TT ——————————
de feu notre oncle le duc de Berry, appartenans à J ehanne, contesse de Boulongne, jadis femme de feu notre dit oncle, laquelle, après le déces d’icellui notre oncle, ledit seigneur de La Trémoille espousa, lesquelz biens meubles et argent icellui seigneur de La Trémoille prétendoit lui compecter et appartenir. Et aussi fu la prinse dudit évesque pour ce qu’il avoit machiné et conspiré le mal de la personne d’icellui seigneur de La Trémoille envers notre très chier et féal cousin le connestable.
— « Énsuivent autres desdits cas regardans la prinse des personnes de Guillaume de Jullien et de ung appellé Désiré Martin, bourgeois de Lymoges. Et est assavoir que comme ledit seigneur de La Trémoille, aiant grant auctorité et gouvernement eéntour nous et en noz affaires, comme il a de présent, eust esté prié et requis de par la ville de Lymoges et consulat d’icelle de les aider et secourir de certain nombre de gens d’armes et de trait pour aller mectre le siège devant le chastel et place de Moruscle, lequel seigneur de La Trémoille obtempera à ladite requeste, et par les diz de Lymoges bien fu promis grant somme de deniers, et pour les diz gens de guerre entretenir et aller audit voiaige exposa du sien grant somme de deniers, desquelz paier ettenir promesse depuis ledit service fait, ceulx de la dite ville de Lymoges furent requis de par icellui seigneur de La Trémoille pluseurs foiz, lesquels en furent délaians. Et pour ce, icellui seigneur de La Trémoille, recors de ces choses et de son interest, voulant estre récompensé, fist prendre et mener prisonniers les dits Guillaume de Jullien et Désiré Martin ou chastel de Chauvigny, où il les avoit fait mectre prisonniers, et mener en notre chastel de Poictiers et ailleurs où bon lui sembla, comme des plus principaulx du fait et poursuyte de ladite ville de Lymoges, pour estre paié de sadite mise et despense, lesquelz Guillaume de Jullien et Désiré Martin lui paièrent de vim à vum francs ou autré Somme non guéres plus grant, de toute laquelle somme il n’est pas bien souvenant.
—« Étpour ce ledit seigneurde La Trémoille.…., aiantentrès grant desplaisance iceulx cas et faiz et tous autres que il pourroit avoir faiz, commis et perpétrez. contre notre auctorité et justice que il vieult et doit congnoistre et en tous autres cas, soit qu’il ait empesché de lever et recevoir par noz officiers les deniers d'aides ou tailles en et sur ses terres, et ou en avoir prins de sa volonté sans
notre ordonnance et appoinctement, et de levées ou prinses de denrées ou marchandises ou deniers sur icelles, montans ou avalans par devant sa place de Sully, de quelconque personne que ce soit, et de tous autres faiz et cas quelzconques de prinses d’autres personnes que des dessus nommées ou autres, par lui commis et perpétrez,.… nous a fait supplier et requérir qu’il nous plaise lui quicter et abolir généralement et particullièrement, et tout ainsi que si singullièrement et nommément de mot à mot estoient cy spécifiez, escriptz et déclairez.
«a Pourquoy, nous, ces choses considérées, inclinans favorablement à la requeste de notre dit cousin le seigneur de La Trémoille, pour les grans, notables, prouffitables et agréables services qu’il nous a faiz songneusement en noz affaires à très grant diligence, peine et travail de sa personne..…, ef que encores chacun jour fait et espérons que plus face, et en recongnoissance d’iceulx, voulans procéder envers lui favorablement et sans rigueur, nous, de notre certaine science, grâce espécial, plaine puissance et auctorité royal, les faiz et cas dessusdits.. et. tous autres faiz et cas quelconques... lui avons pardonné, quicté et aboly, pardonnons, quictons et abolissons.…
a Donné à Poictiers, le vire jour de may,lande grâce mil cccc trente et ung, et de notre règne le xe. Ainsi signé sur la marge au dessous : Par le roy en son conseil, ouquel vous Christofle de Harecourt, le maréchal de Sainte-Sevère, maistre Jehan de Vaily et Jennen Lefèvre, présidens en Parlement,et pluseurs autres dudit conseil estiez. — MaLuière. Et au bas de ladite marge : Visa. »
Chartrier de Thouars. Copie en papier, du xv° siècle.
1431 (v.5.), 16 mars. Issoudun. — Jean d'Aulon, écuyer d'écurie du roi, ancien maître d'hôtel de Jeanne d'Arc, reconnaît devoir à Georges de La Trémoille la somme de 500 écus d'or. |
« A tous ceulx, etc. Pierre du Boys, garde du seel royal establi aux [contracts] de la prévosté d’Issouldun, salut en Notre-Seigneur.
« Saichent tuit que, en la présence de Jehan Le Clerc, juré dudit seel,.…. personellement establi Jehan Dolon, escuier d’escurie du roy, notre sire, lequel... a recogneu..…. devoir... à noble et puissant seigneur messire, George, seigneur de La Trémoilhe, de Suly, de Craon et de Bomez, absent, - Jehan Bourjant, son recepveur audit lieu de Bomez, présent, stipulant et acceptant pour lui, la somme de cinq cens escuz d’or, du coing de Thelouse, peisens sept mars, six onces, ung denïier et six grains d’or, pour cause de prest, fait par le dit Bourjant, receveur dessus dit, pour et ou nom du dit seigneur, son dit maistre, au dit Jehan Dolon, debteur, à son grant besoing et nécessité, en la présence dudit juré, et duquel prest icellui Jehan Dolon, debteur, s’ést tenu et tient pour bien content, paié et satisfait... Et laquelle somme de cinq cens escus d’or... le dit Jehan Dolon, debteur, a promis et promect... paier et rendre audit seigneur ou aux siens ou à son dit receveur. dedans deux moys,... renduz, conduiz à ses périlz audit lieu d’Issouldum ou audit lieu de Bomez..….
«a Donné (sous le seel de la prevosté d’Issouldum), le dymenche xvic jour de mars, l’an mil quatre cens trente et ung.
« J. Le CLERE .»
Chartrier de Thouars. Orig. parch., scellé.
