainsi que nostredit cousin, ayant regart que de piéça avions baillié à nostredicte compaigne lesdictes ville et chasteaux, chastellenie, terre et seigneurie de Chinon pour son estat et demeure, se bon lui sembloit, jà soit ce que de nostredit bail et engagement feust consentent et content, comme dit est, n’ait voulu ne vueille accepter icellui nostre bail et engagement d’iceulx ville, chasteaux, terre et seigneurie de Chinon, véant que icelle nostre compaigne n’avions récompensé ne baillié autre lieu et place, et que ne demourast ainsi désappoinctée et sans autre bonne provision, et afin que on ne peust dire que il voulsist rien entreprendre ou préjudice d’elle, mais demoure plus content ; et nous ait requis nostredit cousin que autre part, où bon nous sem- ‘blera, lui vueillons baïller bonne et souffisante seurté de paiement des sommes dessusdictes.

« Savoir faisons que nous, considérées toutes les choses dessusdictes et le bon vouloir de nostredit cousin de La Trimoille au regart du fait de nostredicte compaigne, voulans pour ledit paiement desdictes sommes, et afin de l’abrégier, lui baïiller bonne et souffisant seurté et lui monstrer par effect de plus en plus la voulenté que avons de l’en contenter, attendans que autre part ne nous est pas possible de le recouvrer si prestement : à icellui nostre cousin, pour les causes dessus touchées et autres à ce nous mouvans, par la délibération de nostre conseil, avons de nostre certaine science, plaine puissance et auctorité royal, baillé et par ces présentes baillons en et pour gage pour lesdictes

sommes de dix mille livres tournois et unze mille cent et sept escus d’or, noz ville, chastel, chastellenie, terre et seigneurie de Lesignen, en nostre pais de Poictou, avecques toutes leurs revenues, appartenances et appendances quelxconques ; pour icelles ville, chastel, chastellenie, terre et seigneurie, revenues et appartenances avoir et tenir par nostredit cousin et les siens ou ayans cause jusques à plain et entier paiement, et à une foiz, desdictes sommes de x= livres tournois et xj" c vij escus d’or qu’il nous a presté, comme dit est ; parmi et toutesvoies que toutes et quantes foiz que icellui nostre cousin ou les siens seront contentez et paiez entièrement et à une foiz d’icelles sommes, ilz nous seront tenus de rendre et baïiller, et rendront et baïlleront réaument et de fait en noz mains, lesdiz chastel et ville pour iceulx baïller et restituer à nostre amé et féal conseillier et chambellan le sieur de Barbazan, qui estoit cappitaine dudit chastel, s’il vivoit lors, ou à nostre bien amé escuier d’escuierie Nicolas de Montlouys ou à autre pour lui. |

« Et pour ce que à la garde dudit chastel a eu le temps passé continuelment, et a de présent et voulons que tousjours soient, trente hommes d’armes et et vingt hommes de trait, lesquelx ont acoustumé et voulons estre paiez ordinairement le plus que possible sera, nous voulons et ordonnons que tous les aides qni sont et seront imposez et levez en ladicte ville, terre et chastellenie de Lesignen soient convertiz et emploiez ou paiement et souldoement desdictes gens d’armes et de trait, et non ailleurs, et que ce que plus en fauldroit et esconvendroit soit prins sur noz autres finances. Et avecques ce s’il advenoit que lesdiz chastel et ville de Lesignen feussent prins et occupez par force et puissance d’armes ou autrement, contre la voulenté de nostredit cousin, nous ne voulons que aucune chose lui en soit ou peust estre imputée ou demandée ou temps avenir, ne aux siens ou aians cause, ne que ce lui puist tourner à préjudice du paiement desdictes sommes et qu’il n’en puisse et doye estre contenté et paié comme s’il avoit et possédoit encores lesdictes places, tout ainsi et par la forme et manière que cy dessus est dit et que l'avons voulu et octroyé à nostredit cousin ou bail et engagement desdiz ville, chasteaux, chastellenie, terre et seigneurie de Chinon par nosdictes autres lettres ; dont il ne s’est voulu aucunement aidier, et les avons adnullées et mettons encores du tout au néant.

« Toutes lesquelles choses dessusdictes tenir et faire tenir et acomplir de point en point, nous lui avons promis et promettons en bonne foy et en parole de Roy. Voulons oultre et ordonnons qu'il puisse commettre, ledit temps durant, èsdiz chastel et ville de Lesignen tel cappitaine et officiers que bon lui semblera, et aussi en ladicte terre et chastellenie tel receveur ou commis et semblablement autres officiers comme il vouldra, et tous iceulx cappitaines et officiers quelxconques oster, muer et changer à sa voulenté ; par lesquelx, et aussi par ceulx qui sont ou seront à la garde desdiz chastel et ville, nous voulons entièrement estre obéy à nostredit cousin et aux siens ou aïans cause, et que ilz ne mettent ou souffrent mettre lesdictes places ou aucune d’icelles hors des mains d’icellui nostre cousin. Et tous seremens ou promesses qu'ilz auroient et pourroient avoir [faits] au contraire de ce que dit est, avons adnullé et adnullons et mettons au néant par ces mesmes présentes, jusques à ce qu'il soit entièrement paié desdictes sommes, et à une foiz comme dit est.

