LIT
1436, 1 mars, avant Pâques. Sully. — Georges de La Trémoille, voulant reconnaître les bons services de « maïstre Jacques de l’Espine, procureur en Parlement, et pour luy aider à porter les dommaiges qu’il a euz à cause de la prison où il a esté ès mains des Angloys », le retient « à son conseil et pencion en ladite court de Parlement, aux gaiges et pencion de » 40 livres tournois par an, sur la recepte et le receveur de Craon.
« En l'an mil nié xxxvi, en alant maistre Aignan Viole et ledit de L’Espine de Poicticrs à Paris, ilz passèrent par mondit seigneur (Georges de La Trémoille) à Sully qui les chargea de ses besongnes qu’il avoit à faire à Paris et en ladite court de Parlement.
« En passant par Tourfou,.… ilz furent prins et destroussez où ilz perdirent beaucoup, et furent menez prisonniers d’Angloys à Monstereul (Montereau)fault-Yonne, où ilz furent longuement et estroictement detenuz prisonniers et mis à excessives rençons, dont ilz ne sont pas encore quictes du tout, mesmement ledit de L’Espine.
a En retournant de leurdite prison, ilz repassèrent par Sully par mondit seigneur qui fut très desplaisant de leur ennuy et dommaige, et si n’eust esté ce qu’il avoit délivré” messire Guy d’Anxigny, par le moyen d’une place d’Angloys qu’il avoit prinse, où il avoit prins plusieurs prisonniers de Montargis, il les eust délivrez par sesdits prisonniers... ».
« Au regard dudit Viole, il (Georges de La Trémoille) lui donna certaine somme, et au regard dudit de L’Espine, il eut voulenté de luy bailler Le Buron à sa vie, dont aucuns l’empeschèrent... ».
Chartrier de Thouars. Pièce papier.
z436, 11 novembre. Issoudun. — Charles VIT donne à Georges de La Trémoille la capitainerie de Monterau et de Montargis, au cas où il prendrait ces villes avant trois mois.
« Nous Charles, par la grâce de Dieu, roy de France, savoir faisons ..… que comme notre cher et féal cousin, George, seigneur de La Trémoille, ait entencion et voulenté, comme il nousa fait savoir, de soy emploier à redduire et mectre en notre obeissance n0z chasteaulx et ville de Monstereau où fault Yonne et de Montargis, à laquelle chose exécuter luy conviendra faire pluseurs grans fraiz et mises, et pour congnoissance du service que en ce il nous veult faire en tant qu’il y veult emploier premièrement le sien, et pour le travail et paine qu’il prend à la chose, nous luy avons promis et accordé et, par ces présentes, promectons et accordons que, ou cas que par son moien, nos dits chasteaulx et villes seront dedans troys moys, prochains venans, redduiz en notre obéissance, il aura et luy donnerons, et dès à présent, ou dit cas, luy donnons, par ces dites présentes, la capitainerie et garde de chacun de nos dits chasteaulx et villes de Montargis et Monstereau, sa vie durant ; et ovecques ce en recompensacion de ses dits fraiz et services et, dès à présent, ou dit cas, luy ordonnons avoir des deniers de noz finances, pour une foiz, la somme de huit mil escuz d’or, pour toutes les dites places; et s’il n’en conqueste ou redduit que l’une, pourveu que ce soit ville et chastel ensemble, il ne aura que la moictié d’icelle somme. Et en gaige et pour seureté de son paiement tendra en sa main ycelles places et joyra de toutes et chacunes les revenues ordinaires d'icelles places par luy redduictes, et aussi du prouffit et esmolument de noz greniers à sel illec establiz, sans ce qu’il luy en soit riens rabatu sur ladite somme, et les tendra tant que luy aïons fait paier icelle somme à une foiz ou à deux. Et après le paiement fait, tendra lesdites places par luy red-
duictes comme capitaine d’icelles, sa vie durant, aux gaiges ancians seulement, se autre creue ne nous plaist adoncques luy faire...
« En tesmoing de ce, nous avons signé ces présentes de notre main, et ycelles fait signer par Jehan Picart, notre premier secrétaire, et seeller de notre seel de secret. °
« Donné à Yssouldun, le xime jour de novembre, l’an de grâce mil cecc xxxvi.
