M UT

résister à l’encontre de noz ennemis, à laquelle cause il dit que notre amé et féal conseiller l’évesque de Poictiers devoit prester deux mil réaulx, lesquelz il devoit avoir et dont, comme il disoit, les gens de notre pays de Poictou lui avoient promis faire paiement, 'et pour plusieurs autres noz très grans affaires, comme pôur reste de sà dite pension, dont lui est deu très grant somme, il nous plaise, pour satisfacion de son dit deu-et pour considéracion et recompensacion des bons services qu’il nous a faiz et tousjours en voulenté defaire, et aussi des grans fraiz et mises que faire lui a convenu pour mener en sa compagnie, ès pais de Forestz et de Beaujouloys, pour notre service et pour le secours et aide de nôtre très cher et très amé cousin le duc de Bourbon, et pour résister à l'encontre d’aucuns no0z rebelles et désobeissans;: qui lors faisoient guerre à notre dit cousin ès dits pais de Forestz et de Beaujouloys à lui appartenans, plusieurs capitaines de gens d’armes et de trait et leurs gens, autres que.ceulx qui devoient alèr avecques le mareschal de Rays oultre la rivière de Saine au secours de la: place de Grancy; luy confermer et octroyer de nouvel et de rechief sa dicte pension. et qu’il en soit assigné sur les aides, tailles, impostz et subsides quelzconquès qui, de par nous, seront imposez et mis sus en et sur ses dites terres et sur celles de notre cousine, sa femme, ou en lieu de ce, lui donner et octroyer à sa vie, tous iceulx aides, tailles, impostz et subsides qui ne montent pas de grant chose par communes années, à la valeur de sa dite pension. |

« Savoir faisons que nous, ces choses considérées, et en faveur d'icelles, et pour autres considéracions à ce nous mouvans, à icelui seigneur de La Trémoillé, notre cousin, avons, par l’advis et délibéracion des seigneurs de notre sang estans entour nous et des gens de notre grant conseil, donné et octroyé, donnons et octroyons, par ces présentes, tous Îes dites aides, tailles, impostz et subsides quelzconques des terres que lui et notre dite cousine, sa femme, ont et pevent avoir tant en Poictou, Limosin, Anjou, Touraine, Berry, le duché d'Orléans, que autre part en notre royaume, hors les aides nomméz quars et imposicions qui souloient avoir cours, et autres aides et subsides imposez ou à imposer pour l’esquivalent d'iceulx, pour des dites tailles et autres aides, imposez et subsides devant diz joyr et user par notre dit cousin sa vie durant ; et au regard des diz quars et imposicions et autres aides et subsides

imposez ou à imposer pour l’équivalent d’iceulx, pour ce que notre entencion n’est pas que aucuns, de quelque estat qu’ilz soient, les aient, ne preignent en leurs terres, nous voulons... que notre dit cousin de La Trémoille.. ait et preigne…. par chacun an... sur la porcion des dites terres de lui et de notre dite cousine, sa femme... la somme de neuf mille livres tournois seulement.…; parmi ce toutesvoies que, à l’expédicion des ces présentes, notre dit cousin de La Trémoille baïllera.. en notre chambre des comptes quictance générale..….; reservé qu’il pourra poursuivre. hypothèque, droit et action qu’il dit avoir sur la terre d'Amboise, soit à cause d’argent par lui presté ou autrement, et aussi le droit, titre et action qu’il peut avoir sur les chastel, ville et terre de Melle en Poictou. Et au regard du fait de Chastillon, pour la délivrance duquel il fist autreffoiz certain prest, et aussi le prest qu’il fist pour envoier le dit Hire et autres, oultre les rivières dessusdites,… il tendra quictes et deschargéz ledit évesque de Poictiers et les gens de notre pais de Poictou..…. Et avecques ce ne nous pourra riens demander et ne serons tenuz lui faire aucun paiement ou assignacion à cause de la frontière qu’il a tenue, tient et tendra contre noz rebelles estans à Montargis et autres places de là entour à nous contraires, ne aussi de ce qu’il peut avoir mis ne frayé du sien pour le passaige de son bastard, de Brussac, Loynot, Gallardon, le Galoys de Villiers, et autres capitaines et leurs gens, tant pour le fait de Saint-Denis que pour faire guerre à nos dits ennemis ou pais de France et autre part.

« Si donnons en mandement {etc.)

« Donné à Bourges, le xxvie jour de septembre, l’an de grâce mil cccc trente et cinq, et de notre règne Ic treziesme. »

(Sur le repli) « Par le roy en son conseil ouquel monsr Charles d'Anjou, les arcevesques de Vienne et de Tholose, les évesques de Poictiers et de Magalonne, le maistre des arbalestriers, le sire de Trèves, messire Hugues de Noe et messire Bertran de Beauvau, maistres Gieffroy Vassault et Renier de

Bolligny et pluseurs autres estoient.

« J. Le PicarT. »

Chartrier de Thouars. Orig. parch.; sceau perdu.