XXX VII
1432, 11 mai. Dijon. — Le duc de Bourgogne promet 18,000 couronnes d'or à Georges de La Trémoille pour le dédommager de sa prise par Perrenet Grasset ou Gressart.
a Philippe, par la grâce de Dieu, duc de Bourgongne, de Lothier, de Brabans et de Lembourg..…. à tous ceulx qui ce présentes lettres verront, salut.
«a Comme jà pieça messire George, seigneur de La Trémoille, notre cousin, eust esté par Perrenet Grasset (sic) et aucuns ses complices, en venant, à notre requeste, par deça et pour aucunes choses qui nous touchoient, pris et emmené par force prisonnier, où bon leur sembla, et mis à grande finance et raençon, jasoit ce qu’il eust de nous seurté, soubz le conduit de notre mareschal de Bourgoigne, depuis laquelle prise avons, comme raison est, à iceluy notre cousin promis et accordé de l’en desdommager et acquiter.
« Savoir faisons que... à iceluy messire George, seigneur de La Trémoille, notre cousin, avons promis et promectons, en bonne foy et parole de prince, baillier ou faire baillier et délivrer pour une fois, la somme de dix huit mille couronnes d’or pour toutes choses que à cause de sa dite prinse il pourroit demander.
« Donné en notre ville de Dijon, le xi° jour de may, l’an de grâce mil quatre cens trente deux.
« Par monsr le duc, le sire de Croy, Guy Guilbaut et autres présens.
« CHapuis. »
Chartrier de Thouars. Parchemin. Vidimus.
1431 (v.5.), 16 mars. Issoudun. — Jean d'Aulon, écuyer d'écurie du roi, ancien maître d'hôtel de Jeanne d'Arc, reconnaît devoir à Georges de La Trémoille la somme de 500 écus d'or. |
« A tous ceulx, etc. Pierre du Boys, garde du seel royal establi aux [contracts] de la prévosté d’Issouldun, salut en Notre-Seigneur.
« Saichent tuit que, en la présence de Jehan Le Clerc, juré dudit seel..… personellement establi Jehan Dolon, escuier d’escurie du roy, notre sire, lequel... a recogneu.…. devoir... à noble et puissant seigneur messire, George, seigneur de La Trémoilhe, de Suly, de Craon et de Bomez, absent, - Jehan Bourjant, son recepveur audit lieu de Bomez, présent, stipulant et acceptant pour lui, la somme de cinq cens escuz d’or, du coing de Thelouse, peisens sept mars, six onces, ung denier et six grains d’or, pour cause de prest, fait par le dit Bourjant, receveur dessus dit, pour et ou nom du dit seigneur, son dit maïistre, au dit Jehan Dolon, debteur, à son grant besoing et nécessité, en la présence dudit juré, et duquel prest icellui Jehan Dolon, debteur, s'ést tenu et tient pour bien content, paié et satisfait... Et laquelle somme de cinq cens escus d’or... le dit Jehan Dolon, debteur, a promis et promect.. paier et rendre audit seigneur ou aux siens ou à son dit receveur. dedans deux moys,... renduz, conduiz à ses périlz audit lieu d’Issouldum ou audit lieu de Bomez..…
« Donné (sous le seel de la prevosté d’Issouldum), le dymenche xvie jour de mars, l’an mil quatre cens trente et ung.
« J. Le CLERE .»
Chartrier de Thouars. Orig. parch., scellé.
