CHARLES
« Par le roy en son conseil. | « J. LE PIcART ».
Chartrier de Thouars. Orig. parch. ; reste de sceau.
1437, 9 août. Orléans. — Galobie, seigneur de Pennassac, capitaine de Laon, reconnaît qu'un fermeillet engagé pour la somme de 200 écus d'or, à Jean Merit, armurier à Orléans, appartient à Georges de La Trémoille.
« À tous ceulx, etc., Jehan Le Prestre, licencié en loix, garde de la prévosté d'Orléans, salut.
« Comme il soit ainsi que messire Anthoine du Coignac, chevalier, seigneur du Plesseys et de Paloiseau, se soit aujourduy obligié envers Jehan Merit, marchant et armeurier, demourant à Orléans, en la somme de deux cens escuz d’or, de présent aians cours, du poix de soixante et dix au marc, et icelle somme ait ledit chevalier, en son pur et propre nom, promise à paier audit Jehan Merit ou au porteur des lettres obligatoires sur ce faites pour les causes et par la manière contenues en icelles, dedans la Toussains prochaine venant, et pour seurté du paiement de ladite somme de 11° escuz d’or dessus dits, ait le chevalier baillé en gaige audit Jehan Merit ung fermeillet d’or sur lequel a
quatre diamans dont les deux sont en tabletez et les autres deux à losenges et ou mylieu dudit fermeillet ung ruby, tout ledit fermeillet pesant environ deux onces, demi escu moins, et ait consenti et voulu icellui estre vendu tout fornuité au lieu et heure acoustumez en plain chastellet d'Orléans, ou cas que dedans ledit jour il ne payera ladite somme, et à ce faire et souffrir et aussi à paier tous coustemens et interestz, qui sur ce seront faiz par deffault de paiement, se soit ledit chevalier obligé par devant Jehan de Recoum, notaire juré de chastellet d'Orléans, tant et si avant comme faire se puet et doit en tel cas.
« Savoir faisons que, par devant ledit notaire juré, a esté ce mesme jour présent et establi personnelement monsr Galobie, seigneur de Pennassac, chevalier, cappitaine de Laon et Laonnois, lequel, de sa bonne voulenté, sans contrainte, a congnu et confessé que le dit fermeillet ainsi par ledit messire Anthoine baillé en gaige au dit Jehan Merit pour ladite somme de n° escuz d’or, est et appartient à noble et puissant seigneur monseigneur George, seigneur de La Trémoille et de Suly, par l'ordonnance duquel ledit messire Anthoine l’a ainsi engaigé pour la vente de certain harnoiïis à armer, baïllé et delivré en ceste ville d'Orléans audit seigneur de Pennassac et à ses gens ; et pour ce a ledit seigneur de Pennassac promis et encores promect, par ces présentes, loyaument et par sa foy à mon dit seigneur de La Trémoille en son absence et en la présence du dit messire Anthoine, stipulant et aceptant pour et ou nom dudit seigneur, que la dicte somme de deux cenz escuz d’or du poix dessus dit, il rendra et paiera audit monseigneur de La Trémoille, à ses hers ou aians cause, ou au porteur de ces lettres pour eulx, ou en acquictera et desgaigera ledit fermeillet en manière qu’il puisse estre rendu ès mains dudit mons' de La Trémoille dedens Noel prochainement venant...
« En tesmoing de ce, nous, à la relacion dudit notaire juré, avons fait seeller ces lettres du seel de la dicte prévosté d'Orléans.
« Ce fut fait le neufyesme jour d’aoust, l'an mil cecc trente et sept.
« J. pe RECOUXM. »
Chartrier de Thouars. Orig. parch. ; sceau perdu.
= ——— "2 ———— —————— —— — Re Se gt qe