« Si donnons en mandement, par cesdictes lettres, à noz amez et féaulx gens de noz comptes et trésoriers, les généraulx conseilliers et commissaires qui à présent sont et pour le temps avenir seront sur le fait et gouvernement de noz finances, au séneschal de Poictou ou à son lieutenant, à nostre bien amé escuier d’escuierie Nicolas de Montlouys, lieutenant dudit sieur de Barbazan èsdiz chastel et ville de Lesignen, et à tous noz autres justiciers et officiers et autres estans et demourans en iceulx chastel et ville, terre et seigneurie de Lesignen, et à chascun d’eulx si comme à luy appartendra, que de noz présens engagement, bail, voulenté et ordonnance facent, souffrent et laissent nostredit cousin et les siens ou aians cause joir et user plainement et paisiblement tout par la manière que dit est, sans venir aucunement à l'encontre, et luy obéissent et facent obéir par tous ceulx qu’il appartendra comme ilz feroient à nous mesmes. En tesmoing de ce, nous avons fait mettre nostre séel à ces présentes.

« Donné à Chinon, le xxix° jour d’octobre, l’an de grâce mil quatre cens vingt huit, et de nostre règne le septiesme. »

Chartrier de Thouars, Original en parchemin, dont les mots mutilés sont remplacés par des points et des italiques.

ne nn eee cms

1428, 11 décembre. Bourges. — Les gens des comptes du roi attestent que le roi a baillé à Georges de La Trémoille « les ville, chastel et chastellenie de Lesignen pour et en gaige de la somme de » 11,107 écus d’or et 1,0000 livres en monnaie « en laquelle » le roi « lui estoit tenu pour prest de semblable somme à lui fait par ledit seigneur de La Trémoille, ainsi que par La cédule de Guillaume Charrier, receveur général de toutes finances, et par certain roole... puet apparoir. » Georges de La Trémoille devra rendre ladite châtellenie au roi quand il aura été payé.

Chartnier de Thouars. Orig. parch., scellé de cinq sceaux.

1428, 30 décembre. Chinon. — Lettres de Charles VII par lesquelles il donne à Georges de La Trémoille les revenus des greniers à sel « du Pont- Saint-Esperit et de Mezo jusques à trois ans continuelz », à la condition que ledit Georges de La Trémoille sera tenu de « parfournir durant ledit temps et par chacun mois les souldes et paiemens de soixante hommes d’armes ordonnez estre continuellement autour » du roi « pour la seurté de » sa personne, « sans ce que autre que lui doie avoir le soing et charge dudit paiement... »

Chartrier de Thouars. Orig. parch.

1429, 8 avril, après Päques. Chinon. — Traité d'alliance entre Gilles de Raïz et Georges de La Trémoille.

a Gilles, seigneur de Rays et de Pousauges, certiffions à tous que, en recongnoissance des grans biens, honneurs et courtoisies que nous a faiz... notre très honnoré et puissant seigneur, monseigneur George, seigneur de La Trémoille, de Sully et de Craon, et a espérance de faire ou temps advenir, et pour la bonne et ancienne amour et confiance que de sa courtoisie il a eueeta envers nous et pour plusieurs autres considéracions, par lesquelles nous nous sentons raisonnablement tenu à luy, tant par lignage que autrement, nous luy, avons promis, juré et enconvenancé, sur la foy et serement de notre corps et sur le reproiche de notre honneur, et de rechief luy promectons par ces présentes que, à toutes ses affaires et besoings et toutes les foiz qu’il nous requerra.. nous le servirons de toute notre puissance, jusques à mort et à vie, envers tous et contre tous seigneurs et autres, sans nul excepté, en la bonne grâce et amour du roy, et en son service, en l’estat qu’il est à présent ou plus grant…

« Nous, à greigneur confirmacion, avons signé ces présentes de notre main et seellées du propre seel de noz armes.

« Donné à Chinon, le vinme jour d'avril, l’an mil cccc vingt et neuf, après Pasques.

« GILLES DE Rays. »

Chartrier de Thouars. Orig. parch. ; sceau perdu.

ee ——— om CO = ee ee ee + mme

1429, 3 juin. Loches. — Georges de La Trémoille confesse « devoir, à cause de prest, à maistre Robert Le Maczon, seigneur de Trèves, et à Estienne Bernart, dit Moreau, trésorier d'Anjou, la somme de quinze cens escuz d’or, c’est assavoir à chacun d’eulx sept cens cinquante escus d’or », laquelle somme il devra leur rendre dans six mois.

Chartrier de Thouars. Orig. pap., signé: « George de La Trémoylle. »

1429, 11 Septembre. Saint-Denis en France. — Charles VII donne la capitainerie de Château-Thierry à Georges de L T rémoille. | |

« Charles, par la grâce de Dieu, roy de France, savoir faisons que, consideréz les haulx, grans, bons, agréables, continuelz et proffitables services que notre amé et féal cousin, conseiller et chambellan, le sire de La Trémoille, nous a faiz le temps passé et fait chacun jour en plusieurs et maintes manières et mesmement en ceste présente armée que avons présentement mise sus pour le recouvrement de notre seigneurie, considerez oultre les grans fraiz, mises et despens que à cause des diz services faire lui a convenu et convient chacun jour, nous, à notre dit cousin... avons donné et octroié, donnons et octroions, de grâce espécial..., à sa vie, la cappitainerie et garde de noz ville et chastel de Chasteauthierry, avec toutes les revenues, rentes, possessions et

— sims ns nn

domaines à nous appartenans en la chastellenie dudit lieu, tant le revenu de notre domaine comme de notre grenier à sel dudit lieu, d'aides et autres quelconques noz revenues ès dites ville, chastel et chastellenie..…............…. se

« En tesmoing de ce, nous avons fait mettre notre seel à ces présentes.

«a Donné à Saint-Denis-en-France, le xi° jour de septembre, l’an de grâce mil cecc vint et neuf, et de notre règne le septiesme.

(Sur le repli) : « Par le roy, Bude. — Sigillata de mandato regis. »

Chartrier de Thouars. Orig. parch., scellé.